الناشر غيث اللآمي(للقصائد المنبريه)

#الليالي_الفاطمية_
مولاي سيد الشهداء ولحضات فراق امه مولاتنا فاطمه الزهراء...

#ثگيل_

هذا اصعب اوداع.... عگبچ يتيم احسين
كل العمر ضاع..... مثلچ اجيب امنين
يافاطمه نسمة هوه
رحتي ورحل مني الضوه


________________________________

يمه انشدهـ بالي..... ابنچ انا الغالي
ياوحشت افراگچ.... تهضم صفت حالي


عتبي عالباب الذي يكسر ضلعها
امي نسمه شگد صعب صاير وضعها
ينزل بحيره وندم ويلي دمعهاااا
وسفه ما عنده رحم ذاكه الدفعها


ما تحمل شلون...... ليش انسطر خدها
يا زهرت الكون...... صار العمر ضدها


خدي بدمع كله انچوه
رحتي ورحل مني الضوه


1_________________________________

اهواي انجرح گلبي..... ياحيرتي وتعبي
اضلم صبح كلشي........ يمه خلص صبري


بعيني شفت الفاجعه من ضربو امي
زغير عمري بس لچن حرگولي دمي
راحت امي يادهر ماهيه يمي
من هسه بانت غربتي وتغير اسمي


ردتچ تحضرين..... بعاشر كسر ضلعي
يا ام الحسين..... كله اختلف وضعي

ردنه العمر كله سوه
رحتي ورحل مني الضوه


2________________________________

بس الدمع عندي..... اسهر صرت وحدي
منچ تجي صوره....... وركض ركض وبچي


امي يا اجمل وطن هاجر دليلي
خضر اغيابچ دمع خلصلي حيلي
ليش راحت فاطمه احچي يليلي
انباگ من عيني الضوه وخلالي ويلي


البيت اشتعل نار..... وامي ورد كلها
ما يرهم الصار....... كلشي انگلب ضدها

كسر الضلع ماله دوه
رحتي ورحل مني الضوه


3_________________________________

يا هضمت الفرگه....... البروحي مختنگه
شلون اصبر بدونچ...... يم روحي متعلگه


يرگض بروحي الحزن يلچم عذابي
البسمار هم شامت طلع زيد مصابي
ورده امي وذوبلت كلها اعله بابي
ومحسن الچنه نده زيد صوابي


مثل الحلم فات..... محسن ذبل وسفه
اول حلم مات ..... ورسومه مختلفه


من عيني شوفه ماروه
رحتي ورحل مني الضوه


4________________________________

كسر الضلع طبعه.... كلش صعب وضعه
ما تگدر الگومه ...... بحاله شكثر صعبه


اه ياكسر الضلع ياهو اليجبره
فوگ حالتها الوجه مرسومه صطره
اخ من گد التعب حالتها مره
تگلي يمه منل الضلع انفاسي جمره


غمضت بعد عين.... راحت بعد مني
بعدچ يضيع احسين.... وصار العمر حزني

اصعب جرح يم نينوه
رحتي ورحل مني الضوه


5_________________________________

خادم الزهراء ص

✍️محسن الباوي

_________________________________
https://t.center/muhseen0

لحن القصيدة 👇🏻👇🏻

#الليالي_الفاطمية_
وتمر الايام والليالي على مولانا سيد الشهداء ومرارة فراق امه مولاتنا الزهراء (ص)

#ثگيل_

وحشه صارت
الزهره ماتت...وخلصت احلام الورد يمه برحيلچ

خدچ احمر
ولونچ اصفر...انكسر ضلعچ وحدچ محد يجيلچ

ليش ياباب
امي تنصاب...يمه رحتي وبلعمر ياهو مثيلچ


البسمار...طگته چتاله...شگد صعب حاله...
اخ ياضيمه بيها اشسوه

البسمار...بلضلع طگته...چبيره سالفته...
الزهره محتاره وبس تتلوه


يمه زهراء ييمه يمه زهراء...

1________________________________

شلون اعيشن
ما اشوفن...طولچ النام وغفه بسد الترايب

وليالي
تگضي حالي...يبقه حد خيط الفجر العنده غايب

وحشه وحشه
بلايه غبشه...الضوه كله اندفن وگليبي ذايب


يادار....تسوه من دونچ ...چانت اعيونچ
وهسه بس عطرچ هايه الحسره

يادار...اذكر الصاير...وضلعچ الكاسر
تجرح اعيوني لون السطره


يمه زهراء ييمه يمه زهراء...

2________________________________

يمي زينب
بلوعه تنحب...اهوايه كسرت خاطري دمعتها تنزل

تقدمت عام
خطوت الشام...هسه بچفوفي اضمها وعگبه هزل

هسه يمنه
وكل شملنه...باچر افگد انه نحري وهيه محمل


زينب...الزهره عافتنه...بحسره خلتنه
يعني من هسه تبدي اجروحي

زينب...لا يضل بالچ...امسح اخيالچ
اختي ومچانچ انتي بروحي


يمه زهراء ييمه يمه زهراء ....

3_____________________________

ال امه راحت
عنه ماتت...لا يفكر بل هنه ونوم العوافي

يبقى محتار
الوحشه بلدار...مثل ليل ابلا گمر بعيونه طافي

ينام بدموع
ويگعد يلوع...ياخذ اعيونه الدمع ما يبقى غافي


ياليل...ارحم اعيوني...وكسرت اضنوني
ضلع من امي وسفه تكسر

ياليل...احچي دمعاتي...جرحي حسراتي
تدري من هسه حيلي اطشر

يمه زهراء ييمه يمه زهراء...
4___________________________________

ابچي والليل
يسلب الحيل...اذكر مصاب الضلع وتفز عبرتي

حرگو الباب
وصار المصاب...وطاح محسن زيد امصابي ومحنتي

ردنه يگبر
شو تطشر...هذا اخوي الما (روت)منة نضرتي


محسن...لحضة ما شفتة...كلفه سالفتة
اول اصيارة يموت اويرحل

محسن...فرحه مذبوحة...اعيونه مجروحه
هيچ مكتوبه يصير ويذبل

يمه زهراء ييمه يمه زهراء..

5______________________________

خادم الزهراء ص

✍️محسن الباوي

________________________________
https://t.center/muhseen0

لحن القصيدة 👇🏻👇🏻