🌺 نویسنده و ویرایش کننده از : جناب آقای علیرضا نادری
🌺زبانحال حضرت رقیّه ع درخرابه شام
مرحوم استاد
#روفه_گربابام فراقی منی عمّه بیقرار ایلدی
حسابسیز غم و محنتلره دچار ایلدی
همیشه ایستديم اسرارِ عشقه پرده چکم
ایدوم نچاره گوزوم یاشی آشکار ایلدی
بو عمرِ عاريه نون خشگزار ، مزرعه سين
سرشگِ دیدَم آخوب گور نه آبیار ایلدی
خرابه تپراقینی گزلین آهیمون اثری
گُوَتدی ، شیون ایچون طُرفه لاله زار ایلدی
بو چرخِ سفله نواز ، بو صغيره سنّميله
او قدر سیخدی ، منه ظلمِ بی شمار ایلدی
فراز ِعشقیده ، صحرا نوردِ کوی حقم
اودور که مسکنيمی دشت و کوهسار ایلدی
بلا ز بسکه منی ، رام گوردی مقصدينه
گتوردی گوشهٔ ویراندا پایدار ایلدی
طریقِ عشقده ، زنجیرِ عشقه باغلاماقا
غُل و دو شاخه منی گور نه انحصار ایلدی
طریق ِعشقده زنجیر ِعشقه باغلی گوروب
دو شاخه سیخدی ، منیم حالیمی نزار ایلدی
دوشاخه زمزمه سی ، اوز یرینی خوش گوردی
ویروب نفس نفسه منله آه و زار ایلدی
جنون ِعشق اولالی ، بوینومین رگین زنجیر
سیخوب سنون کیمی ای عمّه زخمدار ایلدی
یرلر هامی اسرار ِرازِ پنهانین
يغشدیروب منه بِالمَرّه واگذار ایلدی
صغير سنمّيله من نجه دوزوم دایانوم
فلک منی بو قدر غملره دچار ایلدی
قضا کمندی منی دوتدی سخت دامه سالوب
غزالهء حرمی اؤچیلار شکار ایلدی
او قدر آت دوشونه سالدی ساربانِ دنی
لطیف ایاقلاریمی خارلر قبار ایلدی
گیجه گونوز یول اوزاق ، ساربان سنگین دل
ووروب يخوب منی ، هرلحظه بیقرار ایلدی
نه سخت قلب قيزام ئولمدیم اوزوم گوردوم
ئولوم آتينا بابامی بی بیم سوار ایلدی
گیجه گونوز ، آنا آغوشی تک مدام اوزینه
جدا باشندا مكان رأسِ شیرخوار ایلدی
شعاع ِآه ِدلیم ، شام ِشوم بازارین
گیچنده ، اود ووروب هرسمته ، شعله وار ایلدی
ایشیق گونی منه ظلمت سرای شام ِخراب
شکنجِ طرّه لریم تک گوزومده تار ایلدی
توكولدی گوز یاشیمیز ، رهگذار باغلاندی
سوسوز ئولن لره بیر طرفه لاله زار ایلدی
مگر چیخار بو یادیمدان حرملرین باشینا
یهودلر داشيله بامدن نثار ایلدی
خرابیه گلن عورت اوشاقلارین هاموسی
اوزینه گلماقی اسبابِ افتخار ایلدی
مگر چیخار بو یادیمدان غریب آتام باشینی
بو شامِ شومده ، اطفال ، سنگسار ایلدی
طریقِ عشقده ، عشّاق ایچنده گو رنه منی
خرابه گوشه سینه گلدی اختیار ایلدی
لباس ِکهنه منیم پوزدی ظاهر ، عزّتیمی
گلن یانیندا منه سلبِ اعتبار ایلدی
بونی دوشمندیلر ، منده شاهزادیم عمّه
فلک جلالیمیزی پوزدی تارمار ایلدی
لباس تازه می شمرِ شریر غارت ایدوب
لباسِ عزّته حسرت ، بوروزگار ایلدی
بیور منه علی قارداشیمون گیدن یرینی
فراق ایوینده منی قویدی انتظار ایلدی
باجیم مدینه ده
گر حالیمی سوروشسا منیم
بیور فلک اونی سندن ، باجی ، کنار ایلدی
سیز اولمادوز گوره سوز کربلا دیارینده
نه ظلملر بیزه کفّارِ نابکار ایلدی
وطندن آیریلالی اولمادی يوزوم گولسون
همیشه آئینهٔ قلبی پرغبار ایلدی
ولی گوزوم یاشی آخدوقجه گرد و خاکی يوووب
جمالِ یاری شعاعیله جلوه دار ایلدی
مریض قارداشیمی ، عهدنامه ، ازلی
اسیر ایدوب گتوروب گورنه ، چنگ سار ایلدی
نجه اسیریدی آهونی آلدى ردّ ایلدی
حقیقت عالمنين عِلمين انتشار ایلدی
گوتوردی داش قؤمی یردن ویرنده صيّاده
دولاندوروب گوزینی دُرِ شاهوار ایلدی
بو قدرتیله اولان بیر امامه ، ابن ِزیاد
قویوبدی خارجی آد ، مجلسنده خوار ایلدی
ووروبدی بوینونا بير غلِ جامعه اوودنی
قباقچ، دالی، صاق وصول ، جسمین استوار ایلدی
بابام گلوب منی رؤیاده آلدی آغوشه
وصالیله منی خرسند ، او شهریار ایلدی
قبار ایاقلاریما باخدی آغلادی ، عمّه
منی آپارماقا چوخ چوخ امیدوار ایلدی
قبار ایاقلاریمی گوستروب نشان ویردیم
منی آپارماقا فوراً امیدوار ایلدی
علاوه ردّ ایلدیم کهنه کونیگیمی گوره
بدنده قمچی یرین گوردی آه و زار ایلدی
وصال مژده سين عبّاس و اکبرین ویردی
بهشت ِعدنده زهرایه هم جوار ایلدی
بیزه (روفوگریمیز) صدقيله توسّل ایدر
اودور کلامینی پُر مغز و آبدار ایلدی.
التماس دعای فرج