@safetabrizi #کانال_اشعار_مرحوم_صافی_تبریزی #اشعار_چاپ_نشده #غزل _______________________ ✍نگار مهوشیم قوخماز منیم تاثیر آهیمدن
ترحم ایلدی لطفا اوزی گیچدی گناهیمدن
اگر مین دفعه دوغرانسا وجودیم تیر و خنجرله
گیدنمم اوزگیه داده سوا اوز دادخواهیمدن
جفا و جور چکماق فخردور بیز گونه عشاقه
منیم اوزگه سراغیم واردی اوز بخت سیاهیمدن
منیم غملی گونومده بیر جه گوز یاشی پناهیمدور
کدورت خاکی آز قالموش ال اوزدورسون پناهیمدن
نه قدری غم چکم غم قورتولوب محنت تمام اولماز
نه چون غصه گوگردیر دست غیبی خاک راهیمدن
بوشالدی غصه دن یعقوبون آخر بیت الاحزانی
ولی چکمز ایاق غم حشره تک بو حزنگاهیمدن
اورکدن ایتمرم شکوه گوزیمدن یتدی بو آتش
بو آخر حالیمی ضبط ایلدیم اول نگاهیمدن
ثبوت عشقه«
#صافی » شاهدیم وار اشک چشمیم تک
گینه اثباته یتمز بیله بیر ثابت گواهیمدن
❗️ لطفا با ذکر منبع فوروارد کنید
❗️@safetabrizi