#جوالك_كنز 💰 السلام عليكم ")) رح عرّفكم سريعاً على كنز مخبّى بعالم التطبيقات وهو تطبيق أذكاري .. تطبيق أذكاري تطبيق شامل مُتكامل شيّق بيضمن لك أن يبقى لسانك رطباً بذكر الله عزّ وجل. 📌 بالصفحة الرئيسية: رح تلاقي من فوق هدول الدوائر على نمط الحالات يلي كلنا بنحبّها، تذكرك بشوية أحاديث وآيات كل يوم. وكل يوم رح يعلّمك التطبيق حديث وآية واسم من أسماء الله الحسنى. 📌 بباب القرآن الكريم: رح تلاقي كل سور القرآن الكريم مصنّفة حسب السورة والجزء مع إمكانيّة البحث. لكن مو بس إمكانية القراءة هيي المتوفرة! كمان فيه إمكانية لسماع السورة بصوت ٢٠ قارئ ما بين قديم وحديث، وإمكانية أيضاً لقراءة تفسير أي آية بدك ياها من بين ٨ تفاسير متنوعة ما بين المفصّلة والمُختصرة. 📌 بباب أذكار المسلم: توجد عدة أذكار من أبرز الأذكار يلي بنحتاجها يومياً، من أذكار الصباح والمساء والنوم والاستيقاظ وغيرها .. بس المميّز بالتطبيق انه بإمكانك تحدّد وقت صباحي ووقت مسائي ليبعتلك إشعار ويذكرك بأذكارك ⏰ 📌 بباب المزيد: لسا فيه كتييير خدَمات بقدّم ياها التطبيق بس رح اترك اكتشافها لتجربتك 😉 💥 لسا فيه ميزة حلوة كتير ! وهيي يلي شجعتنا ندلّكم عليه .. من الإعدادات بإمكانك تعيّر التطبيق ليحطّلك عالشاشة ذكر بفواصل زمنية انت بتختارها، مثلا كل ٥ دقائق أو ١٠ أو ١٥ .. وهيك بتضمن انك تكون بإذن الله تعالى من الذاكرين اللهَ كثيراً والذاكرات. 📌 لتحميل التطبيق: • الرابط على غوغل بلاي • للتحميل المباشر من تليجرام جوالك كنز كبير، استثمره ولا تخليه يستغلّك 😉 إشراقة ~