(اه يادمعة رقيه) نشر قصائد+ تلحين

الى سيد الجنوب
السيد الشهيد  ( حسن نصر الله  ) اعلى الله مقامه

----------------------------------------

الله  وياك  نصر الله ويه الحسين

------------------------------------------

يبن  الزهره    يا  ليث   الميادين
يمخلي   العراق  ينوح   صوبين
يا كسرة   ظهرنه   ولچمة  البين
بچينه اعليك  يمحلي  الدواوين


وسفه تموت  يا حيد
ولچمة روحنه   تزيد

يا سيد  حسن     يلتارس   العين
الله وياك  نصر  الله ويه الحسين

--------------------------------------------


وياك     الممات       انريد     وياك
هاك  ارواحنه وبس رد عدل   هاك
يا  وسفه    التراب   شلون   غطاك
الكسر  ظهر   اليهود    اتمدد  هناك

جوه  اتراب  مدفون
تعمى اعليك العيون
  
ما  نهوى   الحياة    وياك      ماشين
الله  وياك   نصر  الله  ويه  الحسين

----------------------------------------


كون   الزين  يبقى   هواي  وهواي
حسن يا  مرهب   العدوان    بهداي
مو  وكت  الگبر    يا صاحب  الراي
هاي  التعمي  عين   الرادتك   هاي 

بيك  شباقي  معروف ؟
ما  حصلنه   الچفوف

لا   ظل   خنصرك    وندفنه  بعدين   
الله  وياك  نصر  الله   ويه الحسين


--------------------------------------------


هونك  يا   عجيد   الناس   الاثگال
تاني  شيوخ   ذبو    حتى  الاعگال
صدگ  هاي  النهيبه  اتهد   الجبال  
چتال    الخبر      مولانه      چتال

مثلك   وين   موجود
يحرگه بصدر  الجنود

يغيرة   كل فدائي   وناصر       الدين
الله  وياك     نصر الله    ويه الحسين

-------------------------------------


يا  محله   اللطم  عليسوى  محلاه
ندگ اصدورنه   اعله الزين  طرواه
مات  الچان  حلم    اعمارنا    وياه
نشيعه  بصوت   خالد يا   حسيناه


شهيد  وفايز   هناك
ربك   هيچ      علاك

يقربان    الامامه   وعاشگ   حسين 
الله  وياك  نصر  الله   ويه الحسين



تمت  -- رعد الفريجي
29/ ايلول / 2024

https://telegram.me/aabas78
قصائد لكل ايام محرم اشترك بالقناة

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://t.me/+ta8JrNDdU6UzMGJi

خل اشبع بواجي اعليج يماي

😭😭😭💔💔واويلاه

يافاطمة الزهراء

للامام الحسين عليه السلام
لطميه فزاعي اجنوبي


آه ياونت العطشان ..ماونه التجاديها
توجع حيل تاذي لگلب راعيها

⬛⬛⬛⬛⬛⬛

ياونت حسين الهدمت حيلي
اريدن ناعيه تكعد وتنعيلي
وأكله عليك خويه مانمت ليلي
اختك تنسبي ترضى تخليها

⬛⬛⬛⬛⬛⬛

تخليني ودموعي دوم مجريه
اروح اشلون ميسوره لبني اميه
اشباه الزلم تتمرجل عليه
بتك ياعلي عال الدهر بيها

أم حسين الابراهيميه ناصرية

⬛⬛⬛⬛⬛⬛

عال الدهر بيها ياعلي زينب
عكب حسين بالنسوان تتعذب
من كاس الدهر مر وهظم تشرب
عگب خوانها هالگوم. توليها

خادمة اهل البيت ام ابراهيم الحلفي
⬛⬛⬛⬛⬛⬛

وحدی یخویه العده تولونی
سبونی يالحنين  وما يرحمونی
ابوسجاد عگبک حيل  اذونی
ومن بعد الاخوه الگوم سابیها

ام علی باپیروند ✍️
⬛⬛⬛⬛⬛⬛

من ضيم الدهر ونيت بالحسره
من خواني يحرمني الدهر فكره
موته والجثث عالگاع مطشره
اخوي عيوني  ابو السجاد عاميها

ام علي البيضانيه
⬛⬛⬛⬛⬛⬛

بتك ياعلي راحت اويه العدوان
ولياها بكو نومه عله التربان
بس اعليل وياها وجمع نسوان
والتبجي  العده يسبون اهليها

ام عدنان الحلفي
⬛⬛⬛⬛⬛⬛

تمت بفضل الله وعونه بأقلام خادمات الحسين في رابطة خدام أم الحسن غير مبري الذمه من يحذف الاسماء أو

ابو اذيه الامام المهدي عجل الله تعالى فرجه

چم جمعه عله هجرك تدري مرن
وچوني واتركن بالروح  مرين
ارياگي ابغيبتك مولاي. مـرن
متى يحلن وهجرك. نار بيه

