Смотреть в Telegram
فزاعيه للزهراء (ع)
ياجناز .... ريض خل اودعنها
هاي امي العزيزه وحيل احبنها
💔▪️💔▪️💔
هاي امي الحنينه الضايع ادواها
تراب المـگـبره ياوسفه غطاها
ريت امشي سوى واندفن وياها
مابطل مناحه وامــي اريدنها...٢
ياجناز ...ريض خل اودعنها
💔▪️💔▪️💔
اودع بالنعش والدمعه مـجريه
وامي الغاليه وماتلتفت ليــه
ولا گالت عفت بالــــــدار البنيه
ردت آخر وداع امي اشوفنها..٢
ياجناز...ريض خل اودعنها
💔▪️💔▪️💔
شوفتها دوه وضماد لجروحي
من راح النعش مابطلت نوحي
نار وتستعر متوجره بروحـــي
عافتني زغيره ومشبعت منها..٢
ياجناز...ريض خل اودعنها
💔▪️💔▪️💔
عافتني زغيره الـــــــكلها حنيه
بعـــــــد الغاليه منهو اگعد افيه
عيني عالــدرب يايمه اربيـــــــه
اتمنى ترد الي وبيدي احضننها ..٢
ياجناز ريض خل اودعنها
💔▪️💔▪️💔
احضنها واشمها بگلـــــبي اخليها
واشبع من عطرها ومن محاجيها
بعد هيهات امـــــــي وين الاگيها
النامت بالـــــگبر ماينسمع ونها..٢
ياجناز...ريض خل اودعنها
💔▪️💔▪️💔
تــــمت بعون الله تعالى
بقــــ✍🏻لم خـادمة االزهراء عليها السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))
https://t.center/ertlgaaz
Telegram
مأتم ام البنين (؏)
اللهم صل على محمد وال محمد ✨
قناة خاصة لنشر القصائد الحسينيه 🏴📚
قناة خاصة لنشر القصائد الحسينيه 🏴📚
Love Center
Бот для знакомств