الشاعر حسين عبدالرسول الخفاجي

تلم حسين زينب. ماتلم عون
الشعر مهما وصفهه. ماتلم عون
الخيل ابيوم داست ماتلم عون
ردت لبن امي بس ماصح بديه

كل خادم ابئشواك رددلك السانه
وتحزم ابئخلاص  يستقبل احزانه

__
انته الأمير اوصاح صوت الحزن بينه
وحنه اعله هذا الصوت بالهمه ردينه
مانرضه غير حسين بس هوه غالينه
اوهاي السمه كل عام تنضر روايانه
____
من غيره وسط الروح متربع أو كاعد
صوت النبض يحسين الله علي شاهد
باقي العهد وياي وفتخر متعاهد
كل عمري لجل حسين جي شفته ذبلانه
_____
دنيا ابلايه حسين ماالهه كل معنه
حسين الابو والشيخ وحسين يجمعنه
كل الدموع اهات يعرفهه واقعنه
بس يم ابو السجاد فرحة مدامعنه
_____
اتسابق اويه الخيم بالخدمه لحسيني
ولطم وعجب الريح ويه اليعاديني
ديني لطم زنجيل واني أفخر ابديني
همه اوعزم وجنون من عابس اورثنه
__
موبس عشرت ايام ونكول هاهيه
عينك تشوف الحال محبوبي يوميه
باقي العزه يحسين للاربعينه
كل ماشربت الماي للغالي اذكرنه
__
للشاعر حسين عبدالرسول الخفاجي

أبوذيات محاوره  بين ابوفاضل ع والعقليه زينب ع
_
ضربتك كل زلمهم.    ماردتهه
اوعلي الدنيا بدونك.   ماردتهه
الحسره الروحي كلش.  ماردتهه
بلا روحك عسن لاروح بيه
___
اعذريني يسلطانه.           بلادين
اويضل الركبج هزله.         بلادين
الزمن تافه يفر طولج          بلادين
اويجر عباس حسره اعله الوطيه
__
انه سجيل عالضلم.                 بله انشاف
ايخسي من كال ستر اختك.     بله انشاف
لجن دمعاتي ياخويه               بله انشاف
انه عشرة عمر وياك اليه
__
يلبوه ابنص ذئاب الشر.    البيتي
سعيتي اودعوة حسينج.    لبيتي
لون رديتي يازينب.            لبيتي
دكولي الأمي نفذهه الوصيه
__
بدوي أو غيرته ابنته.          ولدهه
تضن شترضع ابعقلك.          ولدهه
العجب عباس بي شفته.       ولدهه
ينازع والعذر دزاه اليه
__
يحره ادري نياط الكلب.            ولعن
اويحرك جسمي خويه النوح.     ولعن
الج جفيني فدوه اتروح.           والعن
اوفداج الروح والهامه سويه
__
يمن وكت الامانه اعليك.      شار أب
ماي الغيره بس عباس.          شار أب
اوعلي اتذكر اذئ رف يوم.     شار أب
اجي اكباله وكله ابلا اذيه
__

ليل الوداع. يركض ابساع
____
موش ليله جنهه لحضه انكضت ويه حسيني
اخ منج كربلاء اوبعد شتشوفيني
انه من ليلة وداعك خويه نشفت عيني
بعد عينك والله صعبه ياهو اليباريني

كلبي ملتاع. يركض ابساع
____.
لاتوصيني عليهن كلهن ابنياتي
هلله هلله بيه خويه خل امش دمعاتي
الهن ام او اب اصير اوحضرت شكفاتي
لاطلع باجر يريت اولاتشب خيماتي

باجر اوجاع. يركض ابساع
____
يعني باجر لامحال اتروح من بين ايدي
يعني باجر شمر يصرخ هذا يومي اوعيدي
اه يازينب لخوتج كثري ون اوزيدي
ريت وي نحرك يخويه انه كطعو جيدي

التعب ضاع. يركض ابساع
____
اليوم احجي وياك واكف باجر احجي ويه الجسد
ونته قران الديانه ونته شمس المعتقد
الله لايرضه عليهم والعذاب ايكون اشد
بالطمع كضت عمرهه ناس مليانه حسد

