🖤🥀

تزوجوا عشان الخلفه بس، درسوا عشان يحصلوا على لقب دكتور او مهندس بالمختصر عشان حرف واحد بس يسبق أسمهم، تخرجوا عشان شهادة ومابش معاهم اي هدف الا انهم يحتفلوا ويعلقوا ورقه في جدران غرفهم ،تصدقوا وأنفقوا مئات الألآف رياء عشان يقلوا عنهم أصحاب خير، زيدوا المجاملات "والطلس"لناس مايستحقوش كلمة واحدة من المدح والثناء، لبسوا حاجات ماركة وغالية مابيرتاحوش فيها عشان يقلوا عليهم مهندمين وفخمين، ظلموا وأسرفوا وفعلوا المستحيل عشان يسمعوا حد بيصفق لهم..

تخلوا عن قيمهم وتنازلوا عن مبادئهم عشان يقلوا عليهم وواوو ناس"فري"، نافقوا وإتصنعوا لأنهم أشخاص ماعندهمش ذرة ثقة في أنفسهم أشخاص ناقصين يشتوا يكتملوا بكلام الناس اللي هو شُغلهم الشاغل ماعيقلوا عليهم الحمقى أمثالهم ، ماعاشوش الرضا بما تشتيه نفوسهم طول ماهم عايشين وهم يحاولوا يكونوا الناس الإستثنائيين بحماقتهم اللي مابش مثلهم كمل عمرهم بحينه وهم مافكروش للحظة يعيشوها على مابنفسهم ويحيوا حياة تناسبهم هم، كانوا يفعلوا المستحيل وكل مايقدروا عليه من جهود عشان ايش؟؟!
عشان الناس ولما ماتوا، ماتوا وحيدين

#ذنوب_الفشره
#خولة_العُفيري