#Study_Skills 📖🔖🔖 من النوع #الفخم جداً هالمرة 😌✌🏻 • بنعرف كلنا انه سيدنا أبو هريرة رضي الله عنه من أكثر الصحابة روايةً للحديث الشريف، يقال انه روى عن رسول الله ٥٣٧٤ حديث! أول شي بتمنّاه أنا كطالبة انه يكون ذاكرة فولاذيّة متل ذاكرته .. فتعالوا نتعرّف شو هيي العوامل يلي مكّنت سيدنا أبو هريرة من حفظ هالعدد من الأحاديث بالضبط والإتقان 💁🏻‍♀️ ١- الوقت 🕑 سيدنا أبو هريرة اختار لنفسه أن يكون من أهل الصُّفّة، يعيش على عطاء الرسول ﷺ .. وبأثناء حياة الرسول ﷺ ما كان اله عيلة ولا عمل، يعني كان متفرّغ تماماً للسماع من رسول الله والتعلم منه >> التعلُّم بيحتاج وقت وتفرُّغ ذهني، ما بيجي بين يوم وليلة، ولا بينفع للشخص يلي حابب يتعلّم عنجد انه يدرس ساعة بالأسبوع .. خصّص وقت لعلمك وخفّف مشتّتات لتقدر تحتفظ بالمعلومات الهامّة 👌🏻 ٢- قالوا قديماً: من أجاعَ بطنَه عظُمت فكرتُه 🤯 سيدنا أبو هريرة كان يُرى أكثر وقته جائع .. ويُقال انه فراغ بطنه أدى لإشعال ذكائه وإذكاء بصيرته >> بعرف انه هي النقطة صدمتك، يمكن لاننا عايشين بعصر الاستهلاك بجدارة، وكل الإعلانات بتقلك انه الذكاء مرتبط بالشوكولا والجوز واللوز والكاجو، بس ما حدا قلّك انه "ما ملأ آدميٌّ وعاءً شرٌّ من بطنه" وانه الشبع والتخمة الهن آثار سلبية جدا عالتفكير والتعلُّم .. كُلْ وقت تكون جوعان فقط وبقدر ما يُسكت جوعك، واطمئنّ الشوكولا لا تجعل من الحمقى عباقرة ✌🏻 ٣- حرصه على تعلّم الحديث .. لدرجة انه مرة الرسول قله: "ألا تسألُني من هذه الغنائم" فكان جواب سيدنا أبو هريرة: أسألك أن تعلمني مما علمك الله >> هنا وقفة طويلة لتجديد النيّة والدافع .. قد ما حكيتلكم عن أهمية الدافع فهو مهمّ أكتر .. يا ترا هل هدفك من الدراسة هو انك "تتعلم" ولا تتخرج بسرعة لتلاقي عمل وتحصّل مال؟!! رح تسألني ليش شو فرقت؟؟ اوووه فرقت كتير، وكل إنسان يُعطي بالضبط متل ما بده .. حرصك على التعلُّم والإتقان رح يكون بحدّ ذاته نقطة قوّة لصالحك ٤- تأمين الرسول ﷺ على دعائه لما قال: وأسألُكَ علماً لا يُنسى >> لا تنسَ الدعاء والتضرع إلى الله سبحانه وتعالى بانه ينور بصيرتك ويقوي ذاكرتك ويرزقك العلم النافع 🙏🏻💭💭 بالتوفيق لكم يا أصدقاء 🤩🎊 #إشراقة ~