أحقر اطباع. يركض ابساع
____
حسين خويه اشلون باجر لذني يوصل واسمعه
عضم صدرك يلحبيب من الحوافر تفقعه
اعليك اصد اواه اصيح اونوبه اصد للمشرعه
والله احير اوجسمك انته ياهو باجر يجمهه

مدمي عالكاع. يركض ابساع
____
للشاعر حسين عبد الرسول الخفاجي ٢٠٢٤

يمه عبدالله //بالكلب عله //يل غبت عني
____
روحي وي كلبي تون وتصيح بسمك
ياهو غيب ياحبيبي اليوم نجمك
ارجع ارجع يافرحت اسنين امك
انه مخنوكه ييمه اورت اشمك

المهد خالي يبني يلغالي زيدت وني
يمه عبدالله. بالكلب عله. يل غبت عني
____
عليك متعوده افك عيني ابصباحي
جن حمامه بدونك اتكسر جناحي
يمه لوادري تجي ابدمعي اونياحي
اله ارج الحومه بونيني اوصياحي

يمه ماينفع نوحي والمدمع. والبعد هدني
يمه عبدالله. بالكلب عله. يل غبت عني
____
يمه متلهفه عليك اوكلبي لاهب
والله دنيا اوفاركينه احنه الحبايب
اه منج كربلاء ام المصايب
خذت مني شمعتي اودلالي ذايب

السهم صابه. ودع احبابه. غفله فاركني
يمه عبدالله. بالكلب عله. يل غبت عني
____
حسين من جابك يعبدالله اليه
انه صحت العمتك تلحك عليه
حيل ماعندي اشيلك بين اديه
انته قربان السمه بلغاضريه

اه يلغالي غابت امالي حالك الهدني
يمه عبدالله بلكلب عله. يل غبت عني
____
قبل ساعه اتناغي هسه ماتجاوب
يمه قصتك عجبت كل العجايب
ليش يمه صوبك سهم النوايب
انه بعدك وين اروح اوياهَو اعاتب

حرمله باجر. صافن اوحاير من يجاوبني
يمه عبدالله. بالكلب عله. يل غبت عني
____
للشاعر حسين عبدالرسول الخفاجي ٢٠٢٤

طبهه بصرار جنه كرار
____
زمخ زمخه الهسه تدوي الهذا يومك بيهم
همه نقمه اوهوه نعمه الله لاينطيهم
يله ياسجيل حيدر غضب صب اعليهم
موفقط من الحياة أمن الوجود امحيهم

خلهه طشار. جنه كرار
____
هلا بالذل الاعادي اونزل بسم حسينه
هلا بالكام ايتخير روس وينه الوينه
صال والحومه كلبهه يسرته اعله ايمينه
النشمي منهم مايواجه لايخف رجلينه

والله من غار. جنه كرار
____
حمل سيفه أولو اكلك شنو صار بحالهم
كطعو الأنفاس كلهم منشده ضل بالهم
الأكبر ابكل المحاور خطف يبرك جالهم
اسيوف مالحكت ترفع خافو أمن اخيالهم

والذبح صار. جنه كرار
____
الشمر صاح الاف انتو اوهوه الأكبر واحد
ليش طشرهه الكتايب والجمع شو شارد
رد عليه جندي يكله ذاك الأكبر صامد
رفع ايده ابكل ثبات اوصاح وين القائد

دك الانذار. جنه كرار
____
هوه مو كلمن يطبهه الحومه يفتك بيهه
الكاع من اولاد حيدر ترتجف ندريهه
الشجاعه اتلَوك لسمه اوهوه لاك اعليهه
صاح عباس اعله الأكبر عفيه ابني افنيهه

كله اي صار. جنه كرار
____
للشاعر حسين عبد الرسول الخفاجي ٢٠٢٤

صوب الحومه انزفه //بشمعه اودمعه اولهفه
____
ويه ام جاسم هاي اليله انعيش أجواء الفاكد زين
لوهلينه اليوم الدمعه رمله اتصب عالقاسم عين
شد اعمامه اوحاسم أمره اوصاح ابشر ياعمي حسين
ولعاداكم لا مايسلم راسه ابسيفي ايصير اثنين

