شعر شعبي عراقي

وَصيّت الهوى يحاچيك
يذَكرك باللي ما ناسيّك
يمته تحَن علي
وتعَود؟
يَمته الله عليَّ يهديّك

لا تروحين مَن اديني 
وخاف ازعلچ
خاف أأذي گلبج الچنة فراشة 
تحَمليني
انتِ حلوة
 واني تَعبان مَن اجيتچ
ناسي واهلي متعَبيني 
وخاف اجي تَعبان يَمچ
حطي ادينچ فوگ جَرحي وطَيبيني

أدري بيك تحَبني
ما داعي الكلام
وأدري بدمُوعك صدُك تبچيلي
ومِن تجيلي لا تكلمنيّ بغَرام
وعفيه عوف
الشوگ لا تحچيلي
اني ليلي بلايه واهِس ما أنام
شلون لو صرت أنتَ
واهس ليلي ..

گول مَن البّدايه عِندي غير انسان
عَليمن احرگ برُوحي وكَلبي خِلصان .

أحلى عيُون بالدِنيا شفتهَن
هِنه عِيونج المَاكو مثلهَن .

خلصَت وعَديت الصَعب
بَس خايف مِن الأصعب
مُمكن أشوفك تبتعد
بَس صعبة أشوفَك تنحَب .

كُلشي يهُون
بَعدك حتى كَلبي يهُون
بس وداعِتك وَدي أفهم شلونكَ؟
خلص كُل الحچي وانساك
بَس ، شنِساك ؟
جَيب اليشطَب من الذاكرَه " عَيونك "

دخلي كشفي حبيبج @MQIBOT

حتى الما تمر بلبال
مرتلي ..
احس الدنيه
بالبلعوم وگفتلي .

أنا بلا وَعي من انطيتك الروح
وعقل ماجان عندي وهسة فَزيت
ما اچذب واگلك باچر انساك
عِفتني وذكريات هواي خليت

ليشَ تخَسر مَثلي واحدَ
هَامل الدنَيا وَيجيكَ
انَسانَ منَ تَوگع بشَده
يعَينِك أكثر منَ أديَك
انسَان جَان يبَيعَ روَحهَ
ويَشتَري الترهَم عليكَ .

أماشِيك بغَلط
وذنوب فَوگ ذنَوب
وأشيّلن ذنبّك
وأدري عَلي مِحسوب
علىٰ الفُطرة ويحِب
شيّقنعة گلبّي يتِوب .