الشاعر باسم مساوى

#الموقف_البحري

ماشي جــــــديد الا الجــرايم زياده
ولا جـــديد الا الحصيــــــــله بتزداد

والحرب تلك الحــــرب حرب الاباده
والارض مكتضه جثــــامين واجساد

وان قلت كيف الحـال!! حالات حاده
وان قلت كيف العـيش!! لاماء ولازاد

تذود غزة ذود ماشـــــــــــــعب ذاده
المعتدي جلاد والجــــــــــــــار جلاد

تطبع شهـــــــادات الفنــاء والشهاده
وغيرها يطبـــــــــــع شهادات ميلاد

وفاقده مالايطـــــــــــــــاق افتقاده
وحامله حمل الشــــــوامخ والاوتاد

اولاد تفنى قبـــــــــل يــــوم الولاده
واولاد تتفحـــــــم وتتمــــــزق اولاد

قلوب كــانت غـــــامـــــره بالسعاده
واتفولذت من فقــــد فلـذات الاكباد

ماكل مستنــــــــجد يــــلاقي نجاده
طواقم الانجاد محتـــــــــاجه انجاد

اجلد جـــلاده فـــوق معنى الجلاده
يوجد لها عدة تفــــــــــــاسير وابعاد

مابين مليــــونين معلـــــــــن حداده
والروس تتساقط على روس الاشهاد

والصمت قد صـــابح طبيـــعه وعاده
والوضع والواقــــــــع طبيعي ومعتاد

والمجتمع مايعــــــــرف ايش النقاده
مليار متــــــــــروض ومليـــــار منقاد

كلن حسب طبعه وحســـب اعتياده
وكل من بيسيــــــر ويهيـــم في واد

الله يلعنهم جمـــــــــــــــــاعه وقاده
والله يلعنهم مواليــــــــــــــن وافراد

كل العبــــــــــــــر منها عبر مستفاده
وفرز مابين الآكــــــــــــابر  والاوغاد

مابين متــــــــــردد وصـــاحب اراده
وغربله مابين قـــــــــــــــــايد وقواد

اما بيـــــــــــاض الــوجه والا سواده
اعداد تتصــــــــاعد وتتنــازل اعداد

والموقف البحــــــــري سنام السياده
يغفر لجد الجـد واحفـــــــاد الاحفاد

ولاسوانا نستحــــــــــــــــق الاشاده
انداد ذات البيـن مــــــاشي لنا انداد

احنا وقود الـــــــــدين واحنا عتاده
واحنا خطوط النار وخطوط الامداد

واحنا الأدلـــــــــه والحجج والأفاده
واحنا وعـــــــــــود الله ميعاد ميعاد

من اعظــــــــــم الارزاق رزق القياده
والله رزقنا خيــــــــــــر واعز من قاد

النصر للاســــــــــلام غايـــــــة مراده
والموت لا اهل الموت مقصوده الجاد

سيد ولد سيد ومـــــــن نســل ساده
يتبعه الاسيــــــــــــــاد وابناء الاسياد

طبيعي الكـــــــــــــوكب يزيد اتقاده
الشوق للهيجاء في الاعمـــــاق وقاد

نخوضها والخــــــــــوض فيها عباده
في كل صوب وكل مــوضع ومرصاد

ومن زوايا مستقيمــــــــــــــه وحاده
في المحور السيني وفي محور الصاد

كلن على استعـــــــــــــداد للاستعاده
والكل متفــــــــــــــادي وباذل وسداد

لو مخزن التسليــــــــــــح يعلن نفاده
والدعم والاسنــــــاد يستجدوا اسناد

وغى وغى لاتهــــــــــــــــــديه لاهواده
لو يخرجوا من تحت الاجداث الاجداد

يهمنا الاســـــــــــــــــــلام نشفي فؤاده
ويهمنا نصنع صـــــــــــــواريخ وامجاد

#وضاح_الحميصي

https://t.center/WadahAlHuamaisei