جسام لحسين صمد //ماهمه جيش اولاعدد
سيفه ايلوك ابجفه
ابشمعه اودمعه اولهفه
____
الموقف يثبت والماعنده موقف رايح الله وياه
جاسم حاسب زين احسابه اندل الزين اوهل سواه
يبرك سيفه ابشمرت حيدر عاشت يسراه اويمناه
اصغير اوذل الروس الخشنه اوضل تاريخه ايشع لساه


ونعم تربات الحسن //طشرهه عباد الوثن
اليگرب ياخذ حتفه
ابشمعه اودمعه اولهفه
____
الدنيا اتخيرك وتوضحلك بين الذل اوابن الزود
كلمن يتبع للي ايريده طبع الحيد ايحب احيود
القاسم جندي حسين القائد للقاسم كل احنه اجنود
راد الدم ابدال الحنه اوضحه العمه ابكل مجهود

افديله روح افديله دم //حسين غالي للفهم
خضب وجهه ابنزفه
ابشمعه اودمعه اولهفه
____
القاسم وضح قصه اتعجب ريح ناس أمن التفكير
كال الزلمه ايضل بصراراه اومايتغير مهمه ايصير
كلمن يكعد وقت الموقف يحسب راح ايدوخ ايحير
هيه الغيره ادور همه موشرط اله ايكون اجبير

السيف شاهد عالجره//خله الزلم متنثره

الكل محتار ابوصفه
ابشمعه اودمعه اولهفه
____
الماسامع يسمع مني اوخل ايركز بآخر بيت
كاع الطف انقسمت بالنص هيج اتخايلت اوحسيت
صوب حسين ايشع بنوره اوضلمه ابصَوب الثاني الكيت
مثل اليل اتلاشو كلهم جنك شمس الله اوهديت

حته المؤرخ ماله اثر//يكتب طلع خلف الشجر
ذل الناس الصلفه
ابشمعه اودمعه اولهفه
____
للشاعر حسين عبدالرسول الخفاجي ٢٠٢٤

عباس عباس يااحن كافل
عباس عباس ياابو فاضل
____
سيد الغيره صفاته ماكو منهه
يل حروف اسمك عسل بالساني جنهه
والشهامه منك اتفرع غصنهه
الجنه بيك اتشرفت هيه اوعدنهه

فراس فراس يسطر العايل
عباس عباس ياابو فاضل
____
وين مامشي يرن اسمك بذاني
ياامير اتحكم ابزوده ابزماني
تايه بدونك يبو الغيره تراني
اني عباسي الوجود ابكل كياني

عالكوم عالكوم جن صكر نازل
عباس عباس ياابو فاضل
____
قائد أركان المجالس والعزيات
علمتنه اشلون نحمل احنه رايات
تبقه شي مبهم رغم كل الروايات
واليكول اعليك ميت صحنه مامات

موجود موجود صرح العاقل
عباس عباس ياابوفاضل
____
علمتنه الخدمه موذله كرامه
لليريد ايعيش بلخير اوسلامه
خل يذوب ابحب ابو اليمه أمامه
حسين قائد بس اله اتلوك الزعامه

وياه وياه دومه متواصل
عباس عباس ياابوفاضل
____
هاي خدامك يعباس انضرلهه
انته للحاجات باب الناس كلهه
الله خصك منزله ماصح مثلهه
الكفاله قبل شخصك من َوصلهه

صنديد صنديد رايته حامل
عباس عباس ياابوفاضل
____
للشاعر حسين عبدالرسول الخفاجي ٢٠٢٤

ياحسين ياحسين ياحسين. ياحسين
____

يبو اليمه أنصار عندك ماتعبر العيله
واليغث حسين كلمه مايصبح ليله
شهد الله اعله الكلام اوياه شهد جبريله