ام ابراهيم الحلفي

نعي لسيدتي ومولاتي فاطمة الزهراء عليها السلام
يصلح لسابع الأم

امسه المسه. وتــذكريـتج
فرشت فراشنه وتنطريتج
ماجتـني كلت وتفـكديتج
😭😭😭
بالباب كعدت ونطرتجيني
يوميه العصر يمه تـمريني
يالوالده ويــامـاي عــينــي
😭😭😭
يوميه العصر ليه تسيرين
وعن حــالي يايمه تـسالين
ماضنيت هالسرعه تشيلين
😭😭😭
شفجه يايمه خذيني وياج
مااتحـمله يذبحـني فـرگاج
شلـتي وبـعد جاوين نلكاج
😭😭😭
حـيلـي رگـد مـن فـاركـتـها
سـبع تــيام مانـي شايـفتها
والـروح لحبــيـبه شـتهـتـها
😭😭😭😭😭
روحي  مشـتـهيه الـحـنـينه
سكـنت مكبره ومـاتردلـينـه
بالجــن بلحلم لنها تــجيــنه
😭😭😭😭😭
مريـنــه لــومـره بــالاحـلام
يالفارگيـــتينه سبـــع تــيـام
جرح الوالده هيــهات يـلتام
😭😭😭😭😭
اشـم ريحــتــج وانـتي بلباب
يــفرگاج بعــــضـامي لــهاب
عيوني عمن والراس شـــاب
😭😭😭😭😭
بفـــــراكها ضـيم الكـلب زاد
لافـــاده دوه ولافـاده ظـماد
بحضـن المحـنه ينام مـعتاد
😭😭😭😭😭
يمــه ياام ضحـكت الـحلوه
غيره لوالـده كلبـي مايهــوه
يحن لشــوفها وباليني بـلـوه
😭😭😭😭😭😭
لوضاك الخلك لامنه انتعنه
مانلـگا بـــعدحضن المــحنه
تبعنه البين وعلـــيها لحگنه
😭😭😭😭😭😭
مريضـــه وراسي وجـعني
وفركاج يحبيبه ضـــهدني
والبين عني امي بـعـــدني
😭😭😭😭😭😭
ونيـــت وصـــح اخ راسـي
من دموعي تــبلل فــراشي
وعله امي نگطـعن انفاسي
😭😭😭😭😭😭
مافــــادنـي شد الغـــرَيـــبه
بس شـدج ييمه الي يطيبه
انه منين اجيبنج يلــحبيبه
😭😭😭😭😭😭
لاصحـلي طبيب اليـــداويني
بس انتي الدوه يالفاركيتيني
بس شوفـتج يمه تـــشــفيـني
😭😭😭😭😭😭😭
✍️العلويه ام علي الشرع(البصره)
نسألكم الدعاء الفاتحه والرحمه على روح المرحوم والدي
اللهم صل على محمد وآل محمد

‏مقطع صوتي من السيد

قصيدة شلون انساج يايمه
بصوت : سيد فاقد الموسوي
__
انه ابكلبي جبيره النار .. بس ياهو اليطفيها
الناس اتگول ما ملت .. أمي وانحب اعليها

اشلون انساچ يايمه .. صعب فركاچ يايمه ..


اصيح ابدمعي يا هالناس .. بطلوا لا تلوموني
مثل حنية أمي ابيوم .. ابد ماشافت اعيوني
من كسروا ضلعها الگوم .. آنه ايتيمة خلوني

ابغير أمها اليتيمه اشلون چا ياهو اليباريها

اشلون انساچ يايمه .. صعب فركاچ يايمه ..
____

چنت من اگعد ويه امي .. عن الطف تسولفلي
وحدچ زينب اتظلين .. عگب اخوانچ اتگلي
لا آنه وابوچ اوياچ .. صبري يمه واتــحملي

اصبرها وتصبرني وأظل ابچي البــواچيها

اشلون انساچ يايمه .. صعب فركاچ يايمه ..
____

إذا نشدها عن محسن .. اتگلي ابداعة اعيونچ
يـزينب لا تهيجيني .. يلچموني اويلچمونچ
تعال اتوادعي وياه .. منه لا يحرمونچ

اديها عليه تحطهن چان عنه امن أرد أحاچيها

اشلون انساچ يايمه .. صعب فركاچ يايمه ..
____

يا ناس اشحلاة البت .. من اتعيش ويه امها
تشعر بالدفو وترتاح .. إذا بحضينها اتضمها
چا ليش الدهر ياناس .. طفله امن امها حارمها

تظل بالدار بس تنعه تبچيها ابنواعيها

اشلون انساچ يايمه .. صعب فركاچ يايمه ..
____

البنيه ابعرسها الزوم .. ياناس امها وياها
ليش امن ابچي مايرضون .. وأمي فاجـده اضواها
انه الطفله الهضمها البين .. وبكل حيله طگاها

ويجيك الما عرف زينب .. يگول اشبيها مابيها

اشلون انساچ يايمه .. صعب فركاچ يايمه ..
____

اشلون انسه حچيها اوياي .. گعدتها وسوالفها
رغم چان الگلب چانون .. والضحك ابشفايفها
اليگلي من البچي بسچ .. يريت اوياي شايفها

بعد العصرة بيها اشصار يموت الي يصد ليها

اشلون انساچ يايمه .. صعب فركاچ يايمه ..
____

چنت وي والدي امن أمشي .. واخوتي امن ازورنها
أصيح اعله الگبر يمه .. وما جاوبني بس ونها
احنينه امي وأگولن ليش .. تسمع صوتي ماچنها

دفنوها المحنة اوصار تراب الگبر غاطيها
____
اشلون انساج يا يمه مكتوبة
شلون انساج يا يمة