عصر دلفان

#ریویار_کش


حوئریکی اژ جنسِ وِژت ،مونگ و هُمال شیوت نماو

هویچ دلی وه سیل چیمت و عاقلی ایوت نماو

مِشتری مای منیشی ار دراخِل آسمونِ چیمت


کموترِ شوقِ دلِم منیشی ار بونِ چیمِت


مونگه مگیری وختی که گیسِت مَکُوی ار نومِ رویت


شراوِه هفت ساله مَسی حواسَه مِهِه اژ جومِ رویت


رنگینی خالِ نارِکِت تا لا ذلیخا بِردینِه


خدا ئه نوم فرشتلی هونه دیاری کردینِه


کَل تونَه موینی کِلَه مِه ،موشی که "نویر وه پاته وه"


مزانی تو حکیمینی درمونی" ها وه لاته وه "


آسمو مپاشی اسبن ار دشتی که مِه تو گوم بِنی


تو متونی وه لوء خَنَت شاخِ خَمِ دل بِشگِنی


لوئَلِ تو چِکِرِگُل ار شفق آشتیِه ور هِنَک


خوین آواری ،خوینا مَنی ،ولاتت رشونییِه یَک


لیز وه کَلل کَلما نِمیَن ،موشِن که شیوه تو دیرِن


راوا نییَه ولاتی کل خصه نداری تو بیرن


چیمَل تو تیتالی ئو تیز ،ار چیمَل آهوئَه مَهَن


شُرَه شِراوِ چیمَلِت مَسی مِه وانوئَه مَهَن


ریویار کُشِن چیمَل مَسِت ،باجِرا شمشیرِ دَسِت


کم خوین بِنا ،بسَه نَکه،بِوخشمَه قورِ کل کَسِت


#مهدی_کیانی_برخورداری


@asredelfan

شعرلکی در وصف امام زمان
((( حضرت اباصالح المهدی )))

"تاگَه تو نای إ سَفَر ئَسِر چیئمِم سا نِماو"