أشما نقدم نحس ماناطينك
اي وحك شيباتك اويه اسنينك
اتروح فدوه الهيبتك سبعينك

يايقين اويايقين ياحسين ياحسين
____
الرأيد ايزامط نكله هاي حومه اويله طب
الفرق بين المقاتل والمخنث موصعب
الزلمه كلبه ايكون ميت والمره يرجف كلب

السيف ميزان الرجال الصامده
اتبين الشجعان من الشارده
هذا عابس ياهو راد يعانده

مانلين اومانلين. ياحسين. ياحسين
____
حسين الله اختار زلمك صرت الهم غايه
اتخاف كلهه أمن الممات اوهَمه اجو عنايه
الماله اساس اولابدايه ماله كل انهايه

راية حسين الرفعهه يرتفع هم بيهه
واحد ايشد عزم واحد عالنجم عليهه
عيشت الذل مانحبهه اوابد مانشريهه

صامدين أو صامدين. ياحسين. ياحسين
____
هم صح سبعين لاجن ذلو السبعين الف
حسين خيرهم ولاكن مايضيعون العرف
اشلون تقبل دمنه سالم ونته دمك للنزف

وعد قبلك نلتقي وقت الحرب
باجر اتشوف العواصف من تهب
حسين هاي أنصارك الماتنغلب

جاهزين أو جاهزين. ياحسين. ياحسين
____
سيدي انصار عندك وضحو معنه القيم
وصلو حبك رساله الماقره هم افتهم
قبل أنصار ابزمانك هسه خدام اوخدم

هاي نعمه اولاتفرط بيهه
خدمتك بالروح دوم اشريهه
اتلوك للزين اويلوك اعليهه

ثابتين. أو ثابتين ياحسين. ياحسين
_
للشاعر حسين عبد الرسول الخفاجي ٢٠٢٤

جايبلج رايه من حسين مسلم وتعناج
____

من كصدلج //حسين دزه ابكل فخر
جاي لجلج //مسلم ابهذا السفر
كتب كثره//هوه جاج اعله الأثر
لون نقره //انتي اسباب الخطر

بالدم وقع. لجلج يقطع
ياكوفه ادروب الأخطار وتوكل من جاج
جايبلج رايه من حسين مسلم وتعناج
____
هالمهمه //مسلم الهه ابهمته
مايهمه //التضد والعادته
اخو خيته //فدوه اروح الخزرته
مايدنك //بعد موته هاتمه

سيفه امجرب. لمن يغضب
لوخايف ميغير ابزود ماكلج عيناج
جايبلج رايه من حسين مسلم وتعناج
____
هايكوفه //هذا مسلم هالوصل
يله وينج //رتي حل اوهذا حل
شوتغير //كل كلامج والجمل
اتضل خبيثه//ناسج اتحب الهبل

ماتتغير. أصحاب الشر
ياكوفه اتعادين حسين بخلاقج ورباج
جايبلج رايه من حسين مسلم وتعناج
____
شعر بيهم //لاكرامه اولامجد
ناس تنذل //ماتريد اتشم ورد
رفع جفه //اتوكل اويقره الحمد
سحب سيفه //بلش بالروس الحصد

كلهم وين. حب حسين
اشكد قدملج حامي الجار ماغزر وياج
جايبلج رايه من حسين مسلم وتعناج
____
هيه دنيا //اودارت ابمسلم عجب
بس دحرهه//والجهنم ذب حطب
الروس طارت //حار دمه لوغضب
طوعه صاحت //هلا ابقتال العرب

هذا خيبر رد تكرر
رد اعليهه ابصوت اوكال زلمتهم حياج
جايبلج رايه من حسين مسلم وتعناج

____
للشاعر حسين عبد الرسول الخفاجي ٢٠٢٤

وحدي بالدار انتضر منكم خبر

____
عليله من الهجر/ نفذ مني الصبر /يسور اليالي
اذئ تسئل علي /يبويه انه اشبدي/شكلك يغالي
اشتضن حالي تره /طليقه اميسره /بعدكم يوالي
امل يتبع امل /ولا طارش وصل /يريحلي بالي

