حضرت قاسم علیه السلام - احوالات
#مرحوم_بهار_تبریزیبخش ۲
بسکه یورولدی دوروب بیر کنارده
اول نازنین بدن دوتا تا لحظه ای قرار
گوردی لِوای حشمتی قلبِ سپاهده
سعد اوغلونون اسور باشی اوستنده پایدار
بیرده دولاندی خیمه لره ایتدی بیر نظر
شاهِ جهان بساطِ جلالین گوروبدی خوار
آنّنیندا عِرقِ هاشمی بیر جلوه ایلیوب
غیظه او شاهزاده نی گَتدی همان دمار
گوزلر او حالیده قزاروب چخدی حالیدن
گوز منظرینده روی جهان اولدی تیره تار
قصد ایتدی یکسره او لوانی ووروب یخا
بِالمرّه لشگری ایده بر هم او نامدار
هِی ووردی مرکبه نچه مهمیز گوستروب
زینِ عقابده اوزینی ایتدی استوار
تیرِ شهاب تک اوزینی ووردی لشگره
تیغِ شررله خرمنِ اعدایه سالدی نار
صفلر داغیلدی ، دگدی قشون بیر بیره تمام
ئولدی ئولن ، قالاندا قاباقدان ایدوب فرار
بیر نکته واردی بوردا گرک عرض ایدم اونی
بو سوزده ایلورم آتاسیندان چوخ اعتذار
سعد اوغلی باخدی گوردی او شهزاده غیظیله
خلقی یارا یارا گلوری اوزگه فکری وار
بو خارجی بالاسینی سسلندی قویمیون
احزابِ جِیشی ایمدی ووروب نظمدن سالار
فرمان ویریلدی ایلدی هر سمتدن هجوم
اشرارِ شامدن اونون اطرافین آلدیلار
ووردی بیری قلج ، بیری خنجر بیری سِنان
دلدن دوشوب داخی او قدر یاره ووردولار
بیر جمعیده اتکلرینه یغدی خرده داش
ایتدی او نوجوانی آت اوستنده سنگسار
گون ایسّیسی ، بدن یارا ، قان چشمه تک آخور
آلموش علاوه سوزِ عطش دلدن اختیار
میدانی گه صولا دولانور گه صاقا گیدور
دامِ بلایه دوشدی چو آهوی زخمدار
ایتدی کمین او حالیده بیر زادهء زنا
نه عرض ایدوم نه ظلم ایدوب اول حقّدن کنار
باش یاره لندی قانی آخوب دولدی گوزلری
هم زلفی قانیله بویانوب ، هم او گل عذار
دلدن گیدوب توانی یخلدی عقابدن
ضعف ایلیوب وجودی ، تاپوب حالی انکسار
سسلندی هارداسان ئولورم داده گَل عمو
گوزلور گوزوم یولون ، گوزیمی قویما انتظار
دشمن آلوب آرایه منی یوخدی دادرس
جلاّدِ جانستانه عمو اولموشام دچار
دامادینون او دم ایشیدوب شاهِ دین سسین
تاپدی او حالیده دلِ رنحوری اضطرار
گونلر ایوینده تاپوب نعشِ پاکینی
گوردی وجودینه یتیشوب زخمِ بی شمار
زلفی یوزی گوزی بویانوب قانه ، لاله تک
قان ایچره غرق اولوب آخوری قانی سیل وار
بسکه ووروبلا اوخی اوخ اوسته گوئیا
نخلِ وجودینی بزیوب غنچهء انار
ایتدی نظاره حسرتیله نعشینه ازل
بیر آهِ سرد چکدی ، اولوب دیده اشگبار
فرمایش ایلدی سنی ئولدوردولر اوغول
بو داغلی سینمه گینه بیر داغ قویدولار
ممکن دگول گوروب که خیامه اوزی گیده
صد پاره نعشینی ایلیوب زیبِ کنار
گَتدی خیامِ طاهرده قویدی راه راست
نعشِ علیّ اکیریله ایتدی همجوار
ویردی خبر توکولدی حرم خیمه دن کنار
داماد نعشی اوسته عزاخانه قوردولار
ناله اوجالدی توکدوله رخساره گوز یاشی
فریاده گلدیلر هامیسی باشین آچدیلار
اوخشاردی بینوا آناسی آه و زاریله
بی کس عمّه لر باخوب آغلاردی زار زار
تازه عروسی گوردوله شرمِ حضور ایدور
بیر حسرتیله آغلاماقا خلوت آختارار
باشین آچوب فغان ایلین زلفینی یولان
اطرافِ نعشدن هامی بیر بیر اولوب کنار
فرصت تاپوب او دمده گلوب کشفِ راز ایده
اغیار یوخدی خالیدی گوردی حضورِ یار
باشه ووروب اوتوردی یره باشلادی نوا
گلدی فغانه ایتدی او دم ناله چون هَزار
مُنشقّ اولوب نه گوردی باشی تیغِ کینیله
قان چشمه تک آخوب بویانوب زلفِ مشگبار
اود دوتدی قلبی ، گلوب نی کیمی دله
ایتدی زبانِ حالیله بیر بیر غمین شمار
عرض ایتدی آچگوزون نظر ائت حالِ زاریمه
گور بیر نجه قونوب غمیله گوگلومه غبار
چوخدور مصیبتیم دیرم یانّام آغلارام
سالدی عجب بلایه منی چرخِ کجمدار
آغلار گوزیله حشره کیمی قویدولار منی
بنیانِ عیشیمی بیله ظلمیله پوزدولار
بو غربت اُلکه ده بو گونوم بو مصیبتیم
بو غصّه و ملالیله بو حالِ اضطرار
نیلوم نه چاره دردیمی آخر کیمه دیوم؟
یوخ سندن اوزگه بیر منه بیر کیمسه غمگسار
یاتما بو نوعیله ، گوزون آچ بیرجه نطقه گَل
دیندیر منِ فلک زده نی قویما بیله خوار
وار بیر غمیم اورکدن اونی عرض ایدنمورم
اما بو گوگلیمی منیم هر لحظه یاندیرار
بو رسمدور اگر ئوله داماد طوی گونی
عالمده خلق ایچینده تاپار بیله اشتهار
هر کیم گوروب دییر که عروس اولدی بد قدم
بیچاره نوعروس قالور خوار و شرمسار
بوندان صورا بلالی باشیم چوخ بلا چکر
بولمم اولور نه نوعیله شرحِ مآلِ کار
هر بیر غمونده صبر ایدرم شِکوه ایتمرم
قیلّام تمام امریمی آللهه واگذار
مطلق ویرر مرادیوی دامادِ نامراد
بیهوده روز و شب بو قدر غم یمه (
بهار).
التماس دعای فرج
https://telegram.me/ganjine5