ياصباح الخيرات 🩵
كيفك يارب يكون قلبك اللطيف بخير آمن بعيد عن الحروب يارب
سؤالك هادا تحديدا ضرب على الوتر الحساس عندي لأنو كنت ناوية من يومين اكتبلكم عن الناس الي هنا المشهورين وكيف بصوروا
ورح نزل اليوم ناقش الموضوع
مابعرف إذا أنت من غزة أو لا
بس غزة مليانة نماذج ما عندها حس بلمسؤولية يعني
لو بحكي عن الي بيعملو التجار الي بغزة لتنصدمي أنه فيه هيك ناس صدقا لا وعايشين معنا
~نرجع لسؤالك وأنا شخصيا مابعمم، دايما كل حالة بتحمل استثناءات
▫️أنا ك ديانا ضد الناس الي بتصور حياتها وكأن شيئا لم يكن
يعني من كم يوم طلعلي فيديو لحدا من غزة منزلة عن انو بتاكل وبتشرب ومكسرات وقهوة ونسكافيه، و قاعدين في بيت ومكياج كامل وضحك ومزح والله الناس انصدمو أنت وين عايشة أنت بغزة ولا بدبي؟
مش مسموح الي بتعملو هادا انعدام الاحساس بالمسؤولية مش مقبول
بتعرفي غزة كلها عبارة عن بيت عزاء، النسبة العظمى من الناس بخيم مافي بيوت ولا حيطان تلمهم، هلقيت بالشتا مافي حرامات تغطيهم والكل يتاجر فيهم والله
-غير هيك غزة بمجاعة هي متخيلة الناس الي بتشوفها من غزة اديش بتحسرو، مثلا بالشمال من سنة وشوي لا بدخل لحوم لا خضرة ولا فواكه ولو نزل باسعار فلكية وهلقيت نفس المجاعة بلجنوب غزة، فأنت كيف بتحسري الناس عحالهم، الناس الي ماعندها رغيف تاكلو، بعيدا عانك لازم تخجلي تنزلي هيك شي والناس يا موجوعة ياجوعانة يامجروحة
عندكم خير الله يتم عليكم ويرزق كل الناس
◽من ناحية تانية هلقيت كل الناس بتحاول اضوي علي بصير والمجاعة وشو صاير بالناس
كيف بدك تقنعي الناس أنه في مجاعة وفي وجع وقهر، وهيك عالم طالعة تحكي العالم وردي!!
يعني فوق ما أنت ما بضوي على الي صاير بالبلد أنت بتشوشي عالناس
يعني الي بشوفهم بحكي غزة بخير وخلص، مارح احكي انو مفروض هما أكتر ناس يوقفوا عرجل واحدة ويستغلو شهرتهم ويحكوا عن الي بصير، وينزلو يساعدو الناس الي بلخيم
✅كل تفكيرهم بلمشاهدات والمصاري وبس
صراحة أنا هيك فئة عطول بلغي متابعتهم