کیانی ب:
#وژدون گِل گِلی دَس و یخه موئما و گرد وژدون وِژِم
شک دیرِم اَر آیم بییِن ،ار دین و ار ایمون وِژِم
وختی کِه موینِم مِه هومسا مِه سَری بی شوم بِنی
شرمِمَه مای کِه دِلم خوش کَم و آو و نون وِژِم
وختی موینِم کِه کَسی اِ دَس پَتی گیونالِکَه
حاضِرم کِه دَس بِشورِم اژ زِنی و گیون وِژِم
یِه بلاجویی چییَلمی دییَه اَژ خلقِ خدا
کِه لَخَه سام کِردییَه دِیَر عقلِ سَر گردون وِژِم
وختی موینِم کِه ولاتی طوطییِن گپ خوعه مِیَن
وَ کُچِک وِژدون فِرَه مِیَم طوطی اِ لُوء بون وِژم
وختی یِه گِر و کِلاشِ شِر فقیری پا مَنِم
و گِتی اَژ جنسِ وِژدون مُویرِنِم دَم زون وِژِم
تف بو اَر وِژدونِ نا پاکِ بِری کِه یِسِرَه
چُوی مَلیچِک هر فقط موشِن بِرَسی دون وِژِم
وختی موینِم یِه ژنی دامونی پِر اِ خیرته
دَرد سنگینی چَن گرین حِسه مِهَم اشر شون وِژِم
وختی موینِم کِه اِ دور میدونِ شهری ژن پِرَه
گِر اِ نوم سَرمَه مچو تف ماجِم اَر دامون وِژم
وختی کِه دَسِ خیالِم مَنِمِه ژیر سَر وِسی
ایگِه موشلم هَنی لَعنت بو ار وِژدون وِژِم
#مهدی_کیانی_برخوردارنشین @mehdikianibarkhordari
