" ڕەش نووس "
لە چاوی تۆ دەچێ، بەختم، وەها ڕەش
لە شەوگاری ژیانم، شەوچرا ، ڕەش
وەکوو بولبول لە ناو پاییزی خەم دا
چریکەم دێ بەڵام گوڵ ئاشنا ڕەش
شەوێک ئاسوودە لای تۆ دانەنیشتم
مەخابن، عومری بێ عەیش و نەوا ڕەش
هەتاکوو سەر نییە شەوگاری دووری
بە تیشکی ڕووت قەسەم،ڕۆژگاری وا ڕەش
لە سایەی زوڵمە خاکم بۆتە سووتوو
بە فیکر و بیر و ڕیش و ڕوونما ڕەش
یەقین هەڵدێ لە ئاسۆ خۆری ئێمەش
ئیتر دەبڕێتەوە دەرد و بەڵا ڕەش
سڵاوی گەرمی ئازادی لە خەڵکێ
کە قەت نەفرۆشێ خاکی بۆ بەها ڕەش!
#ک_د_ئازاد🍃❤️🍃
