شهادت عدل
در شهادت حضرت علي ابن ابيطالب
اي شهادت ملكينه شاه مظفر ياعلي
صاحب تاج شرف دنيايه رهبر ياعلي
شربت شهد شهادت باده سين چكدون باشا
عهديوي ايفا ائدوب جانانيله وئردون باشا
بير قلج نيلردي زهر اولسيدي گر باشدان باشا
اولماسيدي حكم تقديرون مقدريا علي
گورموسن عمرينده چوخ خوف و خطرلي جنگ لر
جنگ لرده رنگ لر ، نير نگ لر ، آهنگ لر
صولتوندن محو اولاردي يوزده گلگون رنگ لر
شاهديم بو مدعايه ، بدر و خيبر يا علي
سن شهيد اولدون كه تاپسون پيكر اسلام جان
دين حق ، شرع نبي اولسون جهاندا جاودان
اولماسون ظلميله برهم نظم قانون جهان
عدل حكم ائدسون بو عالمده سراسر يا علي
باشيوه قويدون شرافتدن شهادت تاجيني
عالمه گوستردون آئين و شرف منهاجيني
لطفه كيم شامل ائدوب طاعتده اوز محتاجيني
اولمادون راضي اولا سائل مكدر يا علي
سن كرم درگا هي سن مهد امان ، كهف سخا
شانيوه نازل اولوب قرآندا نصر و انما
سائله اوز خاتمين ائتدون نماز اوسته عطا
لطفيوه واله دي درويش و توانگر يا علي
باشيوي منشق ائدنده ظلم الي شمشيريله
همقدم اولدون مقام سلمده تقديريله
يوخسا روبه لر اولانمازدي مقابل شيريله
خاصه سن تك شير اولا بير شير داور يا علي
باشيوين محرابه آخدي قاني يازدي يا احد
يا احد دن ظاهر اولدي نقش الله الصمد
سجده طاعتده باشون ديلده يا هو حق مدد
سويلدون (فزت و رب الكعبه ) پيدر يا علي
سسلنوب يئر گوي آرا شاه ملك، روح الامين
قتله يئتدي تيغ زهرآگين ايله سلطان دين
سيندي اركان هدي ئولدي اميرالمومنين
گلديلر فرياده گويلرده ملك لر يا علي
عدل و دادين باعث اولدي قتليوه دنيا بيلور
مومن، گبر و يهود و كافر و ترسا بيلور
اهل عالم سهلدور دنيا و ما فيها بيلور
ئولدورللره كيم اولسا دادگستر يا علي
گويدن ارواح مقدس عالمه ائتدي نزول
گورديلر محراب طاعتده دوشوب صهر رسول
ديلده تكبير اولدي يكسر بو حوادثدن ملول
اولدي عالمده عيان آثار محشر يا علي
سن شهادت جامين ايچدون ملك عالم آغلادي
نوح و ابراهيم و خضر و هود و آدم آغلادي
قانه دوندي چشمه چشمه چاه زمزم آغلادي
طعمين آز قالدي وئره جنتده كوثر يا علي
ظلم الي ايله تا سني قهراياقدان سالد يلار
فكر ائدوبلر بدر و خيبر انتقامين آلديلار
سن شهيد اولدون ولي بيچاره لر آج قالديلار
او گئجه بيلدي يتيم لر كيمدي حيدر يا علي
سن علوم و صولت وفضل وشرف درياسي سن
شير حق ، شاه ولايت ،قاف دين عنقاسي سن
عدل مطلق عاشقي ، مطلق حقين شيداسي سن
جلوة وجهوندي وجه اللهه مظهر يا علي
عالم امكان فدا آ ئينيوه ، فرهنگيوه
عرصه هيجاده ضرب شصتيوه آهنگيوه
عزم ائدنمزدي دلاور جنگجولر جنگيوه
جرعت اولمازدي اولاسنله برابر يا علي
اي هامي رهبر لره عالمده رهبر هو مدد
اهل عشقه عالم امكا ندا سرور هو مدد
فاتح خندق ، احد، بدريله خيبر هو مدد
تك نه بيز ، سندن مدد ايستر پيمبر يا علي
شانيوه جنگ احد ده نازل ائتدي گردگار
لا فتي الا علي لا سيف الا ذوالفقار
گلميوب گلمز جهانه بيرده سن تك نامدار
گورميوب گورمز جهان سن تك دلاور يا علي
ابن ملجم ايلدي قصد جسارت باشيوه
نيلدي الله بيلور اول پست فطرت باشيوه
ظاهرا ووردي ستمله بير جراحت باشيوه
باطنا دينين ائوين ييخدي او كافر يا علي
گوزتيكوب
#شبخيز بيچاره سنون درگاهوه
لطف قيل سن شاه سن اوز بنده گمراهوه
دوت اليندن چك اوزون درگاه جنت جاهوه
يوخدي عالمده سنون تك بنده پرور يا علي
#زنده_یاد_شبخیز