#قصائد_في_خدمة_الخطباء#محرم#شعبي(وزن الطويل)
وحيدة بگِيت يا عباس .... وانا المتعوِدة علِيكُم
يَباگي الطيبة والاحساس .... إجيت بدمعي داويكم
لِگيت الراس بلا أنفاس .... ومحتارة صرت بيكم
نِخيتك يا أبو النوماس .... بِداع الزهرا جاوبني
غريبة شلون تتركني .... أباري ايتام مفجوعة
وعاين يا بعد عيني ..... حسين مكسّرة ضلوعه
واسمَع هاي لو تگدر .... متوني حيل موجوعه
اجيتك ردت تتذكر..... عقيلة وانتَ كافلني
عِزيزه هواي يا زينب .... وان اعْتبتي الگلب ينصاب
أريد بجاه والدنا .... تعذريني وبلايَ اعْتاب
كفوفي عالنهر طاحن .... وصابوا گربتي الأغراب
وانا شْسوي بعد هالحال .... سهام البين آذتني
بَامان الله يا بعد العين ...وسلّم على اميِ الزهرا
قولِلها الطفل منحور .... وزينب سارت بصحرا
وجسم حسين ظل مطروح .... متعفّر على الغبرة
وراسه عْلى الرمح شالوه .... وخدري الساع فارگني
فـاطِــمَـة مَـلّاح
✍︎
https://t.center/fatimamallah