#ورود_ماه_محرم گینه نه شوریدی عالمده بو نه ماتم دی
که عرش و فرشد ه آثارغم مجسم دی
تعجبم بو عوالم ندور که عالمده
ملک فلک هامی غرق محیط ماتم دی
دگیبدی بیر بیرینه نظم عالم امکان
ندن نظام جهان نظمی نامنظم دی
مگرغروب ائلیوب آفتاب عالمتاب
که ملک عالم ایجاد،لیل مظلم دی
اورک لر آئینه سین محنت و ملال دوتوب
اسیر درد و محن، آدمیله عالم دی
نه یوز وئروبدی عوالمده خلق قان آغلور
باتوبدی یاسه ندن غرق محنت آدم دی
نه دور بو حادثه،گویلر مگر یئره توکولوب
و یا قیامت کبرا دی، حشر اعظم دی
چکوبدی قاره بولوتلارفضای افلاکه
حریرپرده ظلمت، نه سر مبهم دی
مگرجهالت اوزیله چکوبدور اوز قومی
مسیحی، دار صلیبه ملول، مریم دی
هلال خنجر افراسیاب دور دیه سن
سیاووشون تو که ناحق قانین، مصمم دی
و یا که لگه دی دریا یوزونده سرگردان
قالوب محیط خطرده، بلا فراهم دی
و یاچکوبدی علی ذوالفقاری خندقده
ولاده حافظ شرع رسول اکرم دی
سوروشدوم حکمتینی بیر حکیم عارفدن
جواب وئردی مگر بیلموسن؛
#محرم دی
یتوبدی عمری زواله چیخوبدی ذیحجه
گلوب
محرم آیی ، غم غم ایله مدغم دی
چکوبدی روح الامین قاره عرش اعلایه
بو آی عزا آییدی فصل محنت و غم دی
بو آی حسینه معزادی کعبه معناده
توکن عذارینه اشگین بو غمده زمزم دی
نوای ناله خلایقدن اوج ائدور عرشه
که یعنی عالم امکان نظامی برهم دی
حریم قدس دا بزم عزا قوروب جبریل
او بزم غمده معزا، نبی خاتم د ی
سونوبدی شمع شبستان بارگاه ولا
حریم آل علی محنت ایله همدم دی
بو آیدا قاره علم لر اسیر ،هارا باخسان
حسین آدی او علم لرده درج و منظم دی
بو آی ییخاللار ائوین صاحب تولانین
که کایناته ولاسی حصار محکم دی
بهار خرم عصمت، خزان اولار قهراً
بهشت، فاطمیه بزم ماتم و غم دی
بو آی کمانه دونر، تک نه قامت طوبی
بو غملی حادثه دن قامت فلک خم دی
صفاده سعی ائدر عاشق بو آی فدا وئرسون
منای عشقده قربانلارون ، مسلم دی
آدی حسین اوزی عاشق ، مرامی عدل و وفا
که عشقی ما خلقه، آشکار و مبرم دی
محال دوربئله عاشق جهانه بیرده گله
بو سوز حدیثیدی آنلار او کس که اعلم دی
بیوردی ختم رسل گلمیوبدی گلمیاجاق
کتاب عشقده آل قانی، مهر خاتم دی
جهانی اهل شهادت جهاندا دولدورسا
شرفده بو شهدا ، افضل و مقدم دی
بو آیدا حادثه لر کربلاده یوز وئره جاق
که شرحینه، قلم عاجز دیلمده ابکم دی
او چولده ئولدورر اشرار کوفه شرم ائتمز
حسین امامیدی دنیایه، چوخ معظم دی
ستمله سینه سینی چاک چاک ائدر اغیار
او سرورین که رموز علومه
محرم دی
بهشت عافیته صرصر مخالف اسر
طراوتین وئرر الدن او گل که خرم دی
وفالی قارداشینین قوللارین سالار اعدا
گواه عدل بو احواله مشگ و پرچم دی
او چولده دوغراناجاق قطعه قطعه جوریله
او گلعذارکه شبه رسول اکرم دی
جهانه شورسالان اوچ پر اوخدی اول چولده
نشان ظریف، اوخ آتان بیرقوی منعم دی
خدنگ فتنه اولوب دایه سی که اوز قانین
اوچولده سو ئیرینه ، تشنه سود امر امدی
یارالی جسم لرین کربلاده یاره سینه
خدنگ و خنجر و شمشیر و نیزه، مرهم دی
دایاندی الده قلم ختم قیل سوزی
#شبخیزنه طرز شعریدی بو ، دفترینده ملزم دی