#محرم_١٤٤٥ #في_الخدمة_المقدسة #مسوبعآذاني جرح عاشر....وَخَذْ من گلبي كل فرحه
شْلونَ اْنسى عزيزِ الروح.... وَحدَه يعالِج بجَرحَه
وانا لي رِجيت اللّيل....يْطوْلُ وْلا يِجي صبحه
والله حايِره بأمري
ما واحد حمل صبري
عقيله ومنسِلب خدري
مْشيتَ وْعِفته عالتربان...عاري ومِنْذبح نحرَهْ
****
بعده خابتِ ظنوني ....ولا والي بگى يمّي
ونار بخيمتي شبّت......وطفله زادت بْهمّي
من گالت ما ريد الماي....بس سالم يِرِدْ عمي
سمحيني يا عز الناس
دموعچ شيّبت هالراس
ما يرجع بعد عباس
عينه بالسهم طاحت...والخيلِ اسْحَقِت صدره
**
باچر يا رقية نسير.... لِدَربِ الشام يِسبونا
تشوفينِ عْلَ الرمح راس.... عينه شاخِصه علينا
وشيبه مخضّبِ بدمّه....مْغيّرْ بالشمس لُونَه
نُوحي لْغربِتَه دايِم
جِسْمَه عالتُرب نايم
مِنّه ما ضلع سالم
الزهرا حِضْرَتِ مْصابه...وعيونِ السّما عَبره
فـاطِــمَـة مَـلّاح
✍︎
https://t.center/fatimamallah