موش علتي فركة اعيونك خطر
وحدي بالدار انتضر منكم خبر
____
بقيت ابلا اهل /جفن مني ذبل /غوالي واحبهم
انه اودارك نون /يحن أوانه احن /مصايب بعدكم
،أشكثر حضنك ردت /يبويه طولت /اخوتي ردتهم
اشحلاتي من اجي /عليك اواتجي /يربي اشيردهم

ابذكرياتي اشكد شفت الكم صور
وحدي بالدار انتضر منكم خبر
____
ابد موعلتي /تريد ارويحتي /حبيبي الاحبه
ابويه ابريتي /سروري اوفرحتي /ويدللني كربه
انه اصغيره تره /اضل امحيره /تتركوني صعبه
الدمع ويه القلق /خشن وعيوني ارق/دمع دم اصبه

يامسافر يمته يخلص هالسفر
وحدي بالدار انتضر منكم خبر
____
اذئ ليلي يجن /شسولف ياحزن /شكلك عليه
رعب خوف اورجف /يبويه ابلا حلف /غيابك اذيه
ذبل عودي ذبل /مشو عني الاهل /بنتكم خطيه
ملت ادروب الضعاين بالنضر
وحدي بالدار انتضر منكم خبر
____
وكت والله وكت /عليك اتبعدت /يبويه هضيمه
احس كلبي يدك /صدك لوموصدك /اصيرن يتيمه
ذبل مني الغصن /انام ابيا حضن /بعد ياحريمه
اشمن يانحر /اقبل ياثغر /يبويه جريمه

هذا ابن حذلم وصل هاج القهر
وحدي بالدار انتضر منكم خبر
____
للشاعر حسين عبد الرسول الخفاجي ٢٠٢٤

فدوه فدوه خل يروحون
شنهي ولدي افدي العيون
____
انه والعيله /فدوه نغديله /هذا الحسين
شماطلب حاضر /قائد أوامر /طول السنين
يااحن غايه /اتحبك اهوايه /ام البنين
شاني عليته /صيتي من صيته /خدمتك دين

حسين سلطانه جعلني ابين هالناس
والله ناطيني كرامه ترفع الراس

حسين ماضن مثله بالكون
شنهي ولدي افدي العيون
____
فدوه لعيونه/ضكت ماعونه /شيخ الزلام
حسين دلليني /هوه وصلني /الهاي الايام
شمعة الديره /عايشه ابخيره/ولكلب هام
موقصص تنقل /اوحجي اتئول/لاهي اوهام

حسين شمس الله العضيمه اعله الضلام
حسين بالشفه يضل أجمل كلام

حسين كلبي بيك مفتون
شنهي َولدي افدي العيون
____
الاربعه فشله /كون اخلفله /طف للحسين
حسين يستاهل /جنن العاقل /يل محبين
اغله كل ناسي /هاك عباسي /مايهم بين
ادري ماخسر /يم ابو الأكبر /يرجع الدين

حسين شنهو المانطاني اعليه أكثر
حجر عادي الدنيا كلهه حسين جوهر

حسين خيمه لليحبون
شنهي ولدي افدي العيون
____
ابدونه ماتحله /دنيتي والله /حسين منهاج
عشت بيامه /رافعه الهامه /عمري وهاج
حسين حسسني /بيده لبسني/هيبة التاج
ابد مافكر /فكري وتحير /يمه شحتاج

حسين نعمه حسين قمه دللاني حسيني
والله لولا حسين اساساً ضلمه كل اسنيني

يعشك حسين اليصدكون
شنهي ولدي افدي العيون
____
اصلي بدويه /هسه علويه /انطي المراد
خير ابواليمه /من العدم قمه / والفخر زاد
الرأيد الرفعه /يترك السمعه /يلبس امجاد
أوجع ابئيدك /حسينك ايفيدك/وزع الزاد

والله ابو اليمه عجيب ابكل صفاته
الخادم ايسويه سلطان ابحياته

اني أوصيكم تخدمون
شنهي ولدي افدي العيون
____
للشاعر حسين عبد الرسول الخفاجي ٢٠٢٤

يمته تضهر يابو صالح. يمته تضهر
____
يمته جبرائيل يصرخ بالسمه
بين اهلاله عزيرج فاطمه
المهدي متوكل اوشايل صارمه
يكطع الروس الخبيثه الاثمه

