#جوالك_كنز 💰 مسا الخير ")) بما اننا بشهر القرآن قررت ابدأ السلسلة بأكتر تطبيق ممكن يفيد بهالأيام المُباركة .. بعد تجريب العشرات من تطبيقات القرآن الكريم استقرّيت على تطبيق سورة 🤩 بالبداية حبّيت التطبيق لانه بيستغلّ كاامل مساحة الشاشة، وهالشي بساعدني عالتركيز أكتر .. لكن التطبيق فيه ميزات تانية رائعة، متل انه: 🎗 فيك تحدّد أي كلمة وبيطلعلك معناها بنافذة منبثقة فوق الصفحة، وبتقدر من خلال هي النافذة تطّلع على إعراب الكلمة وترجمتها وشرح الآية (من أكتر من تفسير) وعلوم السورة. 🎗 إمكانية الاستماع للسورة صوتياً بصوت عدد من القرّاء، و يلي عم يحفظ بيقدر يحدد عدد الآيات يلي بده ياه ويخليه يكررهم لحتى يحفظهن. 🎗 فيك تعمل عليه خطّة للتلاوة وكل يوم بذكرك بوردك. 🎗 فيك تحطّ ملاحظاتك، متل الأفكار التدبرية يلي طلعت معك وانت عم تقرا، وترجعلها بوقت لاحق. 🎗 عدد لا نهائي من العلامات! 🎗 اختبار لحفظك 🤯 🎗 بيدعم القراءة بالوضع الليلي، يعني الكلام أبيض على خلفية سوداء. بقي شي ميزة بدك ياها وما لاقيتها؟ 😌 إذا عجبك التطبيق وحبيت تحمله بتلاقيه تحت هي الرسالة مباشرةً 🤩👇🏻👇🏻 ليلتكم سعيدة ^^