Смотреть в Telegram
لطمية للزهراء عليها السلام ( واحنه بعازت ارباها )
اخذهه الموت ... واحنه بعازت ارباها
اندور عالحنينه ومالگيناها
اندور بالمباني والغرف ظلمه
وينچ يالحنينه انصيح يايمه
مهضومين كلنه وتوجع الهضمه
انريد ايامنه الوياچ عشناها
وين ايامنه الحلوات شيردهه
من عدنه الزمان بساع فرهدهه
نار الفرگتچ يمه شيبردهه
تسعر بالگلب ماخمديناها
نار الفرگتچ ماطفت لهابه
تسعر بالدليل ولاحت اصوابه
اليوم حسين سود مبدل اثيابه
واهدوم الحزن بعدچ لبسناها
صابحنه الحزن من فارگيتينه
نطب للدار وامچانچ يبچينه
راحت وين لمتنه ومحاچينه
بعد گعدت المكسر ماگعدناها
نتمنه الزمان يعود عصريه
نخدر چاينه ونتسامر شويه
بدونچ مارغبنه گعدت الفيه
شفنه الدار وحشه وسايليناها
وحشه وتفگس الناظر منازلهه
ولچ يادار وين الوالده نگلهه
عن احمولنه عزلت محاملهه
بالهيمه البعيده ضيعيناها
ضيعنه الحنينه وضاعت بهيمه
عمت عين الزمان الماخلص ضيمه
كل عامر يهدمه وهدم الخيمه
اخذ سدرة شملنه اودعيناها
من ديوان لبيك ياحسين جزء ١١
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
https://t.center/ertlgaaz
Telegram
مأتم ام البنين (؏)
اللهم صل على محمد وال محمد ✨
قناة خاصة لنشر القصائد الحسينيه 🏴📚
قناة خاصة لنشر القصائد الحسينيه 🏴📚
Love Center
Бот для знакомств