براعم وعجلت إليك ربِّ لترضي
#الحلقة_1
Канал
1,12 тыс.
подписчиков
1,06 тыс.
фото
17
видео
60
ссылок
أكاديمية وعجلت إليك ربّ لترضي
📮🌨🌿
من أهمل تعليم ولده ما ينفعه وتركه سدى؛ فقد أساء إليه غاية الإساءة، وأكثر الأولاد إنما جاء فسادُهم من قبَل الآباء وإهمالهم لهم، وترك تعليمهم فرائضَ الدين وسننه، فأضاعوهم صغاراً، فلم ينتفعوا بأنفسهم، ولم ينفعوا آباءَهم
السلام عليكم ورحمة الله وبركاته
حبايبي في كل مكان
اهلا بيكم معانا في اول حلقة من حلقات رمضان
وهنتكلم ياولاد طول الشهر عن حاجة مهمة جدا جدا
بس الاول هحكلكم قصة صغيرة خالص
دلوقتي في تاجر كبير اوي اوي اسمه عم حسن ... عم حسن عنده محل عظيم اوي...فكان يصحى كل يوم بدري يشتغل ويشتغل ويشتغل ويجمع في فلوس كتير اوي
ياخد الفلوس دي اللي تعب فيها اوي ويحطهم في المحل بتاعه واخر اليوم يسيب المحل مفتوح ويروح ينام في بيته!!
يجي تاني يوم الصبح عم حسن يلاقي المحل فاضي مفيهوش ولا مليم ... يشتغل تاني وتاني وتاني ويملى المحل فلوس ويسيبه مفتوح ويروح ينام في بيته وطبعا تاني يوم يرجع ميلاقيش بردوا ولا مليم!!
ايه رايكم في صاحبنا عم حسن دا؟؟
هل هيقدر في يوم من الايام وهو بيعمل كدة يبقى غني؟
هل هو زكي كفاية انه يحافظ على فلوسه وثروته؟
طبعا مش هيعرف ابدا لانه فاكر انه المفروض يشتغل فقط ومبسوط انه جاب فلوس
بس للاسف متعلمش ازاي يحافظ على الفلوس دي
وكان ممكن بشوية حاجات تانية يعملها يقدر يحافظ على فلوسه ويكترها كمان وكمان
طب اقولكم حاجة .. تصدقوا اننا ساعات كتير اوي اوي بنعمل زي عم حسن دا واحنا مش واخدين بالنا!!
رسولنا صلى الله عليه وسلم سال اصحابه مرة قالهم تعرفوا مين المُفلس؟؟
قالوله المفلس اللي معندوش اي فلوس
فالرسول رد عليهم وقالهم ان المفلس الحقيقي اللي هايجي يوم القيامة ومعاه حسنات كتير جمعها من الصلاة والصيام والزكاة! لكنه شتم دا وضرب دا وسرق دا وآذى دا .. فيفضل يوزع عليهم حسناته علشان يرضيهم ويصالحهم لانه ظلمهم في الدنيا .. ولو خلصت حسناته ولسة في ناس ليها حق عنده هياخد هو من سيئاتهم
يعني يجي يوم القيامة معاه مثلا مليون حسنة وألف سيئة ... بعد ما يتحاسب يلاقي نفسه مش معاه ولا حسنة وبقى معاه مليون سيئة!!
طب ازاي؟؟
علشان هو في حياته كان فاكر انه لو صلى وصام كدة خلاص هو من اهل الجنة ومفيش حاجة عليه تاني!
كان فاكر انه علشان حفظ كام آيه وصلى في المسجد ولبست هي الايشارب خلاص ضمنوا الجنة
ونسيوا حاجة مهمة جدا جدا .. نسيوا الحاجة اللي هيحافظوا بيها على صلاتهم وعبادتهم وحسانتهم
ايه ترى ايه هي الحاجة دي؟
ربنا دايما بيقول الذين امنوا وعملوا الصالحات
يعني لازم لازم لازم مع الايمان والصلاة والصوم يكون في اعمال صالحة ... يكون في حسن خلق
انتوا عارفين لو جبنا تلجة وحطناها في ماية هيحصلها ايه؟ هتدوب بسرعة جدا
اهو رسولنا صلى الله عليه وسلم قال حسن الخلق بيدوب الذنوب زي بالظبط ما الماية بتدوب التلج
لا ومش بس كدة... دا الاخلاق الوحشة بتبوظ اعمالنا الحلوة اللي بنعملها زي بالظبط اما نحط خل على العسل
هل هنقدر ناكل عسل عليه خل؟؟ طبعا منقدرش لان الخل بيبوظه
طب العمل ايه دلوقتي .. هل هنفضل زي عم حسن التاجر دا نفضل كل يوم نجمع في حسنات من صلاة وصيام ونيجي يوم القيامة نضيعها كلها على الناس اللي بنعاملها باخلاق وحشة وبناذيهم وبنظلمهم؟؟
ولا هنبقى مسلمين بجد صالحين مصلحين وبدل ما عندنا مليون حسنة هيبقى عندى تريليون حسنة!
