#غزل گوزدن سالوب گیدوب منی یاریم بهانه سیز
هاردان دوتوم سراغینی یارب نشانه سیز
گوندوز گوزومده لیلهء یلدادی منزلیم
یاللعجب قالوب نجه شمع شبانه سیز
دوستاق اولوب گوگل قوشی بال و پری سنوب
جان اوسته دور، قالوبدی ز بس آب و دانه سیز
ویرانه گولومه گینه غبطه ایدور رقیب
آ گاه اولوب خرابه لراولماز خزانه سیز
گلچین روزگار پوزوب باغ و گلشنی
گلزار غمده بلبلی قویدی ترانه سیز
عهد ایلیوبدی بوسه ویرا دم به دم صبا
زلف نگاری قویمیا بیر لحظه شانه سیز
گون باتمادان گچوبدی بیابانی چم دوتوب
بیچاره طایری که قالوب آشیانه سیز
عاشقلره زمین و زمان تنگ اولوب گلر
قویماز قالا زمانه نی صاحب زمانه سیز
عدلیله دولدورار یِر اوزون حجّت خدا
نه کاخ لر قالار نه قالار کیمسه خانه سیز
طوفان غم قوپوبدی کوکوندن قوپاردیری
نخل حیاتی ایستری قویسون جوانه سیز
قدرت اَلیله یوسف زهرانی ساخلیوب
اسلامی قویمیوبدی قالا پشتوانه سیز
رحمت سفینه سینده
#پرند اگلشنلرین
یوخدور هراسی اولسادا دریا کرانه سیز
شکر ایلورم عنایت ایدوب صاحب قلم
اولماز چکامه و غزلیم عاشقانه سیز
#استاد_پرندکانال مدح و مرثیه
@ganjine5