🌺 تایپ کننده و ویرایش کننده از جناب آقای بهروز کریمی
🌺#آرزوی_زیارت و گریز به
#وداع امام حسین علیه السّلام
#ذوقی (مرحوم حاج محمّد ابراهیم ذوقی)
گوگل الهی نه مدّتدی آه و زار ایلر
بو آه و زار منه بیر غمی ، هِزار ایلر
نقدر سعی ایدورم دلده ویرمیم غمه یول
ولی منه اوزونی درد و غم حصار ایلر
منی جهاندا خیالات قویمور آسوده
عبث دگول که گوگل بیله آه و زار ایلر
همیشه رنجِ قفس رنجینی چکن بلبل
هزار شوریله آمالِ لاله زار ایلر
منیمده ایستوری بیر لاله زار گوگلوم
خزان خیالین آتوب ، فکرِ نوبهار ایلر
نجه بهار ، نه گلشن ، نه با صفا گلزار
که سِیری دلدن اونون سلبِ اختیار ایلر
او گلستانین آدی کربلا ، گُلی شهدا
او گلشنون گُلی هر قلبی بی قرار ایلر
او گلشنی که حسین ابن فاطمه سو ویره
اونا نثار هامی دُرّ شاهوار ایلر
فدا اولوم آدینا ، بولمورم آدیندا نه وار
که یاندیرار اورگی ، چشمی اشگبار ایلر
خیاله سالگیله شش گوشه قبرینی آغلا
که آغلیان اونا محشرده افتخار ایلر
حرمده شوط ایدوری قبرین ایمدی زوّاری
سرشگِ تَر یوزونه جاری سیل وار ایلر
بیزیمده گوگلوموز ایستور حسین زیارتینی
بو آرزونی گوگل لیل و هم نهار ایلر
حسین زیارتی چون که خدا زیارتیدور
جزاده اجرین عطا حیّ کردگار ایلر
حسینین عاشقینی گر مُخیَّر ایلسه لر
دیمه بهشتی ، حسین قبرین اختیار ایلر
اگر بو جمعیله اِیتسم او قبرِ پاکی طواف
او قبره ، جانینی بو خسته جان ، نثار ایلر
نَچون که کرب و بلاده حسین زیارتینه
گِیدن او یرده زیارت نچه مزار ایلر
بیری مزارِ علمدار دور اوزاقدا دوشوب
اونون وار علّتی شهدن اوزون کنار ایلر
سو وعده سی ایلموشدی حسین حرملرینه
سو اولمویوب ، اودی که شرم او باوقار ایلر
اگرچه قولّارینی ایتدیلر سو اوسته قلم
سکینه دن گینه معناده اعتذار ایلر
ولی مقامینه سِیر ایله مشگل امری اولان
عریضه سین یازار عبّاسه واگذار ایلر
بیریده قاسمِ ناکام دور او ناکامون
ملالی دللری چون لاله داغدار ایلر
آناسی ایمدیده آغلار دییَر جوانیم وای
بو وِردی اُوز اُوزنه حَشره تَک شُعار ایلر
مزار ایچینده او شَه شیرخواره اصغرینی
آلوبدی سینه سینه زینتِ کنار ایلر
آنا یرینه دییر لای لای او صوداَمره
که لای لائیله چون خواب ، شیرخوار ایلر
ایاقی آلتدا علی اکبری اولوب مدفون
اُودور که مرقدِ شش گوشه اشتهار ایلر
بو شاهزاده َنی هر کس اگر حسینه شفیع
گَتورسه ، لطف اُونا قطعا" اُو شهریار ایلر
بو یرده سیندی قلم ، گلدی عینِ مقصد اَله
دالینجا سوز یازیلا ، سلبِ اختیار ایلر
حسینون آغلا اگر آغلاسان او ساعتینه
آناسی فاطمه ده آغلار آه و زار ایلر
او هانسی ساعتیدی ، قُوی دیوم صریحینی من
اگر چه ذکری منه روزگاری تار ایلر
ایدون نظرده مجسّم وداعِ آخرینی
غریب عیالینه گویا که اِختبار ایلر
دییر گَلون گِیدورم سیز منی وداع ایلیون
اُوز ئُولماقین اُولارا بیر بیر انتشار ایلر
اِیشیتدی بو خبرِ ناگواری اهلِ حرم
یقین ایدوبله او شه عزمِ کارزار ایلر
توکولدی شیونیلن خیمه لردن آل الله
سیزلدیوب هَره اُوز دردین آشکار ایلر
بیری دیور بابا گِیتمه سن اولماسان ، دشمن-
بو دشتیده بیزی آهو کیمی شکار ایلر
بیری دیور نجه من ال چکوم بابا سندن
سنون غمون منی چوخ غملره دچار ایلر
گورنمیوب ولی زینب کیمی جهاندا باجی
ئُولوم آتین گَتوروب ، قارداشین سوار ایلر
دییر حسین گِیدوسن ، گِیت ولی بو آیریلماق
منی نقدر نفس واردی ، دلفکار ایلر
سنون بو آیریلوقون چوخ چتیندی زینبیوه
بو گِیتماقون باجون ئُولسون عزیزی خوار ایلر
حرملرون اِیدوسن بیر به بسر سپرده منه
بو غملی بادیه دن کیم منی کنار ایلر
یتیم اوشاقلاروین حالینی خیال ایدرم
بو غم منیم غمیمی دلده بی شمار ایلر
نه آیریلوقدی بو نه وضعدور آنام اوغلی
قرار و صبریم ایوین بیله تار و مار ایلر
متاعِ هجره حسین من مگر خریدارم
بو نه معامله دور منله روزگار ایلر
یقین قِیتمیاجاقسان دوباره خیمه لره
سنی بو حاله سالان شوقِ وصلِ یار ایلر
اوزاندی سُوز ، سُوزوی
#ذوقیا تمام ایله
سوز اهلی طول سُوزه ویرمز ، اختصار ایلر
مَلول اُولما حسین قبرینه یتشمور اَلون
اولوبدی لطفی سنه لِیک استتار ایلر.
مرحوم حاج
#محمد_ابراهیم_ذوقیالتماس دعای فرج
https://telegram.me/ganjine5