📲"Налшык губампlэ"- ары зэреджагъэр ироман къэбэртэе тхакlоу Чэрим Марианнэ. 📎 Зищыlэныгъэ, зиунагъо зэтезыгъэуцон зымылъэкlырэ кlэлэегъаджэу, шхын къезыщэкlырэ Асхьад, ащ гумэкlыгъоу къыфыкъокlыхэрэм акъылэу, шlуагъэу ахихырэм, ыужым къызыфакlорэм ар къешlэкlыгъ. Ау ащ дакlоу lофыгъуабэр къыщеlэты: цlыф, зэшъхьагъусэ зэфыщытыкlэхэр,шlулъэгъуныгъэр, динымрэ непэрэ мафэмрэ, бзылъфыгъэ гукlэгъуныгъэр, нэйпсыягъэр, адыгабзэм иlофыгъохэр, хабзэм иlофышlэхэр, хъугъэ-шlагъэм икъоу ущымыгъуазэмэ узэшlуигъэкlодын зылъэкlыщт лъэубэкъухэр зэрэуигъэшlыхэрэр, непэ уиlэм уасэ зэрэфэпшlын фаер... 🔻Непэрэ мафэм ыбгъукlэ урегъэплъы, чlыпlэхэм зыкъыщыошlэжьы, уасэ зыфыуегъэшlыжьы, "сэрымэ сыдэущтэу сызекlощтыгъа? “ уегъэlожьы. Еджэрэ пэпчъ ащ зыкъыщишlэжьын ылъэкlыщт. Ар ыгу рихьыщта римыхьыщта, дыригъэштэщта дыримыгъэштэщта- шъхьадж елъытыгъ. Ау джырэ къэбэртэе литературэм романыр ищысэшlоу сэ сэлъытэ. 🔻 Къэбэртэябзэкlэ тхыгъэ романым мэфитlорэ седжагъ. Сэ сlулъыр кlахэ адыгабзэми, тхылъым ипроцент 70-р къызгурыlуагъ, 30-р гурышэкlэ зэхэсшlагъ, сшlогъэшlэгъон дэдэу седжагъ. ✔️ Тхылъым еджэ зышlоигъо щыlэмэ естын слъэкlыщт, шъукъатх. ❗️ Чэрим Марианнэ- КъБР-м и Лъэпкъ гъэзетэу "Адыгэ псалъэм" ижурналист, тхакlо. 📝Анцокъо Ирин/Адыгэ макъ, Хэкум ымакъ.