🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩#حضرت_ام_البنین_سای نهر فرات اوسته اولان قانینه غلطان
عباس او گوزل نفسیوه جانیم اولا قربان
دشمنده دئیر فرصتی بیر ویرمَدی باده
ظاهرده او ساقی سویا اِیتمیشدی اراده
باطنده ولی نفسیله گئتمیشدی جهاده
اوجوندا گوتوردی سویا باخدی دیدی ای داد
تَل اوستَن حسین
سَسلَدی عباس ایوین آباد
احسن
سَنه که اُولموسان اوز نفسیوه غالب
گورسَدمیسَن اهل دیله بیر صحنه جالب
عشاق حسین یکسر اولوب عشقیوه طالب
دنیا نه قَدر وار اولار هر دَمده مقالون
اولسون آناوین زحمتی دنیاده حلالون
هر چند آنان درد و غموندن قوجالوبدی
عیب اِیلمز اصلا، باشیم عرشه اوجالوبدی
ایندی ولی جان اوسته گوزوم یولدا قالوبدی
گَل گوزلریمی باغلا منیم سون نفسیمده
قویما سیخلا روحیمی محنت قفسینده
جان اوسته نولار بیر من زاره چَکَسن باش
گل گور نجٓه هجروندن آخیر عارضه قان یاش
سَنله دیورم گوز گوزه جانیم چیخا ای کاش
وار دیلده نه غم؟ سایه وی گر باشیمه سالسان
سون دَمده من غمزده نین گوگلونی آلسان
جان اوسته هامی یوز چُوورَر بیت خدایه
من دوتموشام اُوز دیلده فغان کرب و بلایه
جان تاپشورام هیهات، یِتونجه
سَن هرایه
گَل دوندَر عزیزیم آناوی قبلیه ساری
بی کس آناوا
سُون نفسینده ایله یاری
صد حیف اولا که تاپمادیم عالمده سعادت
تا خیردا مزارون اِیلیم منده زیارت
ایندی گیدورم قبریمه قلبیمده بو حَسرت
قویما بو قالان فرصتی اوغلوم تَلف اولسون
داغلی اورکیمده منه جای اَسف اولسون
درک اِئت گیلَن ای جوهرهٔ عشق و محبت
یِئت داده که برپادی منه شور قیامت
بیگانیه، آلسان
سَسیمی دیلده نه حاجت
لطف ائت بو بلالی باشیمی آل دیزون اوسته
تا آیرلا تندن، داخی بو طائر خسته
چَکدی آناوین جور فلک قلبینه داغلار
ذهنینده چَکر عکسیوی دائم باخار آغلار
گوز یاشینی پیوسته بو غمده یوزه باغلار
نقصان یری بو باره ده که قویمامشام من
بو آغلاماقیمدان هَلّه ده دویمامشام من
هر دم گَل رخساریوی که یادیمه سالام
اوغلوندان همان دَمده
سَنون عطریوی آلام
باخدوقجا او رعنا قَدینه بُهتیده قالام
نینیم که سالار چیگنینه مَشکون، سینه داغلار
بیر اَلده علم وای بابام ای وای دئیر آغلار
دردیم نَدی قلبیمده بو دردی بولّن آغلار
اوغلی ئولنین حالینه اوغلی ئولّن آغلار
ناله
سَسیمه خاک بقییعده حسن آغلار
من تک حَسنینده بَلشوب قانه بالاسی
ظلمیله دونوب یاسه او صحراده حناسی
هر کیمسه گلوب خاک بقییعدن گذر اِیلر
دورت قَبر که طرح ایلمیشم خونجگر اِیلر
اما بیری چوخ خیردادی جلب نظر ایلر
ای وای منه که کرب و بلاده بیچیلیبسَن
قربانین اولوم بویدان اودور که چیچیلیبسن
بو رسمیدی دعواده دَگر یاره وجوده
آخدوقجا یره قانی گئدَر حال سجوده
یانام من اورکدن ولی اول زخم عموده
مدتدی بو یاره آناوی فکره سالوبدی
الله بولور اَلسیز باشی نه حاله قالوبدی
ای کاش دُونه نهر فراتین سویی قانه
زینب دئیر اخیامه اولان دمده روانه...
دورت مین اوخ آتان آتدی اَلون تیر و کمانه
مشکونده اِیدَر جور و جفانی منه اظهار
گویدن او یاغیش تک اَلنوب باشیوه اوخلار
دورت مین اوخ آتان بیر نفری دوتسا نشانه
بیردن هاموسی اوخلارینی ایتسه روانه
هردم بیری آیا دَگر اول جسمیوه، یا نه؟
صراف زمان یاره لرون سایسا سایلماز
غمدن داخی بی کس آناوین باشی آیلماز
تا وار نفسون دهریده یاز نوحه عتیقا
قویما چیخا اَلدن داخی بو فرصت اعلا
دنیایه چوخ آلانما قالوب کیملره دنیا
یومدی گوزینی عالمه نوحیله سلیمان
ایوبه دَه دنیاده چَکیلدی خَط بطلان
التماس دعا
🙏🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩🟩