. قناة 2-*الشاعره مريم العبوديه اسيرة الاحزان. للقصائد المشتركه 💔🍃

قصيده للزهراء ع

وزن تجليبه


عمت عيني عليج انهد ركن حيلج
عن حزني لمصابج حايره احجيلج
ــــــــــــــــــــــــ.      ــــــــــــــــــــــــــ

جان ايشـع ضـــواج وما طفــه نوره
وتزهي الدنيـــه بيج وبارقه الصوره
وسفه اشلون صرتي بلوعه مكسوره

وصــار انهار يومــــج يشبه اليلــچ

.✍🏻الشاعره مريم العبوديه اسيرة الاحزان 💔
⊰᯽⊱┈──╌❊╌──┈⊰᯽⊱

.من كــثر الحزن سهرانه ليل  انهار
وما تطفه تظــل  مستعره  بيه النار
لمصايج نون منه الــــــدمع  مدرار

ومن ظيم الزمــــن امجرح ادليلج

✍ سهـــام المالكي
⊰᯽⊱┈──╌❊╌──┈⊰᯽⊱

وسفه من الزجيه  مكسره الآضلاع
بحسره ونوح تكضي، ليلها باوجاع
غاب النور مــنها تغيرت الاوضـاع

گولـــی لیامصـــیبه حــایره  انعيلچ

✍خادمة الزهراء // ليلى زغيب
⊰᯽⊱┈──╌❊╌──┈⊰᯽⊱

مصـابج والضلع ميفارك احساسي
ويا صورة عصرتج راسخه براسي
او يا لوعة احزانج مالــيه انفاســي

وعيون الگـلب بالحسره تبجـيلج

✍أزهار جبار الجياشي
⊰᯽⊱┈──╌❊╌──┈⊰᯽⊱

تبجــيلج  بقـــت لا ماتهـــيد  اللــيل
ودمعاتي المصابج يالحنينه اتسيل
يا زهــرة  محمد هدميتــي   الحيل

كلنه أبصوت صحنه فاطمه ادخيلج

✍🏻 وخادمه اباالفضل غدير الباهلي
⊰᯽⊱┈──╌❊╌──┈⊰᯽⊱

مجــروح الگلب وجروحه ما طابت
وعلى مصــابچ  سهم بالــعين نابــت
يحــــره اعلـــيچ هاي الروح شــــابت

بنص روحــي مأتم دوم ســـويلــج

✍مــــريم الحجيمي
⊰᯽⊱┈──╌❊╌──┈⊰᯽⊱

بروحي  مأتمـــج  تـــتلاهب الجــمره
ما ننســه  مصابج  والله يا الزهـــــره
لابــو  صــــالح  دعانا  يعجل  بامــره

ياخــــذ  ثارج  وگــــــبه  يسويلــــج

✍ ام زيد. الهلالي
⊰᯽⊱┈──╌❊╌──┈⊰᯽⊱

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
الشاعره  فرح الدره الفاطمیه

نسألكم الدعاء
بتعجيل الفرج لصاحب الزمان (( ع))
https://t.center/ssrgk

شاهد ابداع الشاعر كامل السعيدي


https://t.center/kamelAbdullah

(كروب خاص بالقرأن كذلك يوجد قناة خاصة بتعليم القرأن الكريم)
https://t.center/ayaaa2585

ملازم ورد جاهزة لجميع المواد للمعلميين والمدرسين.


https://t.center/ahmed_alziwar14

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://t.center/Alsaidyh

نزله للعباس عليه السلام


خيم الليل تعال الحالي
مو وكت نوم يسور العالي
__

جلچل اليل يشيال العلم
كلبي بحزان يعباس انردم
جدمي بالنار اخبرك ماسلم

ابفكدك العيش فلا يحلالي
_

ويايه اطفال تلوع من الضمه
وانه بحماك اجيت معلمه
انهض وكوم ابداعت فاطمه

وين طولك يابن ابوي الغالي

_

شيب الراس مصابك ياكمر
جفك لوين يبو الغيره انشمر
مدمع العين يعباس استمر

محد اليوم بكه يبرالي
_

اطفال بالظيم كاتلها الرعب
تسكن بهيم ولمدمع يصب
ترضه اعداك ولتنه بالظرب

بكربله شوف تضيع امالي


نوحي جتال عله جسم الغريب
مدمي لحسين يعباس وسليب
يذبح الروح بعد فگد الحبيب

جاتل احسين يچول اكبالي
_

اصد ولعين تحير المن تصد
بم عصمي احبال اعدكم تشد
منهو للكوم ياخويه يرد

اسحك النار وجمر بذيالي
_

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742

حماسيه مربوعه لمسلم ع

وزن الموشح
..............................

گـوم يا عـبـاس شـد اعله الـمهر
وشوف مسلم وحده ابعز الضهر

..............................

ابــن عــمـك يالـگـمـر مـثــلـوا بـيـه
انرمه من فوگ القصر مچتوفه اديه
گـوم شـد اعله الـمهر والـحگ عليه

واخـذ كل اولاد عـمـه ابـو طهر

بقلم خادمة آل البيت ع

..............................

گوم شـــــــد اعنانها يابا الفضل
استوحدو مسلم و جرو بالحــبل
ضـلت عيونه على حسـينه تهل

يدري بالمظلوم مثله  ينغدر

ام عــــــ✍🏻ــــــلي البابلي

..............................

گوم يا ریسان ولحگ عالوحید
مسلم ابکوفان هل اصبح شهید
گطعوا جسمه الکفر وبأيده گید

او من علی قصر الاماره ینشمر

خادمة اهل البيت عليهم السلام العلويه ام سيد مهدي الموسوي

..............................

وسفه مسلم ينشمر فوك الترب

مثل اخو حسين ما ضاك العذب

ويلي اهل كوفان گطعوله الدرب

باچر من الله واشلون العذر

ام ✍🏻زين العابدين لمحمداويه

..............................

وحدة بديار الغرب ماكو اخوته
مسلم الكوفه. ابد.. ما رحمتة
بس بكت طوعة تنادي النصرتة

كوم يا عباس ابد لا تعتذر

✍🏻الشاعره مريم العبوديه اسيرة الاحزان 💔

..............................

ابسوگ ليش الحيد سحبوا جثته
شـيـل عـن حـر الـتـرايـب جـثته
والـغريـب ايريد فزعه امن اخوته


افزع المسلم يل ابگصتك نهر

خادمة آل البيت

..............................

(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 2/ محرم1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://t.center/ttrre

‏❨﷽❩┈‏​‏​‏​‏​​‏•‏​‏​​‏قصيده للعليله ع┈┈•✬​

ذبلت بالمرض والفاجعه اغصاني
لا عندي اهل لا ظلت اخواني
        ـ•┈┈┈••✦✿✦••┈┈┈•ـ
يمرني الليل بس ليل الهجر مرعب
بأصابع ايدي ليام الحزن احسب
بحياطين الهجر دمعة حزن اكتب
چا ليش الابو بهالحاله خلاني
ذبلت بالمرض والفاجعة اغصاني
        ـ•┈┈┈••✦✿✦••┈┈┈•ـ
نوايب طافت ابروحي وتهد حيلي
من فركة هلي لامانمت ليلي
صحت يحسين بويه وينك احجيلي
مو  انه العليله اشلون تنساني
ذبلت بالمرض ولفاجعه احزاني
        ـ•┈┈┈••✦✿✦••┈┈┈•ـ
اتلفت يجون ومحد ايمرني
وغربيل الحزن بجفوفه غربلني
ابطريج الضيم عاصف لوعتي ايهزني
لا صبر البگالي ودفع احزاني
ذبلت بالمرض ولفاجعه احزاني
        ـ•┈┈┈••✦✿✦••┈┈┈•ـ
عالحيطان خطة دمعت العينين
اون بحسرتي وانده يبويه حسين
عفتوني عليله انطي الوجه لاوين
احسنه الهجر جن سهم صاباني
ذبلت بالمرض ولفاجعه اخزاني
        ـ•┈┈┈••✦✿✦••┈┈┈•ـ
بركان الحزن يحرگ حرگ بيه
شلي ابروحي بعدك ياهوه لريه
ماغمض جفنهه العين  ليليه
جواني الهجر ولمرض هداني
ذبلت بالمرض ولفاجعه احزاني
        ـ•┈┈┈••✦✿✦••┈┈┈•ـ
وركه وبالغصن وتريد كطرة ماي
هذا الحال بعدك ياضوه عيناي
اطلبك بالمحنه وذاك بويه ارباي
عود وطفي بويه احزان اشجاني
ذبلت بالمرض ولفاجعه احزاني
        ـ•┈┈┈••✦✿✦••┈┈┈•ـ.
تمت بعون الله تعالى*
✍🏻الشاعره مريم العبوديه اسيرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://t.center/gddaogt

قصيده لسان حال السيده فاطمه العليله عليه السلام
~~~

اشوبح للضعن وعيوني تدمع
كلبي عالاهل ويلي تگطع
★☆★☆★☆★☆★★☆★☆★☆★
مايفغة الچفن لا نام ليلة
عفتوني وسف واني عليلة
تره غير الدمع ماكو وسيلة
ظعنهم ما اظن للدار يرجع

✍️الشاعره مريم العبوديه اسيرة الاحزان 💔
★☆★☆★☆★☆★★☆★☆★
بعيدين الاهل صارو عليه
وانه الوحدي وصفك بديه
جفه راعي الكلافه اشعمل بيه
يوالي غيبتك بالكلب تفجع
ام✍🏻 زين العابدين لمحمداويه
★☆★☆★☆★☆★★☆★☆★
انه والدار ضلينه حزانه
من شال الابو اوما اجانه
يدهري امنت عدك امانه
ابويه وخوتي المرسالي تسمع

ام ✍🏻رحمه الگاظميه
★☆★☆★☆★☆★★☆★☆★
فاجعني غيابه وگلبي مكسور
ودمعي على الابو يصب منثور
ظلمه بعد عينك خاليه الدور
نهر اعله الولي ينزل  المدمع

✍ام مرتضى الخزرجي
★☆★☆★☆★☆★★☆★☆
بُعدكم ياهلي هدالي حيلي
يخنكني الهوه لو لفه ليلي
سيلي من دمه يدموعي سيلي
آبشوفتكم ردت دلالي يهجع

✍🏻آلّشآعرهً آلــــّعــلّويِـــه آلّمٌوسويِــــۿ
★☆★☆★☆★☆★★☆★☆★
بس شال الظعن وكل الاحباب
عليهم  احزنت اوگلبي انعاب
اظلم ظل نزلهم وطابك الباب

ريت حسين من سفرته يرجع
✍🏻ام سجاد الشهيد
★☆★☆★☆★☆★★☆★☆★
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه



https://t.center/z_zaynabb

تجليبه لليلة الحادي عشر
................................
اشوف الليل دهلم والاهل نومه
طفت ذيج الحرب بس ناري مضرومه

................................
بگلبي اتشب ضوارم من يطفيها
وخواني السيوف اتطعمت بيها
تلفيها المصايب حگها تلفيها

من شوفتهم اگضي العمر محرومه

✍️الشاعره مريم العبوديه اسيرة الاحزان 💔

................................
محرومه وتضل بگليبي الف ونه
على الراحو بعيد وغربوا عنه
انه بعازت الوالي وريدنه

بعيده اديارهم والطرق ملزومه

✍️ ام احمد الهاشمي

................................
هنومه يخويه عذبت حالي
اضل طول العمر لمصاب يبرالي
وبعيني صفت سودات اليالي

كل وكتي اصيح احسين يايومه

ام ✍🏻زين العابدين لمحمداويه

................................
ياونه الترد حسين واخوانه
تره سهم النوايب حاد  نيشانه
حرت عگب الولي چا وين ملفانه
اصدن للحرم   والروح مهمومه
ام علي البابلي

................................

مهمومه ودور بالحرب عنكم
يا ريحت هلي چا وين احصلکم
اعثر بالجثث واتنخه احشمکم

جثثكم عالتراب اليكتل اسمومه

خادمة اهل البيت عليهم السلام العلويه ام سيد مهدي الموسوي
................................
اشوو چنكم نيستوو يخوتي العشره
بين طفال زينب تضل متحيره
تريد الماي وحسين نگطع نحره
وعباس الشفيه الهامة مهشومه
ام وليــ✍️ـد الموسوي

................................

عذبني هدعش ليله ابالف ليله
نيام اخوتي وعزمي ضعف حيله
وشل ماي راسي او نگع الشيله

عالضلوا ضحايه ابخطت الحومه

خادمة آل البيت ع

ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /12/   شوال / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة





https://t.center/z_zaynabb