قصيده لـ ابا الفضل العباس عليه السلام ياخويه ياضي عيني شيوجعك حاجيني ( خويه عباس ..خويه عباس ) ------------------------------------------------------ خويه عباس اعله بختك لاتخليني بالم انه بعدك ها يوآلي هدت اعليه الزلم انه جيتك وياك خويه انت ياراعي العلم ياخويه متدليني اشيوجعك حاجيني (خويه عباس ... خويه عباس ) -------------------------------------------------------- خويه انت الي كفلتني ليش نايم ماترد خويه من هدو عليه ليش ماكمت وتهد عوف هذا النوم كتله وكوم وافي بالوعد ياخويه بعد سنيني وشيوجعك حاجيني (خويه عباس ...خويه عباس) --------------------------------------------------------- عباس ياخويه اعله بختك مانريد الماي رد من انگطع جفك يوالي احلفت ماشربه بعد احنه والله انظل عطاشه كون بس تبقه عهد ياوآلي متوديني وشيوجعك حاجيني (خويه عباس ...خويه عباس ) ------------------------------------------------------- خويه اگعد يابو فاضل جيتك اركض للنهر ليش يا عباس عفت حسين مكسور الظهر عفته عل تربان نايم و اجيتك انحب يالكمر فزعتك تحاميني وشيوجك حاجيني (خويه عباس ...خويه عباس) -------------------------------------------------------- حشمتك اتشوف الكوم شبوا نار بخيامي بعدك يا ابو الكلفات منهو يباري أيتامي وعلي سجاد ياعباس تحركه النار جدامي وعليه زايد ونيني شيوجعك حاجيني (خويه عباس .. خوية عباس ) --------------------------------------------------------- تمت بعون الله بقلم خادمات الحسين الشاعرة زهراء ام حسين الزيداويه الشاعرة ام سيف الزبيديه تحت إشراف تجمع خادمات الذبيح #الامام_العباس https://t.center/huusin_313