طب هسالكم سؤال تاني
هل ربنا ارسل الرسول علشان يعلمنا الصلاة والصوم بس؟؟
هل ربنا ارسل الرسول علشان يصلح علاقتنا بربنا بس؟؟
لا ياولاد مش هو دا بس السبب
ربنا ارسل الرسل علشان المجتمع كله يبقى سعيد
ربنا ارسل الرسل علشان الناس تعيش في عدل وامن وقوة وعزة
البلاد والعباد هتعيش سعيدة مطمئنة اما نكون احنا فعلا مسلمين بجد اخلاقنا زي اخلاق الرسول اللي قال انما بعثت لاتمم مكارم الاخلاق
يعني الرسول بيقول ان ربنا ارسله علشان يكمل الاخلاق الحسنة للناس ويبعد عنهم بتعليمه الاخلاق السيئة
نفهم من كل دا ايه؟
نفهم ان الخلق الحسن مهم جدا جدا وانه هو دا الدين
الدين مش صلاة وصوم وبس
الدين حياة ياولاد
الدين دا يعني صلاة وصوم وعلاقة حسنة مع ربنا
الدين يعني خلق حسن ورحمة وعدل وعلاقة حسنة مع كل الناس
مينفعش افصل ما بينهم واقول انا هعمل حاجة واحدة بس
انا هصلي بس ومش هعامل الناس كويس
او اقول انا انسان كويس جدا وبعامل الناس حلو وقلبي ابيض بس مش هصلي ولا هصوم
لازم ياولاد ناخد الدين كله على بعضه
هنصلي وهنحسن اخلاقنا
وهنقف هنا النهاردة وهنكمل معاكم باقي كلامنا المرة الجاية
بس قبل ما امشي عايزاكم تبعتولي على الجروب تعرفوني بيكم وتعرفوني مين ناوي يتابع معانا طول الشهر ان شاء الله
#الحلقة_1
#لأتمم_مكارم_الاخلاق
حبايبي في كل مكان
اهلا بيكم معانا في اول حلقة من حلقات رمضان
وهنتكلم ياولاد طول الشهر عن حاجة مهمة جدا جدا
بس الاول هحكلكم قصة صغيرة خالص
دلوقتي في تاجر كبير اوي اوي اسمه عم حسن ... عم حسن عنده محل عظيم اوي...فكان يصحى كل يوم بدري يشتغل ويشتغل ويشتغل ويجمع في فلوس كتير اوي
ياخد الفلوس دي اللي تعب فيها اوي ويحطهم في المحل بتاعه واخر اليوم يسيب المحل مفتوح ويروح ينام في بيته!!
يجي تاني يوم الصبح عم حسن يلاقي المحل فاضي مفيهوش ولا مليم ... يشتغل تاني وتاني وتاني ويملى المحل فلوس ويسيبه مفتوح ويروح ينام في بيته وطبعا تاني يوم يرجع ميلاقيش بردوا ولا مليم!!
ايه رايكم في صاحبنا عم حسن دا؟؟
هل هيقدر في يوم من الايام وهو بيعمل كدة يبقى غني؟
هل هو زكي كفاية انه يحافظ على فلوسه وثروته؟
طبعا مش هيعرف ابدا لانه فاكر انه المفروض يشتغل فقط ومبسوط انه جاب فلوس
بس للاسف متعلمش ازاي يحافظ على الفلوس دي
وكان ممكن بشوية حاجات تانية يعملها يقدر يحافظ على فلوسه ويكترها كمان وكمان
طب اقولكم حاجة .. تصدقوا اننا ساعات كتير اوي اوي بنعمل زي عم حسن دا واحنا مش واخدين بالنا!!
