#Study_Skills 😌 >> لولا النسيان بسس !! 😵 السلام عليكم ورحمة الله وبركاته 👋🏻 اديش تمنينا نقدر نفوت على أدمغتنا كرت ذاكرة 500 غيغا ونرتاح من عناء الدراسة 🙂 لهيك متابعين بحديثنا عن #الذاكرة .. على عكس توقعاتنا فالذاكرة نظام كامل للحفظ، نظام ديناميكي بنيوي حيوي .. يعني شغلة معقّدة وغير بسيطة .. لنتفق على تعريف للذاكرة: "هي نشاط عقلي معرفي يعكس القدرة على ترميز ومعالجة المعلومات والمشاعر والإدراكات واسترجاعها " يعني متل ما استنتجتوا من التعريف؛ الأمر لا يقتصر على استرجاع المعلومة وإنما بيبدأ من لحظة تلقّيها ومحاولة إدخالها للمخ، وهدا موضوعنا لليوم الذاكرة بتمر بالمراحل التالية: ترميز المعلومات >> دمج المعلومات >> تخزين المعلومات >> الاسترجاع والاستدعاء أول شي الترميز، أول شي انت كيف عم تتلقى المعلومة ؟!! هل عم تقرأها قراءة وتحاول تحفظ مفردات الفقرة ؟؟ أم عم تكون عملية الحفظ عملية ذكية ديناميكية ؟!! بحب قلكن أنه علمياً يتذكر الإنسان 10% فقط مما يقرأ .. فالاعتماد على القراءة وحدها طريقة كارثية ° لهيك تابعوا معي بالنصائح التالية لذاكرة أقوى بإذن الله: 1- التشتت عدو الذاكرة .. تخيل مخك متل المستودع يلي فيه معلومات وانت جاية تفوت عليه معلومة جديدة، إذا هالمستودع مكركب وين بدها تقعد المعلومة ؟! نفس الشي وقت تروح لتدرس وانت أساساً بمجال وعيك فيه مية معلومة وعم تفكر بأكتر من موضوع سوا .. ركز على شيء واحد بوقت واحد ولا تحمل مخك ما لا يستطيع 2- الفهم داعم رائع للذاكرة .. الأصل بالدراسة انك تحط أساس معلومات وتبني الباقي عليه بالمنطق والربط والاستنتاج .. بهالطريقة وقت تنسى معلومة بالفحص عندك طريقة تستنتجها عالأقل .. ووسائل الفهم متاحة بشكل كبير 😉 3- تجميع المعلومات وربطها: في فئة من الطلاب بيمسك الفصل وببلش يدرسه جملة جملة وفقرة فقرة، ولما يوصل لآخر الفصل بقول اجاني الفرج، وما بيرجع بعيد الفصل كله ليربط هالمعلومات برابط واحد .. لما تتبع هالطريقة فأنت عم تجهد مخك عالفاضي، سواءً هلأ بالتخزين أو مستقبلاً بالاسترجاع 4- استخدام الذاكرة البصرية .. استبدال فقرة مكتوبة بصورة من النت أو رسمة من صنع ايدك وإن كانت رموز ما حدا فهمانها غيرك :3 5- التحدث بصوت عالِ هي النقطة بالذات ثبتت فعاليتها، والسر انك عم تستخدم أكتر من حاسة بالتالي عم تفوت المعلومة عالمخ بأكتر من طريق، وهالشي مفيد حتماً بتعزيزها 6- طريقة التكرار المتباعد Spaced Repetition يلي فصلنا فيها بالبوست الماضي موضوع الذاكرة ما خلص، مكملين بشغلات إضافية بإذن الله فتابعونا 😇 دمتم بخيرٍ سالمين 🌸 #إشراقة ✨