کهگیلویه و بویراحمدی های مقیم تهران

❇️ عاشقانه ی #لری بخوانیم و لذت بریم

تیلت چی تش و برقی تشَ هونم زه و ره
یــه خدا برف بلا وه ای زمسونم زه و ره

زمسون تیلــــــــــم بِهسه وه ره سهلوشه
سردش آبیده دلـم کخته وه داغت لوشه

پکنایه تیــــــلـــــــم من غم تو مهلوشه
زر بارون تو شــــو کرده همی افتوشه

دل بارون زده سر کش تو کلو وابـــــیده
خرسلم من غـم دیری تو شلـــــو وابـیده

کلو وابیدمه و هی یه نبرد ایبــــــــازم
دم دقه بی دل خوم کلکله برد ایـبازم

یه کلی وی زنم و ده کل باش ایندازم
وه یـک وَریچسمه بی دل خوم نیسازم

دلــــــم افتاسه وه تلواسه و نونم چه کنم
نفسم رفته پس تاسه و نونـــــــم چه کنم

چه بدی کردمه که ایطورغزونم کــردی
مثل ماهی وه بج افتاسه دوجونم کردی

کهره قربونی بی نوم و نشونم کردی
تشنه سیصد و شس رو رمضونم کردی

تیم نذر تیی کـال تو کـــــــــردم کمته
دِلِمَه صد کشه پامال تو کــــــردم کمته

تیلت چـی خو وه جونم تیلم راس بگُ
بنه سر یک تیتَ هر چه دلت خواس بگُ

بی خیال که ذره ی گل کنه وسواس بگ
تو دایم وه همو حضرت عبــــــاس بگُ

بگو تـــا هرچه دلت ایخو بنم سرتیلم
راضی وابـــووُمزن هی گله من گردیلم

⬅️ #مجید_نگین_تاجی

⭕️ کهگیلویه و بویراحمدی های مقیمِ تهران : ↙️

https://t.center/hamdelankb

❇️ یک #نامه_عاشقانه ی فوق العاده زیبا که #حسش هم زیباست

💟 به #حسی که می دهد دقت کنید

غزل جونی ، گلم ، حالت چطوره ؟
گلم، حـال تیی کالت چطوره؟
خشی، خوبی، گل مینا بنــوشم ؟
یل بالا بلَی بــــاوینه پوشم
ولات و ایل و مالِت در چه حـالن
جوونل دیبلالِت در چه حالن ؟
بگ بینم بهـــــار ابیده صحرا
سرو ایگو هنی هم خاله زهرا ؟
هنـــی ساز و نغاره و داوتی هه
من آبـــادی فقیر پاپتی هه؟
هنی هم خهک و خل من مال هسی
بگ او سـی کلک امسال هسی؟
هنی هم سند موری رسمه یـا ،نه
شلی شیری م دوری رسمه یا ، نه؟
غلــــوممه چطوره تیزه بیلش
هنی تیــغ ایزنه بی زر سبیلش؟
کسی حال کسی ن ایپرسه یـا نه
ریاست خانقلی خان قرصه یا نه؟
یه نامه ی دادی و کـردی خرابم
وری تاوه ی تیت کـردی کبابم
چه وابیــیه که نامه ت بو غم اییه
اول تـا آخرش بـو ماتم اییه
گمون کردم کـه مهلی رو به رایی
کنیزی نیکنی خـوت شامرایی
دلم نیخو کـــه دلتنگ مو وابی
کلــو وابی و همرنگ مو وابی
یه دف ایگی که لهری بـو نیاره
کمش خالیه شــوم شو نیاره
یه روز ایگی که من باغـم بلی نی
یه شو ایگی که من پیلم تلی نی
پسین ایگی که تش چالی مو کوره
صباش ایگی که زن حالوت بوره
یه روز ایگی که حوض هونه خشکه
یه دف ایگی تویزه م چال مشکه
یه گی ایگی که پازن تیر خرده
تیی میمینه هف من فیر خـرده
تو فکر حال و پال سال خــوت بو
وه فکر کهره ی کرچال خـوت بو
مگُ جونــــم سرو من مال نیسی
علف ســی کهره کرچال نیسی
فرما ،گــانُ، گرگش لاتنـــایه
کمــر نوبنـــد کفتار اشکنایه
تو ایگی ، دُز، ولاتـــه داده دم باد
توهم مث مو دروکن،داد بی داد!
یکی نیسی بگــــو مه تو پلیسی
کو حالو مه تو "چن "سر ره دریسی؟
تو فکر حال و پال سال خــوت بو
وه فکر کهره ی کرچال خـوت بو
تش و تنگــــی اگر کوره جهنم
اگر سگ بی رووه جوره وه جهنم
جهنــــم، ار یه دار سوز نیسی
درک، ار ماهیی من حوض نیسـی
درک، ار بزگــری وابی وه پازن
شل و کـــور و کلو، وابی نهازن
مو دلتنگ تونم ؛یعنی تـونَ ایخوم
بیو پلتــــه بپیچن دور نی خم
وری ملکیت اگر تنگه، لچش کــن
زمهسونِ، وه شلغم دلته خش کــن
بوین دنیا چقر خــــوب و قشنگه
همی جا خندیه، شهر فرنگه
***
تو هوشابنگ حال احوال خــوت بو
وه فکر شلغم امسال خـــــوت

💟 #یـــــآرم

⬅️ #مجید_نگین_تاجی

⭕️ کهگیلویه و بویراحمدی های مقیمِ تهران : ↙️

https://t.center/hamdelankb

اگر ایخی نَیَی .. ایخوم بدونی ..
غزل مرگِ خمه ایخونم امشو
و تیغ مثنوی رگمه ایبرم ...

💟 یک #غزل فوق العاده #شنیدنی از #مجید_نگین_تاجی

⭕️ کهگیلویه و بویراحمدی های مقیمِ تهران : ↙️

@hamdelankb

✅ #عاشقانه_های کهگیلویه و بویراحمدی

عشق بی نوم و نشونِش كشتمه
چشم كال مهربونِش كشتمه

وَ اَوو دمونی كه سفر كِ ايلِشون
داغ شيههَ ی ماديونش كشتمه

وخت رفتن سيلَ واپس كردنش
خَرسلی نيدا امونش كشتمه

چشمِ چی چشمه ی چنار و قامتِ
مثل بيدل مارگونش كشتمه

ديريِ ياری كه هر صبح و پسين
شروه ايخونم و شونش كشتمه

غيرت ای گپ كه :شايد بی خَوَر
نامسلمونی بسونش كشتمه

پشت مالِ دلبرم خاكم كنيت
تا بيونن كه جنونش كشتمه...

⬅️ #مجید_نگین_تاجی

⭕️ به کانال ما ملحق شوید:
https://t.center/hamdelankb