بوسون دوبیتی (رحمان مریدی بیرانوند)

یَک دِ برج شیش سال چارصد
تازه ساعت دِ دوازَه کِردَه رَد

سَر کَشیمَه دِ مجازی سی خَوَر
سی گِری خاپورَه خو بی دَردِسَر

چی همیشه، سَر دِ گوشی ، نیمه خاو
سَر کَشیمَه دی مجازی بی حساو

تَک وِ تَک کانال گَردِم دَر وِ دَر
تا بئیرم دِ دَر و هُمسا خَوَر

تا کِه بینِم کی عروسی کردَه ، یا
کی مسافر بیَه ها یا وا دِما

بَشنوئِم کی سیش کُری اوما وِ دی
دُختری دِ دودِمو کی کِردَه شی

ها مِنی گَردِم کومی هُمسا دِ نو
دارَه ایمشو شونشینی چلسرو

خَتِنَه سیرونِ کُر کی ایمشوئَه
سی کُرِش کی ها وِ کیخایی روئَه

هر چی گَردِم نی دِ هیچ آبادیِی
رِم رَمِ ساز و دُهیلی ، شادیی

نی دِ بازی دختروکِه تازَه رَس
رِم رَم پا کُر جهالو پُرهَوَس

کَدخدائی نی کِه وا سنگین سِما
دس و دَسمالِش بوئه ری وا خدا

چی زمونِ زیتری خوش نی دِلی
بَزِنَه سی پابِئی هُمسا کِلی

وِشمی ایفتائَه گِرِت دنیا دِ وَر
حونَه وِ حونَه زِنَن سازِ چَمَر

مَردِمِن کِردَه هوائی بی قرار
رستم زالن بِرَه تا بُن مِزار

رَتنه دِ یادِ مردم شادیا
پیچِسَه بو مُردِه دِ آبادیا

#رحمـــان_مــــریدی

@boosondobeyti

با شیوه ی کاملا مباح از فردا
تنفیذ مقام ذی صلاح از فردا

پایان شود آن دولت ماضی ، بی شک
بر تخت نشیند این جناح از فردا

به مناسبت حکم تنفیذ رییس جمهور جدید و با آرزوی توفیق برای ایشان و بهروزی برای ملت بزرگ ایران
یازدهم مرداد ۱۴۰۰


#رحمـــان_مــــریدی

@boosondobeyti