يبدي يرشد بالنصائح يمته تضهر
____
رجعت احقادالزمن يل منحجب
اوعله يومك كلهه صارت ترتقب
اجيوش ضدك جيشوو رادو غلب
والنواصب ردت اتعيد النصب

وليبغضك ماهو فالح يمته تضهر
____
يابوصالح ال اميه اتجددت
ونته للاوضاع عينك شاهدت
رايه رفعت بالجديد اوصرحت
كون يمتلكون للحض والبخت

همه اصلهم ذاك واضح. يمته تضهر
___
اضهر اواسحك اميه ابيمنتك
يابوصالح هاي ناسك رادتك
فوك نجم الله ترفرف رايتك
ماتطخ الراس تبقه شيعتك

ياأمل للدين كافح. يمته تضهر
____
الحومه تشهد والزمن شاهد تره
هاي كل فتره تكب الضغبره
اشلون تنقاس الثريه بالثره
بين ولد العاص وبنك حيدره

اكطع الجف اليصافح. يمته تضهر
____
للشاعر حسين عبد الرسول الخفاجي ٢٠٢٤

هذي خدامه. اتلكت أيامه
____
اليوم اول يوم بيام المدامع
مانسولف بالخيال اوهذا واقع
حسين مامحتاج نحجي اولاندافع
احنه بسم حسين ندفعهه المواجع

نعشكه اهوايه حسينه الغايه
عالعهد والله. اتلكت أيامه
____
احمد الباري وشكره اشلون نعمه
حسين قمه ابئمر الله يبقه قمه
ربي زيدلي سنيني حته اخدمه
حسين يستاهل اسجل كلبي بسمه

هاذي خدامك. ترفع اعلامك
تبقه وفايه. اتلكت أيامه
____
حسين علمني اسولف مااجامل
دوم للعايل اكله انته عايل
المايجن بحسين لالتعده عاقل
والنكر شمس الله هذا الوين واصل

ديني مايسمح. ارتشي وأصفح
ونعم منهه . اتلكت أيامه
____
هل هلال ايام محبوبي اومصابه
صاح دلالي عله حسين اوعذابه
حسين بالطف سلبو حته ثيابه
رغم هذا اوعالخدم ماسدهه بابه

اشلون افهمنه. المبتعد عنه
اليوم كل ناسه. اتلكت أيامه
____
عفيه بلي عن طريق حسين شفته
لابس اسود والكلب ابيض لمسته
نذر من عمري عله عمرك شمرته
هلت أيامه اوتجهز من نضرته

كون ابوس ايده. الله اليزيده
ربي احفضهه. اتلكت أيامه
___
للشاعر حسين عبدالرسول الخفاجي ٢٠٢٤

بين الناس بس حيدر. حلالي
علي مشكله ابعمري. حلالي
علي وضحلي ثق كلشي حلالي
أو مشاني ابدرب بي خير اليه
_____
أمير اتنصب ابزوده. ودينه
اورسايل شوك هاليله. ودينه
علي صاح الكلب بسمه. ودينه
الك تصفك يحماي الحميه
_____
علي للدنيا حاميهه وسدهه.
وبد ماقفل أبوابه. وسدهه
علي سور العقيده انته. وسدهه
المنيع الساتر الكل البريه
_____
غديرك فرح الدنيا وهلهه
وبد مااجري دمعاتي. وهلهه
القياده اتلوك اله نصن. وهلهه
غصبن عالخشوم الناصبيه
__
للشاعر حسين عبد الرسول الخفاجي

كلمن بايع الكرار هذا أنياله الف مره
هذا اليوم عيد الله كونه ايودع الحسره
أو كلمن يفرح ابهل يوم من عمري عله عمره
وبحيدر يمسح دمعاته

____
حيدر نعمه كون انصون هاي النعمه سامع
ونعوف الخيال ابليس كون انعيش بالواقع
مادور عيوب الناس واني الحيدره تابع
مازعل حيدر بفعالي
_
خل ايسجل التاريخ هالفرحه المثاليه
لون تسئلني عيدك وين اصيحن بالغديريه
غصبن عالرفضهه اتصير صارت عطله رسميه
ضل ساكت عض السبابه
_
للشاعر حسين عبدالرسول الخفاجي

