فاطمة ملّاح ✍︎

https://youtu.be/6E4jk84vZh0

#جديد_محرم_1445
#في_خدمة_الرواديد_الخطباء

على طور يا مدللّه راح الدلال

صورة شعرية لحال مولاتي العقيلة سلام الله عليها ليلة العاشر من محرم.

ليلِ الوداع...ريتكْ تِطول
باچر ترض ....صدرَهْ الخيول

وحده يِوِن...ما لَه مُعين
فوگه الشمر...يحزِ الوتين

اْنْغابِ الأُخو...غاب السند
أبگى غري...به بْلا عضد

بي أحتِمي....هُوَ العضيد
شْلونِ الصبر...وخويه وحيد

تِعمى العيون ...ولا انْظُرَه
فوقِ الترب....مْحنّى بدَمه

وكأني بالحسين سلام الله عليه سمع حديث زينب وراح يوصيها:

يا حْنيِّنَه... زيدي الونين
باچِر أنا....دامي الجبين

حِفظِي العيال...صوني الخِدِر
لمن أطيح...جَنبِ النهر

لا تِجزعي...وْذِكري علي
وضلع البتولْ...يا كل هَلي

لا تروّعي.... گلبي وتِجين
تِشمَتْ عِداي...لُو تندِبين

إِتْهيَئي... لدربِ السبي
مِن رايتي...خِيطي العِبي

فـاطِــمَـة مَـلّاح✍︎

https://t.center/fatimamallah

#جديد_محرم_1445
#قصيدة_عزائية


لم يَخلُقِ الدّمعَ الإلهُ لغيرِهم
ولأجلهم مخنوقةٌ زفراتي

كم طال نَوحٌ للطفوف فجرحهم
ألمٌ يَخطُّ أسىً بكلّ دَواةِ

لو أنّ ماءَ البحرِ صارَ مِدادَه
لم يكفِ كي يحكي لظى الجَمَراتِ

فالطفل يبسمُ للمواجع ثغره
ويتيمةٌ لن تبرحَ العبراتِ

تحكي وكربُ الطفّ بدّل حُسنها
والدّمع منها أرهقَ الوجناتِ:


"قد كان لي قمرٌ يؤانِسُ وحشتي
من بعدِه غابت سنينُ حياتي"

من للعقيلةِ تُستباحُ بخدرِها
وكفيلُها دامٍ بشطّ فراتِ؟

من لليتيمةِ يا بتول يضمّها
إن جادَ دهرُ القَهرِ بالطّعناتِ؟

من للحسينِ ولا مُناصرَ عنده
والخيلُ تسحقُ موضِعَ القبُلاتِ؟

وصغيرةٌ سلبَ اللعينُ قِراطَها
والرأسُ يشهدُ فعل ذاك العاتي

وعزاؤهُ سيفٌ سيُشرق آجلًا
بالعدلِ يكشفُ عتمةَ الظلماتِ

فـاطِــمَـة مَـلّاح✍︎

https://t.center/fatimamallah

#قصيدة_لطم
#في_خدمة_الرواديد
#جديد_محرم_1445

إجيتك

إجيتك شايل همومي إجيتك
لگيتك للصبرْ آية لگيتك
نخيتك أُوصَل لْيمّك نِخيتك
أنوح بحضرِتكْ وانصب عَزيتك

بدربك أحمِلِ الرايه
وعاينْ گُربي مشّايه
يصيحونِ بدمِع هامِلْ
"هْوايه نحِبّهِ هوايه"

أحبّكْ يا غالي

...................................................

بكِيتَكْ عاري عالرمضا بكيتكْ
رِجيتكْ تِرجع لزينب رِجيتكْ
أريدك تاخد بْيَدّي أريدك
وَريدك ينزِفِ بْروحي وَريدك

ذِكَرتَك مِن سِگوني الماي
ونادَو يا هلا بالچاي
زايِرْ لِيك سَمّوني
كرمهُم يالغريبِ هْواي

أحبّكْ يا غالي

......................................................

عِشَگتَك عايفِ العيله عِشَگْتَكْ
بِدَمعك تِغسلِ وْليدَك بدمعَكْ
يا ريتك تشرب المايِ وأرِسمك
بكلّ سنيني شاريها بسمتكْ

بگلبي عايشِِ وأفخرْ
أزورك دوم لُو أگدر
لخدِمتك ناذر سنيني
سلامي عليك يا بو الأكبر

أحبّك يا غالي

#عظم_الله_أجوركم

فـاطِــمَـة مَـلّاح✍︎

https://t.center/fatimamallah