وَختی جُمعَه مای هَنی داخِ دلِم تازَه ماو

دفترِ دل پَریشیمْ یِگِل هَنی وازَه ماو

منیشمَه شعر وِتِن تا خودِ صوئ مَگیرِم

هَر اخَسَه بِخُونمِت بيتِم پِر آوازَه ماو

مَر و دَمَه مدحِ تو ،بیت و مَتَل کشکَه کُل

خدا فقط قادِر ئَه بیونِ ای رازَه ماو

بختِم پِرَه أژ گِری وه دس کسی آ نِماو

تا گَه تو نای إ سفر ئَسِر چیئمِمم سا نِماو

بونگِ دِلِم برزَه هَم اورِ خَمَه ماواری

دلِم مَچو تا فِلَک دنگِ هاوار هاواری

صوئ وه سحر ئَر نِماز وِردِ زِوونمَه دُعات

یارِ سَفر کِردَه مِه أنی مِه کِه گلاری

دِلِت إ دس کی پِرَه نمای وژت نِشون دِی

تا چیئمَلِم پِر آو بو چوئ گُلَه اُور وِهاری

دویریِ تو بردیِه صبرِم و طاقَت و تاو

تاگَه تو نای إ سفر ئَسِر چیئمِم سا نِماو

تا کِئ چیئم ئَر دِراخِل ،تا کِئ دِلم کاوا بو

سایَه وِژت نشون دَه تا چیئمَلِم پِر آو بو

ساِمِرا و قُم گَپَه ،تو هاینِه کُل وِلاتی

دَسِت بِکیش إ سَرِم بَلکَم أریت ثواو بو

ای جمعَه چی نِهاتی هَنی چیئم ئَر دِراخِل

اخکَه مِه بوئمِه گِری تا چیئمَلِم خِراو بو

اگر إ داخِ دویریت هردِک چیئمِم بو خِراو

تاگَه تو نای إ سَفَر ئَسِر چیئمِم سا نِماو

#مهدی -کیانی-برخورداری

🌹🌹🌹🌹🌹🌹🌹🌹🌹
@asredelfan

نقدی بر عدم بومی گزینی مسئولین شهرستانی دلفان

بومی گزینی یا بومی گریزی ؟


از آنجایی که مديران غيربومي آسيب‌هاي فرهنگي اجتماعي منطقه را نمي‌شناسند و لذا براي رفع آنها نمي‌توانند تلاش كنند. و وقتي شناخت نباشد برنامه‌اي براي پيشگيري و درمان هم وجود ندارد در مدت زمان كوتاهي متوجه مي‌شويم كه آسيب‌های موجود در منطقه به تهديد تبديل شده است.
بدون شک مدیران بومی دارای تخصص و تعهد بدون فرصت سوزی می توانند از همان روزهای آغاز فعالیت خود با توجه به آشنائی کاملی که به منطقه دارند کار خود را با قدرت شروع نمایند و به دلیل اینکه کاملا” با آداب و رسوم و عقاید اهالی منطقه آشنا هستند از اتخاذ تصمیمات تنش زا نیز اجتناب ورزیده و از نفوذ کلام و نفوذ قدرتشان در جهت منافع عموم استفاده می‌کنند.
نکته ی حائز اهمیتی که اشاره به آن ضروری به نظر می رسد ؛اهمیت تعامل مدیران با مردم است زیرا مدیران بومی به دلیل آشنایی با مناطق خود، می توانند به بهترین شکل با مردم ارتباط داشته باشند و با ریشه یابی مشکل ها، راهکارهایی جدی برای آن ارایه دهند.

بحث شناخت فرهنگ اصیل هر منطقه نیز می تواند نقش مهم در تصمیم گیری های مدیریتی داشته باشد.
برخی از مدیران غیربومی چون آداب و رسوم حوزه ی کاری را نمی دانند، با ادبیات غیر متعارف و نامناسب و گاه متکبرانه با زیردست خود و مردمان آن منطقه رفتار می کنند. تصور ذهنی این مدیران این است که مردم به آنها نیازمندی و وابستگی دارند.

می توانیم با نگاهی به ضرب المثل "صاحب خانه، خانه ی خود را بهتر می شناسد"، به این نتیجه برسیم که تنها مدیری که در بین مردم زندگی کرده است می تواند درد مردم را بفهمد.


یکی دیگر از آسیب های مدیریت غیر بومی، بی اعتمادی و شناخت نداشتن از سرمایه های بومی است که سبب می شود برخی از این مدیران، رویکرد باندبازی و خویشاوند سالاری را گسترش دهند. در برخی از موارد مدیر غیربومی سرمایه ها و منابع انسانی فرهیخته را مزاحم، رقیب و جانشین خود می پندارد و اقدام به حذف شخصیت های بومی می کند. اما این مدیران بومی هستند که آغوش خود را برای جذب فرزندان بومی می گشایند و در پشتیبانی از آنها از هیچ تلاشی دریغ نمی کنند.

بهتراست بدانیم که یکی از مولفه های کلیدی موفقیت در مدیریت، قدرت خطر پذیری است. مدیر غیر بومی به دلیل زودگذر بودن دوره ی ماموریت خود، اهل آزمون و خطا نیست و خود را اسیر تحول یا اصلاح غیر لازم امور نمی کند
و با این روند نخبگان بومی تخصصشان قربانی منفعت طلبی وباند بازی و خویشاوند سالاری میشود.

انتظارمی رود مسئولینی که با شعار بومی گرایی سکاندار مسندهای مهم و حیاتی شهرستان دلفان شده اند سنت خود را بشکنند و به دور از هرگونه حب و بغض، برخی از نابرابری های سلیقه ای در حوزه خود را از بین ببرد

درپایان باید گفت انتخاب مدیران بومی به این معنا نیست که افراد غیر بومی نمی توانند در راستای عمران و آبادانی منطقه و ایجاد رفاه برای شهروندان موثر واقع شوند؛ ولی به نظر می رسد فردی که با کاستی ها و کمبودهای منطقه ی خود آشنایی بیشتری دارد، می تواند با تعصب و دلسوزی که نسبت به همشهریان خود دارد، بهتر درد مردمان خود را بفهمد.


#مهدی_کیانی_برخورداری

@asredelfan

‍ 💫دوبیت از یک غزل اجتماعی💫

یِه بلاجویی چییلمی دییَه اژ خلقِ خدا

کِه لَخَه سام کردیَه دِیَر عقلِ سرگردون وژم

وختی دنگ پلمَه گریوَه آیلی مای وَ گوشِ دل

گِر اِ نوم سَرمَه مچو تُف ماجِم ار دامون وِژم

#مهدی_کیانی_برخورداری



@asredelfan

🌸🌸🌸🌸🌸🌸🌸🌸🌸🌸🌸🌸

چیمَه ری عیدِ فطریم بیس و چُوار سات

خوینِ روژی گِرَل کُل نیاونَسَر پات

بوری سر بارِه در تا مونگ دیار بو

تا ئِه دفتر مراجع بوشِن عید هات

#مهدی_کیانی_برخورداری


@asredelfan

بیلا بوشِم دنگِم یِه بِری کَر کِه
اگر ناکس بای ئِه خاکت گذر کِه
مه چوی سالل وَرین موسِم ،ممینم
نمیلِم یِه گومَل ئَژ خاک وه دَر کِه