الرد علئ بني أميه

اميه صرحت والروايه رفعتهه
تريد اجداهم احترم لحيتهه
اليعلب القرد كون اذكره بجلال
وجيب الروج كله الحد سفينتهه
وبن العاص اذكره املبس الايتام
ومسح خرطت اهدومه اومصيبتهه
ووصفله هند بالجنه وحله افراش
بت عتبه بعد معروفه هيبته
لون ماعندي عيد اوبيعة الكرار
اسولف عن سمية اوعن كصيبتهه

للشاعر. حسين عبد الرسول الخفاجي

١ _علي اول شخص أمن بالسلام
الوحيد ايعامل الامه     بالسلام
اليبغضه للو عمر يركع بلا. اسلام

2_عدل منهاجه شفته وتبعته
الهّوه غيرك يحيدر وتبعته
شريت ابدمي حيدر وتبعته

3_أو شرايت المانفع نفسه وبرهه
الجمال الخاويه يتتلف وبرهه
ذمتك لااحالهه ولااهوبهه وبرهه

4_اضل كل عمري اعادي من يعادي
اوفلا وي حيدر اخلف     ميعادي
البشر. كلهم ااحسهم مي عادي

5_ماي اعيوني حيدر ماكو منه
نظاني أؤمن نطاني ماكو منه
لون موحبه صدك ماكملنه

6_نضل نركض فلا ينفع عملنه
الوحيد ابطيب بالدنيا  عملنه
نحبك علي يل حبك عملنه

7_فخر عميان غيرك ماشفينه
علي دم اونحسك ماشفينه
لوماانته نبقه ماشفينه

8_اونضل لادين عدنه اولافهمنه
نحير ابدون حيدر لافي همنه
نحبه اشكد قليله لا فهمنه

9_اوهيامك موعشك عادي وذكره
الي بيعه ابغدير الخم وذكرئ
عباده اسمك يبو الحمله وذكرئ

10_علي الأملاك تنزل نص بيته
محمد بيدك انته. نصبيته
اذئ علشعر تسئل نصي بي تاه
تفوق أفعاله أضعاف البريه


علي بالدنيا مثله.       ماتكرار
اولحد مامات حيدر.    مات كرار
برز والصوت يصرخ     مات كرار
وجاني اوراس مرحب جابه ليه
____
الشاعر حسين عبدالرسول الخفاجي

علي علي علي علي. علي مولاه
____
هاك اخبار عن كرار وبليلة غديره
ساس الدين. متونسين. بالفرحه الجبيره
صحنه ابصوت. حد الموت. مانعشك لغيره
عالميعاد. حبك زاد. وبنفس المسيره

موعد البيعه ///امرك انطيعه ///فرحة الشيعه
يااحن والي
علي علي علي علي. ياعلي مولاه
_____
طش جكليت. هاك البيت من كلبي اوضميري
بالكرار. ماطب نار. يتحدد مصيري
عيد اليوم. كافي اهموم. فرحان ابغديري
رابع صار اول صار. بس حيدر أميري

ويه زوارك.////عيدك امبارك ////اليله خطارك
اسمك ايلالي
علي علي علي علي علي. ياعلي مولاه
_____
صفك حيل. خلص اليل. أفراح اوتهاني
يلكرار. شخصك صار. اعجَوبة زماني
انته الزين. ماي العين. ياكل الاماني
اكبال الناس. بالاحساس. بايعتك تراني

اليلة تنصيبه ///سيد الطيبه ////هيبة الهيبه
حيدر الغالي
____
عطر اليل. نكهة هيل. هاليله عجيبه
ربك راد. بالامجاد. يتنصب حبيبه
حيدر خام. والاقزام هاليلة كئيبه
من عاداه عاده الله. وهنايه المصيبه

