بداهه نویسی دیشب(یکشنبه) در گروه مجمع شعرا و مادحین
گلدون نه عجب وقتیده مهمان سنه قربان
احسان ایلدون صاحب احسان سنه قربان
#بداهه_عتیقبو وصله خدا بولدی نه قَدر ایلدیم همت
تا بلکه یتیشسین الیمه دامن وصلت
ویرانه ده عالم بویی چَکسم ده مشقت
وار ارزشی ای قلبیمه سلطان سنه قربان
#بداهه_عتیقلعل لبیوه ایلورم هر دم که نظاره
گوز یاشی آخور سیل کیمی نیلی عذاره
کیم یاره ویروبدور لب عطشانه دوباره
جاندان آلوری جان آپارور جان سنه قربان
#بداهه_عتیقباش فکرینی منده بولورم باشدان آتوبسان
باشدان بابا بو فکری آتوب قانه باتوبسان
کول باشیمه، بو کول نَدی، کول اوسته یاتوبسان؟
سرًین منه آچ قالمیشام حیران سنه قربان
#بداهه_عتیقتشریفیوی بیلسیدیم اگر نقشه چکردیم.
یکسر بو گلن یولاریوا من گول اکردیم.
بو زلف پریشانیمه بیر شانه چکردیم.
اولسون بابا بو زلفی پریشان سنه قربان.
#بداهه_برهانسنسیز بابا من دوشمشودوم رنج و عذابه
سیخمیشدی منیم قلبیمی بو کنج خرابه
آچ قانلی گوزون باخ گیله بو دیده پرآبه
باغریم اولوب هجرینده منیم قان سنه قربان.
#بداهه_خانشیبولبول اوخویار نغمه سینی گول لرین اوسته.
من باشلامیشام نوحه می نیسگیل لرین اوسته.
کول باشیمه، باشین قویولوب کول لرین اوسته؟
مطبخده ائدیب لر سنی مهمان؟ سنه قربان.
#بداهه_خانشیای حقّه گوره قیزلارینی گوزدن آتان باش.
ای سینه ی زهرانی قویوب کولده یاتان باش.
روحیم چیخیر ای محضر جانانه چاتان باش.
گل ائیله دعا منده وئریم جان سنه قربان
#بداهه_خانشیمن فیض آلورام بو گئجه نورانی یوزوندن.
بیر کلمه دانش حظّ ائلیییم تا کی سوزوندن.
سن سویله رقیّه، من اؤپوم قانلی گوزوندن.
گوز تیکمیشم اول لب لره هر آن سنه قربان.
#بداهه_خانشیویرانه نی دوندردی باشون باغ جنانه
غبطه ایدوری باغ جنانی بو مکانه
هرچند که باشین بلشیبدور کوله قانه
ایتدون اورکیم دردینه درمان سنه قربان.
#بداهه_عشقویر اذن اوپوم لب لریوی ای شه خوبان
باخ گور بو تمنایه نجًه باغریم اولوب قان
نینیم گورورَم قاندی لَبون صورتون الوان
بو فعلی منه بولمه چوخ آسان سنه قربان
#بداهه_پورعلیقوی زلفومیله قانینی آهسته سیلیم من.
عطشان، یارالی، باشیوه قربان کسیلیم من.
بو حاله سالوب کیم سنی فاش ائیله بیلیم من.
چوخ یاره ووروب رحم سیز عدوان سنه قربان.
#بداهه_دلجوسر نیزه باشیندا سنه بیلمم نه لر اولدی.
قان آخدی او مَه صورته شق القمر اولدی.
قول باغلی قیزین ناقه ده خونین جگر اولدی.
تاریک ائله دی عالمی عدوان سنه قربان.
#بداهه_خانشیآچ قانلی گوزون ائیله من زاره نظاره
تا دوشدی بو آغلار گوزوم اول قانلی عدارع
سینمده بو غمدن نفسیم دوشدی شماره
قران اوخی ای ناطق قران سنه قربان.
#بداهه_نادریالآن کی گَلیب روشن ائدیبسن بو اتاقی،
سن اشکیمی سیل منده سیلیم قانلی دوداقی.
سن حنجریوی ایندی نشان وئر من ایاقی.
گور پارچالیییب خار مغیلان سنه قربان.
#بداهه_خانشیوار دلده سؤالیم؛ بولورم پاسخی سنده.
قربانه وئره للر سو، باشین ذبح ایلینده.
سو وئردی سنه حنجریوی شمر کسنده؟
یابذل ایلدون جانیوی عطشان سنه قربان.
#بداهه_مهدی_نوحه خوان
سن سویله منه بو گئجه شمشیر یئریندن.
من صحبت ائدیم قولدا کی زنجیر یئریندن.
داشدان ایکمیز، سن دئ منه تیر یئریندن.
من سویلویوم اوخ مثلی تیکاندان سنه قربان.
#بداهه_خانشیوئر بیردم اجازه دولانیم باشیوه گیتمه.
قربان اولوم اول دیدهی خونپاشیوه گیتمه.
وئررَم قسم اول گوزده کی گوز یاشیوه گیتمه.
جانیم اولا ای سویگولی جانان سنه قربان.
#بداهه_بیرامیای نازلی رقیّه، بیزه ای لطف الهی.
ای عرش و سماواته چاتان آتش ِ آهی.
چوخدور بوعزیزین بیلیسن خبط وگناهی.
سن ایسته گیلن عفو ائده یزدان سنه قربان.
#بداهه_خانشیالتماس دعای فرج
@shoaravamadehin