بالنسبة لتقسيمة المنهج :
#سنة_ثانية : السنة الي فاتت كانت تعطي دكتورة فاطمة الله يرحمها و يغفرلها
فأنا حنشوف الجامعة كيف حتبدا و نبدوا معاهم بإذن الله
دفعة 23 عطانا د.صلاح فلو هو الي عطاكم المادة ماتخافوش منها أبدا حنقوللكم كيف طريقة الدكتور بالضبط و كيف نحلوا أسئلته في المحاضرات و شن الي حيجي منهن شورت نوت و هو في شن يحب يسأل و ما إلى ذلك
و لو عطاكم دكتور ثاني من قسم المعلوماتية فبرضو عارفة طريقتهم و في كل الحالات حنكون نسمع في محاضرات الجامعة عشان مايفوتنش شي
يعني ماتشيلوش هم مادة المعلوماتية أبدا حتلقوني دايرة فيها شيتات شاملات كل المنهج بالترتيب و حل الأسئلة و النقاط المهمة و كيف ماقتلكم الطريقة هذ هي الي شرحت بيها للدفعة و إن شاء الله حتشوفوا كيف حتكون طريقة فعالة و حنحلوا مع بعضنا أسئلة سابقة و تفورموا المادة إن شاء الله
💫#سنة_ثالثة: المنهج قبل الجزئي شيتين و بعد الجزئي ثلاث شيتات
📍الشيت الأول ( health informatics ) حنشوفوا بداية المعلوماتية الصحية و علاقتها بالصحة العامة و بعدها نشوفوا شن هن نظم المعلومات الصحية و من شن تتكون ؟
📍الثاني( communication ) حنشوفوا كيف كل نظام يقدر يتواصل مع نظام آخر و شن المشاكل الي ممكن يصيرن اثناء التواصل و شن المهارات المطلوبة؟
📍الثالث( Electronic health records) نشوفوا كيف السجلات الصحية الإلكترونية أفضل من الورقية و شن الي يكون السجل الإلكتروني و من بعدها نشوفوا تفاصيل يخصن البيانات جوا السجل
📍الرابع( Tele_medicine&health/Data standard/ Security&Privacy)
الشيت هذا ينقسم لثلاث أجزاء في -الأول نحكوا على الطب عن بعد و هذا حتلقوني دايرته نظام جداول بشكل منظم أكثر و ساهل للمقارنة
-الثاني يحكي عن المعايير المطلوبة لما نرسلوا المعلومات وهذا حنفهموه فهم و جزء جميل جدا
-الثالث كلام عام على الأمن و الخصوصية للبيانات و المعلومات
📍الخامس و الأخير( Clinical Decision Support System )
أخف شيت و حنحكوا فيه عن نظام معلومات مار عليكم السنة الي فاتت
وظيفته يدعم في القرارات عن طريق تقديم تشخيص لكل حالة بشكل خاص ، حنشوفوا كيف يقدر النظام يتعلم و يشخص و شن الوظائف الأخرى الي يديرهن
