❌7️⃣ أخطاء بتمنعك تكوني أنثى عالية القيمة"high profile "❌ عمرك حسيتي إنك بتبذلي مجهود كبير وبتعاملي الناس كويس أووي ومع ذلك مش بتحسي بالتقدير اللي تستحقيه؟ عمرك شوفتي أنثى عادية جدا وبتبذل ربع مجهودك ومع ذلك واخدة اهتمام كل اللي حواليها؟ دا بسبب إنك عندك بعض الأخطاء بتصدر منك من غير ماتاخدي بالك بتأثر على قيمتك قدام الناس لو انتي فعلا بتعاني من المشكلة دي في البوست ده هكلمك عن أهم 7️⃣ أخطاء بيمنعوكي إنك تكوني أنثى high profile اللي كل الناس بتتمنى إنها تتكلم معاها وتهتم بيها 1️⃣الكلام الكتير والثرثرة الكلام الكتير بدون هدف بيقلل من هيبتك مشاركتك لأحداث حياتك ع الفاضي والمليان مش بتخللي اي فرص للي قدامك إنه يستكشفك أو يكون عنده فضول يعرف عنك حاجة أو يتفقد اخبارك الحل✨️ اتدربي على قاعدة "5 ثواني" إنك تنتظري بعد ماحد يكلمك 5 ثواني دا هيخللي اللي قدامك يتكلم أكتر وانتي تسمعي أكتر ودا هيديلك غموض وجاذبية وبالتدريج هتقللي الكلام 2️⃣الكلام الدائم عن عيوبك ونقاط ضعفك : 👈مشكلتي إني متسرعه 👈عيبي إني بحب الاكل بالليل 👈مبحبش الصور أصلها بتطلعني تخينة كلامك الدائم عن عيوبك بيبرمج اللي قدامك إنك فعلا معيوبة وبتلفت الانظار ليكي في حجات فعلا ممكن مش بيكون حد مركز عليها ولا شايفها عيب اصلا بس تكرارك إنها عيب فيكي خلاه يصدق ده الحل✨️ اتكلمي دايما عن نقاط قوتك أو متتكلميش وخللي أفعالك هي اللي تتكلم 3️⃣عاطية مجهود كبير للناس أكتر من نفسك: حياتك كلها للناس ومفيش عندك هدف واضح خاص بيكي ولاطموح بتسعي ليه الأنثى اللي معندهاش هدف وطموح الناس بتشوفها تايهة ومعندهاش أي قيمة مضافة ولا ليها هوية واضحة الحل✨️ اتدربي على الاستقلالية وفاجئي الناس بأهداف وطموحات بتحققيها 4️⃣عدم القدرة على الصمت والمقاطعة أكتر من الاستماع: الحل✨️ اتدربي ع الاستماع الفعال إنك تسمعي اللي قدامك بكل حواسك وخاصة التواصل البصري دا بيخللي اللي قدامك سيكولوجيا ولا شعوريا بيرتيط بيكي لأنه شافك اهتميتي بيه علشانه هو ودا معناه إنه بيحظى بأهمية عندك 5️⃣النميمة بين الناس: النميمة من أسوأ الأخلاق حتى لو بتعمليها بنية التسلية الكلام على الناس من وراهم بيفقدك احترامك وبيقلل منك ومن قيمتك الحل✨️ انشغلي بحياتك واقعدي دايما في بيئات إيجابية وناس ايجابيين بيتمنوا للناس الخير ومشغولين بحياتهم واهدافهم في الحياه انسحبي بلطف من القعدات الي فيها غيبة وكلام عن الناس 6️⃣التصرفات العشوائية والمخاطرات الغير محسوبة: الناس بتفقد الثقة في الشخص اللي بيتصرف بعشوائية أو بياخد قرارات من غير تفكير يعني التأني في التصرفات بيجنبك الندم وبيخليكي تتحلى بالحكمة. 7️⃣ الكلام التافه والنكت والافيهات الكتيرة بتقلل منك جدا وبتفقدك جاذبية الأنوثة فيه فرق كبير جدا بين إنك تكوني أنثى مرحة ودا مطلوب جدا وأنثى كل كلامها إفيهات وضحك كتير يسلبك وقارك واحترامك 💡 نصيحة: خلي دايمًا أفعالك وكلامك بيعبروا عن شخصيتك الحقيقية، وراجعي نفسك في كل خطوة بتاخدها. احترام الناس بيبدأ من احترامك لنفسك وأفعالك وقيمتك اللي بيحددها تصرفاتك هي اللي بتحدد هل انتي أنثى "high profile" ؟ولا أنثى" low profile "؟