لطميه للامام الكاظم (ع) رساله للغريب * بدمع عيني ونحيب بجرح كلبي كتبتهه * الك موسى ابعثتهه رساله للغريب ** رساله من الاحبه لموسى ابن جعفر سلام بيهه جم جروح تلكه جم بدايه بلا ختام كالو اليفكدله واحد ينسى جرحى بل الايام وانا من اسهام هجره شلت جم لوعه وسهام بحزن بتك عفتهه * الك موسى بعثتهه رساله للغريب ** بأثر كل خطوه لكيتك لاتظن لحظه نسيت ساعه ساعه احسب واتاني من عفتني وماجيت كل صور ذكرى بخيالي الك موجوده لكيت البيت دون اهله غريب وعكب عينك مالي بيت دنيتي بعدك عفتهه * الك موسى بعثتهه رساله للغريب ** ليلي بالحسره يعدي واحسب انجوم السمه ايدي اخليهه اعله خدي والدمع جاري دمه ادعي من كل شر الهي موسى منهم سلمه من كلب مكسور ادعي بجاه عصرة فاطمه الهي وبختهه * الك موسى بعثتهه رساله للغريب ** الهجر حيلي هواي هده وشربت كاس الجمر ومن يمر طاري مغيبه ريت لا ظلي عمر الموت بعد احبابي يحله ياحلاته من يمر راحه يصبح للمفارك وانا عمري كله مر راحه والموته شفتهه * الك موسى بعثتهه رساله للغريب ** جم رساله بدمع عيني كتبت بيهه جم عتاب جم سؤال ابالي خاطر كمت ادورله جواب شويه ياموت اعله هونك رايده اسمع اسباب المكابر للنحهم ليش تحله وللاحباب عسى روحي خذتهه * الك موسى بعثتهه رساله للغريب ** شمس الضحى الخالدي https://t.center/hussainmenber