وصلت لمرحله من امرايتي اتختل
حرب عقل وگلّب شيسكت المقتل
آنه ادري الحرب بيها ضحايه اهواي
المشاعر والافكار اشلون تتكتَل
ورامن أمشي خاطر بالعُمر أرتاح
طير ابنص حرب لا يرى ولا يندل
ليل وأرد انامن ولافكار اهواي
أول مرة هاي ابروحي أتوسل
لا فاد الظلام اولا يفيد النور
مدري اشبيها روحي اهواي تتزعل
طلع ضَي الفجر وانه بقلق ضليت
بميل الساعه عيني الحلوه تتغزل
آنه اخجل واحب ومن الخجل انعاف
ومن كلمة خجل اخجل
واسولف ويَ روحي اسوالف العشاگ
تعرگ گصتي؛ لا جسمي يتبلل
عُرَفني وما عرفته الأني افكر بيه
گال اشبيك؛ گتله بذمتك المقتل
لمعت عينه شافت عيني وترَخيت
زعل حسيته گتله بذمتي لا تزعل
#باقر_علاء