#امام_رضا_ع#مسموم_اولالی_جان_جهان_میر_ولا_شاه_خراسانمعناده باتوت ماتمه عرشینده اوزی حضرت سبحان
دورت رکنده بش طایفه هر آلتی طرف یتدی گوی اوسته
سگیز قاپولی جنت و دوقوز طبقه ایلدی افغان
قان آغلادی ذرات
جهان عالم هستی و دو گیتی
تا قویدی اورگ باشینه ال غربت آرا حجت یزدان
آفاقه دوشوب ولوله بو زهر جفادن دیسن کیم
دریای مصیبت ایلیوب طوسده طغیانیله طوفان
ارکان هدایت سنالی نظم فلک بیر بیره دیدی
واضح دی امامیله بو ایجادیده مرصوص اولی بنیان
زهرین اثریندن گویروب غنچه کیمی لعل بدخشان
جانیمده نه ارزش که دیم
جان او گویرمیش لبه قربان
بیرطشت او زمان امر ایلدی گتدی مسیب او جنابه
یانسون دیلم عرض ایدسم اگر اولدی نجه قانیله الوان
بیر آه جگرسوزیله عرض ایتدی الهی یانورام من
اول شاهد اوزون بو یانان اکبادیمه ای خالق رحمان
بو من بو جفا زهری که اکبادیمه اود وردی آلشدی
بو طشت بلا ده جگریم قطعه لنوب چون در غلطان
یا رب نولی اوغلوم گله بو سون نفسیم باشیمون اوسته
غربتده جواد اوغلومی تا اینکه گوروب بذل ایلیم
جانآخر نفسیم اوغلومی گورماقدی منیم عمده امیدیم
دلدن آپارار غصه و غم زنگ الم وصلت جانان
آغلار گوزومه ایله نظر لطفیله ای خالق رحمت
من پیرم و افتاده جوادیم منیم اول یوسف کنعان
زهرین اثری ورسه امان قرخ ائل اولونجه گیجه گوندوز
من آغلارام آخر یتشه باشه مگر عالم هجران
نیلوم داخی جانیم یتشوب قانلی دوداقه اولورم من
قورخوم بودی من
جان ورم اوندان گله بودردیمه درمان
بو حالیله قان آغلارام اوز جدیم حسینه یانارام من
دوشموشدی چوغور یئرده سیزلدار یارالار لبلری عطشان
وار منده امید اوغلومی گورماقدا ولی جدَیم حسینین
ئولموشدی جوان اوغلی علی اکبر اورگ داغلی پریشان
هر سمته باخار دشمن اونی دوره لیوب یاره وراردی
خولی و سنان شمر دنی الده اونون خنجر بران
یوخ بیر ایچیم اول
جان ورنه سو ورن امَا باشی اوسته
سبقت ایدوری یاره وران نیزه وران بیر بیره هرآن
یوز قویدی او سولموش گلون اوسته نجه جلاد سیه دل
اوراق اولوب اول گل سارالوب سولدی خزان اولدی گلستان
ناگاه چخوب عرش خدا اوسته او دم شمر جفا جو
زهرانون ایوین یخدی چخور یئرده جفائیله او نادان
قورتار بو سوزی یازما «فغانی» که مزار ایچره بو ساعت
قان آغلوری دلدن بوغم اوستونده یقین
شاه خراسان#فغانی_تبریزی