" دي بنت أبوها ❤️." الحقيقة انو عمرك ما حتلقى بت قريبة من ابوها وعلاقتها معاهو اتعدت علاقة الأبوة العادية لعلاقة صداقة وثقة الا وتكون شخصية قوية ومتزنة عاطفياً ،بنت شبعانة أبوّة وبنوّة ومحبّة مهما الدنيا كانت صعبة وقست عليها حتلاقيها مستقرة نفسياً و قوية وكأنو بالمحبّة والقوة اللي إكتسبتها من ابوها كوّنت مناعة نفسية لا يستطيع أي شي بالساهل يهزّها . وعلى النقيض تماماً حتلاقي المحطمة نفسياً ،المُتخاذلة ضعيفة الشخصية اللي مهما حاولت تبيّن انها قوية حيفضل في شرخ كبير موجود جواها عمرو ما يتملي بالساهل لأنو فقدت الأبوّة او عانت القسوة الشديدة من ابوها لدرجة حتى منظور "الرجل" بصورة عامة إتشوّه في نظرها ،حتتهرّب وتخاف من العلاقات لانها حتشوف صورة أبوها في كل شخص ، وحتاخد وقت طويل شديد عشان يتعدّل المفهوم ده في عقلها الباطن عسى ولعلّ تعرف تعيش الفاضل من عمرها بصحة نفسية. وده يُثبت فعلاً صحة الجملة اللي بتقول : " المدعوم من عائلته لا يفشل والمجروح من عائلته لا يُشفى أبداً." #تنزيل_صابر.