مِـفَر.

أجاني يريدني أسمَعلة
رغم چنت اني متضرر
شكد ينَعاد حچية اليگعد يبرر !
ردت بس يسَگت
وما راد ، لزم أيدي ، وبچة شويَة
أستوعب .. قررت هالمَرة ما نرچع
ونضل بعّـاد
بدأ يعدل بروحَة وگام
هنَا ، ضل صافن بعيّني
درتها وباوعَت گدام
يلغي العاطفة الجلاد من ينفّذ حكم الأعَدام.

أنا بلا وعَي من انطيتك الروح
وعقل ما چان عندي وهسه فزيت
ما اچذب واگلك باجر أنساك
عفتني وذكريات هواي
خليت .

وحگ الچنت احبهن بيك وانباگن
بعد وجهِي ويه وجهك حلم يتلاگن.

ليش منتظرك تجيني ؟
وأنا أعرفك دَمع فرحه
وما تمر فد يوم عيني .

رِد مادامني متاني
رِد وإذا ماجيتني اليوم
باچر صعبه تلگاني .

وبِده يتغَير عليَه وأكولن ليش
شنُو السَويته خَاطر ينكِر إحسَاني
ويجيني بحجَة المِختنك والمَتعوب
وأجيله منين مَا جانِي
وهسَه لو طَرف ثالث خَذاك تهون
طرَف ثالث طلعت أنِي.

ادّورك وادري مَو يّمي .

لتحطني عَدد لو وحدي لو ما أريد
ما تعبر مِثل ما أنت تهواها ؟

حَبيت بطريقة
تخوف الگتال
أستَاهِل إذا ظل الوَجع دايم
وصلت بيَه
أطول بالسَهر يومين
أكول شلون خَاف يدزلي مِن
نَايم.

الورد يطلع بالجماجم لو تجيني
وأقدملك أعتذري وأنكساري
وكل حَنيني
لو گلت هذا خطيه
وياما گتلك من أديه تروح !
بس مو من أديه ؟
وياما گتلك،شوفتني جنازة أمي من ثگل وجهك عليه .

لا تجبُرني أشيعَك وأنتَ مَا مَيت.

لان فايت بگلبه
بكلبي ماضل خَوف
واكدر هسَة أطب بيوت مسگونه
وطلعت روحي
من قررت ذاك اليوم
من محفَظتي اطلع صورة عيَونه.

تريد الصدِك تَعبان كلش حَالي
منِين مَا أندَار تِتراوالي.

عمر وعيوني بعيونك
وانتَ عيونك لغيري
فضلتك على روحي
وضاع وياك تقديري
كول شقصرت وياك ؟
وشتطلب بعد اكثر
على ذراعي تنام الليل
واكول ارتاح وانه اسهر.

تريد تبچي ؟
إبچي لاچن نَصي صوتَك
تريد تصرَخ؟
اصرَخ و لم الطوَايف .. ياهو يَمَّك ؟
ياهو راح يشيل حزنَك؟
اقتنِع بالقَاسمَة الله ، مَحد لحزنَك حَزين.

حِنْ وأني أحِنْ
غَناها يَاس بكُل حِزن
وأنه أستمِع وأتذكرك
ودموعِي تَاكل بالجفن
ليش إرحَلت مِنْ دنيتي؟
وسهَامك لكلبي دَفن
يَمته تحِنْ وترِد إلي؟
والجَسد بَعدك مِنطعن
دنيَاي صَارت بَس وَهم
وسَاعاتي صَارن بَس حِزن.

هَذا ألسَواد ألجَوة عَيوني الشَايلة!
مَو مِن ألسهَر من ألحچي ألماگايلة.

بَارد يكولون عَني
ومَارضيت
أسمَع شيحجُون
بَس ساكت بُقيت
أني مُو بَارد مَشاعر
أني ضَليت احترگ
حَد مَا طُفيت.

حبيته لان

خلوو قلب ابو نار