Transparency O'ylab qarasam 4-5 yildan beri birga ishlagan jamoalarimdan hech biri bilan ko'rishmagan ekanman, hammasi remote orqali va shu vaqt mobaynida remote ishlash uchun ahamiyatli deb topgan asosiy ko'nikmam bu shaffoflik va ochiqlik. Menimcha bu faqatgina masofaviy jamoalar uchun emas, balki on-site ishlar uchun ham ayni muddao. Dasturchi sifatida qandaydir bir vazifani oldingizmi, o'sha vazifa uchun qilgan hamma qadamlaringizni iloji boricha jamoadagilar uchun tushunarli tarzda project managment toolda yoritib boring. - Progress qildingizmi, yozing. - Biror bir qismda nima qilishingizni bilmay qoldingizmi, yozing. - Berilgan vaqtda tugata olmaysizmi, boshqalarni xabardor qiling. - Berilgan ishni qilish uchun yetarlicha ma'lumot yo'qmi, xabardor qiling. Dasturchi sifatida hech kim hamma narsa bo'yicha mukammal bo'la olmaydi va bilgan bilmaganlaringizni har doim jamoa bilan bo'lishgan xolda ishga yondashsangiz, ularni siz haqida yaxshiroq tasavvurlari hamda hopefully, ishonch paydo bo'ladi.