У Ляхавічах будуць судзіць настаўніцу, на якую данесла інфаказачка Бондарава. Палітычную справу шыюць Таццяне Крапіневіч, завучу Ляхавіцкай гімназіі. На яе адкрыла паляванне прапагандыстка Вольга Бондарава, якая абвінаваціла настаўніцу ў тым, што яна “прайшла антыдзяржаўныя і дзярждэпаўскія курсы”. Бондарава назвала антыдзяржаўнай адукацыйную арганізацыю EdCamp Belarus, а “дзярждэпаўскай” — ініцыятыву “Настаўнік для Беларусі”, якая была створана беларусамі для падтрымкі таленавітых педагогаў, што едуць выкладаць у рэгіёны. Менавіта па праграме “Настаўнік для Беларусі” Крапіневіч прыехала ў Ляхавіцкі раён з Мінска. У 2023 годзе яна стала пераможцай абласнога этапу конкурсу “Настаўнік года Беларусі”.