#Study_Skills 📚🤹🏻‍♀️

بقلب السنة بقول لحالي يلا معلش التهي وبالفحص رح ادرس .. اجى الفحص والحاجز بيني وبين الدراسة ما عم يزول ولساتني عم لاقي صعوبة بأني أدرس !! 😞
عطيني حل عملي وسريع ولا تطولي عليي ..

أوك 👍🏻
رح اعطيكن حل سريع وفعّال جدّا ً للتغلب على مقاومة النفس للدراسة ..
نحنا ذكرنا ببوست سابق ومفصل قليلاً عن التسويف انه السبب الرئيسي للتسويف والمماطلة هو انه الفعل يلي بدك تعمله ما كتير بتحبه لذلك التفكير بفعله بفعّل منطقة الألم بالدماغ، بالتالي الدماغ بحاول يتخلص من هدا الألم بتوجيهك لترك الأمر المهم وفعل شي مختلف ..

السبب الرئيسي لردة الفعل العنيفة هي من قبل الدماغ، هو انك بتفكر بالموضوع كله سوا .. مثلاً بدي قوم هلأ دمويات .. لما تفكر انه بدك تدرس مادة كاملة بكل تفاصيلها فوراً الدماغ رح يتذكر معاناة الدراسة ويقلك: بلاها !!

طيب شو الحل ؟

الحل انه يكون حديثك بينك وبين نفسك انك هلأ رح تقوم تدرس بس، يعني التفكير بالعملية وليس بالنتيجة (process not product)

^ وطريقة تانية هيي انك تلزم نفسك بمقدار صغير جداً .. يعني بالعودة إلى حديث النفس رح تقول لحالك رح قوم هلأ ادرس فقرة وحدة بس .. بس فقرة وحدة 😇
>> بهالحالة رح يخف الضغط النفسي وبما انك بدأت فعلاً بالدراسة فمتابعة الدراسة هيي المرحلة الأسهل .. لأن مقاومة النفس مقاومة بداية وليست مقاومة متابعة ..

جربوا هي الطريقة الفعالة جدّا ً جدّا ً 😌
(وهيي مستمَدَّة من علي محمد علي بعنوان العادات الصغيرة Mini Habits)

لا تستسلموا وحطوا ببالكن ( إنّما لكلّ سفينة شراع، ولكلِّ محاولٍ وصول ~ )

بالتوفيق جميعاً 🙏🏻✨

#إشراقة ✨💛