@ganjine5#کانال_مدح_و_مرثیه#آدینه#فانی_تبریزی________________________________
✍مريض درد عشقم هجردن باغريم اگر قاندور
آلوب ميگون لبون رنگين علاجي وصل جاناندور
خط و خالون گورن گوندن ويريلديم حسنوه دلدن
نچون مه عارضون گوردوم جمال حقّه برهاندور
جمالوندن عيان والشّمس اولور والّيل زلفوندن
باخان سويلر تعالي الّه بو رخ آيات قرآندور
قاشون محراب طاعت تك هلالي قامتون طوبي
يوزون بزم محبّتده دلا مشكوت عرفاندور
گوزون دورون دوتوب يوخ ذرّه باكيم جور دشمندن
حمايت ايلين شهلا گوزوندن فوج مژگاندور
خيال ايدقجه هر دم وعدة وصلون گوزوم ياشين
الركن سويلرم دلدن، سنه قربان دل و جاندور
نظر قيل چشم مستيله بو درويش پريشانه
داغيلسون تا اورك داغي گوروسن ديده گرياندور
يورولدوم درد و محنتدن، بو فرقتدن مصيبتدن
مريضم گل علاج ايله وصالون درده درماندور
ائديبدور آيريلوق داغي غم و محنت گرفتاري
اميديم يوخ اورك گولسون نچون كه قانه غلطاندور
غريبليق تشنه ليق هم آيريلوق داغي نجه گويلوم
آچيلسون غصّهدن غمدن بوشالسوندور هجراندور
ازل گوندن سني ساقي يازيبدور خامة قدرت
گتور پيمانهور ميدن عنايتايله احساندور
كرم قيل ساقيا آدينهدور بير باخ آنان جاني
گورورسن حال فاني تك نجه حاليم پريشاندور
❗لطفا با ذکر منبع فوروارد کنید
❗ https://telegram.me/ganjine5