رسولنا صلى الله عليه وسلم سال اصحابه مرة قالهم تعرفوا مين المُفلس؟؟
قالوله المفلس اللي معندوش اي فلوس
فالرسول رد عليهم وقالهم ان المفلس الحقيقي اللي هايجي يوم القيامة ومعاه حسنات كتير جمعها من الصلاة والصيام والزكاة! لكنه شتم دا وضرب دا وسرق دا وآذى دا .. فيفضل يوزع عليهم حسناته علشان يرضيهم ويصالحهم لانه ظلمهم في الدنيا .. ولو خلصت حسناته ولسة في ناس ليها حق عنده هياخد هو من سيئاتهم
يعني يجي يوم القيامة معاه مثلا مليون حسنة وألف سيئة ... بعد ما يتحاسب يلاقي نفسه مش معاه ولا حسنة وبقى معاه مليون سيئة!!
طب ازاي؟؟
علشان هو في حياته كان فاكر انه لو صلى وصام كدة خلاص هو من اهل الجنة ومفيش حاجة عليه تاني!
كان فاكر انه علشان حفظ كام آيه وصلى في المسجد ولبست هي الايشارب خلاص ضمنوا الجنة
ونسيوا حاجة مهمة جدا جدا .. نسيوا الحاجة اللي هيحافظوا بيها على صلاتهم وعبادتهم وحسانتهم
ايه ترى ايه هي الحاجة دي؟
ربنا دايما بيقول الذين امنوا وعملوا الصالحات
يعني لازم لازم لازم مع الايمان والصلاة والصوم يكون في اعمال صالحة ... يكون في حسن خلق
انتوا عارفين لو جبنا تلجة وحطناها في ماية هيحصلها ايه؟ هتدوب بسرعة جدا
اهو رسولنا صلى الله عليه وسلم قال حسن الخلق بيدوب الذنوب زي بالظبط ما الماية بتدوب التلج
لا ومش بس كدة... دا الاخلاق الوحشة بتبوظ اعمالنا الحلوة اللي بنعملها زي بالظبط اما نحط خل على العسل
هل هنقدر ناكل عسل عليه خل؟؟ طبعا منقدرش لان الخل بيبوظه
طب العمل ايه دلوقتي .. هل هنفضل زي عم حسن التاجر دا نفضل كل يوم نجمع في حسنات من صلاة وصيام ونيجي يوم القيامة نضيعها كلها على الناس اللي بنعاملها باخلاق وحشة وبناذيهم وبنظلمهم؟؟
ولا هنبقى مسلمين بجد صالحين مصلحين وبدل ما عندنا مليون حسنة هيبقى عندى تريليون حسنة!
طب هسالكم سؤال تاني
هل ربنا ارسل الرسول علشان يعلمنا الصلاة والصوم بس؟؟
هل ربنا ارسل الرسول علشان يصلح علاقتنا بربنا بس؟؟
لا ياولاد مش هو دا بس السبب
ربنا ارسل الرسل علشان المجتمع كله يبقى سعيد
ربنا ارسل الرسل علشان الناس تعيش في عدل وامن وقوة وعزة
البلاد والعباد هتعيش سعيدة مطمئنة اما نكون احنا فعلا مسلمين بجد اخلاقنا زي اخلاق الرسول اللي قال انما بعثت لاتمم مكارم الاخلاق
يعني الرسول بيقول ان ربنا ارسله علشان يكمل الاخلاق الحسنة للناس ويبعد عنهم بتعليمه الاخلاق السيئة
نفهم من كل دا ايه؟
نفهم ان الخلق الحسن مهم جدا جدا وانه هو دا الدين
الدين مش صلاة وصوم وبس
الدين حياة ياولاد
الدين دا يعني صلاة وصوم وعلاقة حسنة مع ربنا
الدين يعني خلق حسن ورحمة وعدل وعلاقة حسنة مع كل الناس
مينفعش افصل ما بينهم واقول انا هعمل حاجة واحدة بس
انا هصلي بس ومش هعامل الناس كويس
او اقول انا انسان كويس جدا وبعامل الناس حلو وقلبي ابيض بس مش هصلي ولا هصوم
لازم ياولاد ناخد الدين كله على بعضه
هنصلي وهنحسن اخلاقنا
وهنقف هنا النهاردة وهنكمل معاكم باقي كلامنا المرة الجاية
بس قبل ما امشي عايزاكم تبعتولي على الجروب تعرفوني بيكم وتعرفوني مين ناوي يتابع معانا طول الشهر ان شاء الله
#الحلقة_1
#لأتمم_مكارم_الاخلاق