#مهدی_کیانی_برخورداری

@asredelfan

#پیر_جماران

باوار ئِه ئسر باوار چوی وشت واران

باوار ئه داخ ئه دس چین پیر جماران

دوما روحِ خدا آسمون و لاره

دس ار شوین بین حویر و مونگ و حَساره

زمین گیس وه دس ودنیا خمین بی

خدا روحِ خدابِرد ،وژ حزین بی

ملائک گَرمِ شوین روحِ خدا بین

لباس ور مونگ و حویر، یه دس سیابین

دسِت بشکی اجل چوی گرتت گیونی

شوئه زنگ بی ولات گیریایه مونگی

یه ولگ اژ دفتر دینمو جیا بی

یقین دیرم امام روحِ خدا بی

قلم سیتر بنیسن تا بگیریم

خمی چن کوی گرین ئر سینه دیریم

ولاتی کل سیا پوش پیر جماران

باوار ئه چئم ئسِر چوی وشت واران


#مهدی_کیانی_برخورداری

@asredelfan

💫کِلِ ژاری 💫

سِتَم تا کِئ راوا دیری ،وه ناحق گیون سَنِن تا کِئ ؟

مِدوم هر گیونَه سَر کِردِن ،مِدوم هر گیون کَنِن تا کِئ؟

هَماری وه هُمالداری ،وه سیلی روئ وِژم سویر کِرد

کُچِک وَر دالِ چیئم تو بیین ،وه بِرژِنگ تیر شَنِن تا کِئ؟

چیئمم دِیر خو قِلا پیک بی ،یَسه هومسایَه سا وژمم

هونَه چوی دوره گرد دوریش ،وه در مالِت مَنِن تا کِئ؟

تَموم سازَل خوشیم اِشکو ،کِلِ ژاریم هموتَر دُویل


کُرِ دل جونَمرگ بی مِرد ،وه سازِ خَم ژَنِن تا کِئ ؟


نُلِق آیلِ دِلِم ایر نات ،کِز و کور هار هَلورکی خَم


وه مور ئَر سَر لَشِ آیل دل ،کَلیمَه خَم‌ خُونِن تا کِئ

چیئمت هیتلر ،دمت چنگیز ئو بالِ بِرژِنگت تیمور


و ظلمت ریشی ایرون و لهستان اُور کَنِن تا کِئ ؟


بچو ئَژ مِلکِ دل ناکَس ،سِتم تا کِئ راوا دیری ؟


و سیلی گیونه سَر کِردِن وه سیلی گیون کَنِن تا کِئ ؟


#مهدی_کیانی_برخورداری


@asredelfan

شعرلکی در وصف امام زمان
((( حضرت اباصالح المهدی )))

"تاگَه تو نای إ سَفَر ئَسِر چیئمِم سا نِماو"

وَختی جُمعَه مای هَنی داخِ دلِم تازَه ماو

دفترِ دل پَریشیمْ یِگِل هَنی وازَه ماو

منیشمَه شعر وِتِن تا خودِ صوئ مَگیرِم

هَر اخَسَه بِخُونمِت بيتِم پِر آوازَه ماو

مَر و دَمَه مدحِ تو ،بیت و مَتَل کشکَه کُل

خدا فقط قادِر ئَه بیونِ ای رازَه ماو

بختِم پِرَه أژ گِری وه دس کسی آ نِماو

تا گَه تو نای إ سفر ئَسِر چیئمِمم سا نِماو

بونگِ دِلِم برزَه هَم اورِ خَمَه ماواری

دلِم مَچو تا فِلَک دنگِ هاوار هاواری

صوئ وه سحر ئَر نِماز وِردِ زِوونمَه دُعات

یارِ سَفر کِردَه مِه أنی مِه کِه گلاری

دِلِت إ دس کی پِرَه نمای وژت نِشون دِی

تا چیئمَلِم پِر آو بو چوئ گُلَه اُور وِهاری

دویریِ تو بردیِه صبرِم و طاقَت و تاو

تاگَه تو نای إ سفر ئَسِر چیئمِم سا نِماو

تا کِئ چیئم ئَر دِراخِل ،تا کِئ دِلم کاوا بو

سایَه وِژت نشون دَه تا چیئمَلِم پِر آو بو

ساِمِرا و قُم گَپَه ،تو هاینِه کُل وِلاتی

دَسِت بِکیش إ سَرِم بَلکَم أریت ثواو بو

ای جمعَه چی نِهاتی هَنی چیئم ئَر دِراخِل

اخکَه مِه بوئمِه گِری تا چیئمَلِم خِراو بو

اگر إ داخِ دویریت هردِک چیئمِم بو خِراو

تاگَه تو نای إ سَفَر ئَسِر چیئمِم سا نِماو

#مهدی -کیانی-برخورداری

🌹🌹🌹🌹🌹🌹🌹🌹🌹
@asredelfan
🌺🌺🌺🌺🌺🌺🌺🌺🌺‌