اني احبنه ////بي عطر جنه ////حيدر اتمنه
يقبل أعمالي
_____
هاك اشعار هاك إزهار. منهاج العقيده
غيرك صار. يلكرار. لاكن مانريده
المايهواك. والعاداك مايصمد جليده
امه اتنام. ويه ازلام. ويشابه يزيده

اليبغض الدره ////امه موحره ////ينكشف أمره
ونته بالعالي
_____
الدنيا ادور ويشع نور. ونعيد القضيه
عالي الصوت حد الموت. شيعه حيدريه
هاك التاج. يامنهاج. ياخير البريه
كلشي وياك. الله انطاك. هاي الاولويه

ربك الرأيد /////حيدر القائد /////كافي التعاند
اول اوتالي
__
للشاعر حسين عبدالرسول الخفاجي 🌹🌹

اساسيه ( للأمام الحسن ع)

سامحنه امقصرين.      يامحبوب حسين
&&&&&&&&&&&&&&&&&&&&&&
يابو المضيف المايسد
                       ابوجه الكصد بيبانه
عنك يلهينه الزمن
                       اعذرنه يامولانه
بالدنيا مثل صبره لاماشفنه
قدمنه ماقدمنه ماعايفنه
رب الجلاله ابخدمته شرفنه

شسولف عل حسن حاير
                       وهو بس الاسم كافي
عسل من كلبي ويه الدم
                        يصل لوذكره لشفافي
شماقدم البو القاسم
                          فلا حس بالفعل وافي
أبدي وياك آمنين //يامحبوب حسين
&&&&&&&&&&&&&&&&&&&&&&
ماينعتب عالجن ابد
                           ونته تعرف الحاله
جنينه بحسين اوعلي
                      ابذبحه اوصريخ أطفاله

ابنص الدليل الحسره ويه الخوفه
يخلص عمرنه اوخاف ابد منطوفه
كبر الحسن ياترئ شنهي اضروفه

يايوم الكبب تلمع  
                      واعلام المجد ترفع
مواكب ننصب امربع
                  نخلي الماسمع يسمع
نقراهه الزياره اهناك
                         اونوجع المنه نتوجع
ونعوض السنين //يامحبوب حسين
&&&&&&&&&&&&&&&&&&&&&&
عمرك كضه بس بالنصح
                        هالامه مدري اشبيهه
شوسالمت جف البخل
                          ونته الجنت تنطيهه

كلمن يكول الثوره فشلة واهم
هذا الحسن مذكور دون الوادم
هالقصه مايفهمهه بس الفاهم

الربك نصبه ابجنه
                          بالدنيا بعد شله
الحسن من بيت مابدل
               حكم كرسي ابشسع نعله
الحجاره ابشنو اتئثر
                      اذئ نشمرهه عالتله

الكلبك الله ايعين ___يامحبوب حسين
&&&&&&&&&&&&&&&&&&&&&&
انطيت الحكم حت ينحفض
                         دم المشه ابخطواتك
بس هيه خطه امدبره
                          رادوو تموت ابذاتك
عالحقد وسلوب الغدر معتمده
من نفس بيتك جهزوهه العده
عندك علم تتسمم ابجف جعده

تكطع جبدك اوضنهم
                     بعد حيل الخطر عنهم
الخزي والعار بالدنيا
                            باجر ربنه يلعنهم
المنبر ضل يمجد بيك
                        اونفس المنبر ايذمهم
أصحاب الوجهين ___يامحبوب حسين
&&&&&&&&&&&&&&&&&&&&&&
يل لابس اسود اشوفك      
                               يل تدعي بالخدامه
مارايد اسمع تصفط
                        بيك ارد اشوف الكرامه
 
شنهو النفع تلطم صدر وتكافح
أو تحجيلي بالاصلاح يل ماصالح
يم الحسن كلشي ميخفه اوواضح

اريدك تحسب حسابك
                            دنيتك رحله لاتنغر
الجوهر مايمس صدفه
                       تحب الجوهره الجوهر
زينك باقي الك وحدك
                              وريدنك بعد أكثر
اتنول الدارين _يامحبوب حسين
&&&&&&&&&&&&&&&&&&&&&&
للشاعر حسين عبد الرسول الخفاجي ٢٠٢٤