#جوالك_كنز 💰 صياماً مقبولاً وإفطاراً شهياً للجميع 🙌🏻 التطبيق يلي معنا اليوم هو فعلاً أحلى تحلاية وأحلى هدية لطالب الطب، من الأولى للسادسة وحتى بعد التخرُّج! 🎁 التطبيق هو الخاارق Amboss 🤩🎉 هدا التطبيق تابع لمنصّة Amboss الإلكترونية لتعليم الطبّ باللغتين الإنجليزية والألمانية .. شو يلي بميّز هالتطبيق؟ 🧬 في حال حابب تقرا شي بالمجال الطبّي وما في ببالك شي محدد؛ فيك تفوت عالتطبيق على تصنيف Library وهون رح يطلعلك باقة واسعة من التصنيفات: العلوم الأساسية (تشريح، فيزيولجيا، تشريح مرضي، أدوية، أحياء ..) - العلوم السريرية (أطفال، جراحة، طب باطني ..) - الشكايات الإسعافية - حالات سريرية - كيف تتحول لطبيب مقيم .. وغيره 🤯 🧬 طيب انت ما بدك تتثقف، وإنما طلع معك اسم مرض خلال دراستك وحابب تعرف عنه أكتر .. هون الميزة يلي بتفيدك هيي ميزة البحث 🔍 فيك تبحث عن مرض، مقالة، دوا .. لما تبحث عن مرض رح يطلعلك: ملخص عنه، الفيزيولوجيا المرضيّة، العلامات، تشخيصه، التشاخيص التفريقية، العلاج .. يعني كل شي كل شي بخصّ هدا المرض 🤝🏻 🧬 وبالنسبة للدوا كمان بطالعلك كتيير معلومات بتخصه .. يعني حتى أصدقاءنا بكلية الصيدلة بيقدروا يستفيدوا منه 😉 🩺 حابب تتعلّم فحص سريري؟ التطبيق فيه هالتصنيف، بعلمك نظري وفيديوهات وبعلمك على حالات سريرية، يعني بحطلك سيناريو وبعلمك كيف تتعامل مع مُعطياته 😎 🧬 شايفين كل هاد؟ كله مدعّم بالصور والجداول والفيديوهات والخوارزميات (الخوارزميات رهيبة ")) تطبيق واحد بغطّي جزء كبير جداً من احتياجك كطالب طبّ، والتعامل معه سهل وسلس .. حمله من هون 👇🏻😍 رحلتنا مع Amboss ما خلصت، انطرونا بالجزء التاني "))