Азия-Плюс TJ

#Чӣбоядкард
❓Чӣ бояд кард, агар дар мактаб шуморо озор медиҳанд?

🏫 Агар дар мактаб мавриди озор ё булинг қарор гирифтед ва ё шоҳиди он шудед, фавран ба омӯзгорон, волидон, директор ва ё равоншиноси мактаб муроҷиат кунед. Ин барои амнияти шумо ва дӯстонатон  бисёр муҳим аст.

Омӯзгорон ва волидон дар ҳолати мустақилона наёфтани роҳи ҳал, метавонанд тариқи рақамҳои 221 79 89, 221 79 69  info@ombudsman.tj ба Ваколатдор оид ба ҳуқуқи инсон ё намояндагии он дар минтақаҳо ва ё ВКД (221-87-20; 227-67-00) муроҷиат намоянд.

☎️ Рақамҳои дигари ниҳоди масъул:

Намояндагии Ваколатдор оид ба ҳуқуқи инсон дар минтақаҳо:

Хоруғ (ВМКБ): к. Ленин, 25, + (8) 3522-2-32-84, khorug@ombudsman.tj

Хуҷанд (Суғд): к. Фирдавсӣ, 120, ошёнаи 4, + (8) 3422-6-28-68, khujand@ombudsman.tj

Бохтар (Хатлон): к. Б.Ғафуров, 11, + (8) 3222-2-79-32, qurgonteppa@ombudsman.tj

Кӯлоб (Хатлон): хиёбони И. Сомонӣ, 36, ошёнаи 4, ҳуҷраи 42, + (8) 3322-2-22-93, kulob@ombudsman.tj

Турсунзода (НТҶ): к. И.Сомонӣ, 37, + (8) 3130-2-85-10, tursunzoda@ombudsman.tj

Исфара (Суғд): к. Марказӣ, 10, + (8) 3462-2-78-82, isfara@ombudsman.tj

Айнӣ (Суғд): к. Рӯдакӣ, 37, (ошёнаи 2), + (992) 92-707-06-65, ayni@ombudsman.tj

Рашт (НТҶ): шаҳраки Ғарм, к. И.Сомонӣ, 42, + (8) 3131-2-14-13, rasht@ombudsman.tj

Қабодиён (Хатлон): к. И.Сомонӣ, 36, + (8) 3251-2-26-35, qubodiyon@ombudsman.tj

Вазорати корҳои дохилӣ:
(+992 37) 221-86-76, почтаи электронии kotibot.khphnj@vkd.tj.

Мушкиле доред ва намедонед чӣ бояд кард? Ба мо нависед!

❗️Аз 17-ум то 19-уми ноябр дар бархе шаҳру ноҳияҳои вилояти Суғд роҳҳои мошингард муваққатан баста мешаванд.

🗯 Дар ин бора шуъбаи БДА-и Раёсати ВКД дар вилояти Суғд хабар дода, гуфтааст, ки ин роҳбандӣ дар пайи сафари Эмомалӣ Раҳмон, раисҷумҳури Тоҷикистон ба ин вилоят дар нақша гирифта шудааст.

Ҳамин тавр, тибқи иттилоъи манбаъ:

- рӯзи 17-уми ноябр кучаҳои марказии шаҳри Гулистон, роҳи
мошингарди Хуҷанд-Ғафуров, кӯчаҳои Исмоили Сомонӣ, Аминҷон Шукуҳии шаҳри Хуҷанд, кучаҳои марказии ҷамоати Ёваи ноҳияи Бобоҷон Ғафуров, роҳи нақлиётгарди Душанбе-Хуҷанд-Чаноқ, кӯчаҳои маркази деҳаи Зархалоли ҷамоати Якатол ва хиёбони Исмоили Сомонии шахри Истаравшан;

- рӯзи 18-уми ноябр, кӯчаҳои марказии шаҳри Гулистон, роҳи
мошингарди Хуҷанд-Ғафуров, кучаҳои Раҳмон Набиев, 75-солагии Ғалаба, Саноатчиён, Бобоҷон Ғафуров ва Ҳувайдулоеви шаҳри Бӯстон, кӯчаи Ҳобилов, роҳи нақлиётгарди Деҳмой-Конибодом, ҳудуди шаҳраки Ғафуров, кучаи Исмоили Сомонии ноҳияи Бобочон Ғафуров ва кӯчаҳои Бобочон Ғафуров, Абдусаттор Юсупови ҷамоати Исфисори ин ноҳия;

- рӯзи 19-уми ноябр, роҳи роҳҳои Гулистон-Додобой,
Холматов-Хуҷанд, кӯчаҳои Сирдарё, 60-солаги октябр, 25-солагии истиқлолият то маҳаллаии сеюми шаҳри Хуҷанд, кӯчаҳои Раҳмон Набиев, Исмоили Сомонии шаҳри Хуҷанд, роҳи мошингузари Хуҷанд-Ғафуров, кӯчахои марказии шаҳрҳои Гулистон ва Бӯстон

баста хоҳанд буд.

Давомнокӣ ва соати баста шудани роҳҳо гуфта нашудааст.

Дар робита ба ин мақомот аз шаҳрвандон ва ронандагони воситаҳои нақлиёт хостаанд, ки ҳаркарти худро тариқи кӯчаҳои ҳамшафати ин роҳҳо идома диҳанд.

✅Бо ❤️ бошед: Telegram ✅

#Якхабар
🇰🇷Шартҳои кор дар Корея пурра маълум шуд

Шартҳои кор дар Корея пурра маълум шуд. Ҷузъиёти тавофуқи Тоҷикистону Вазорати адлия дар пойгоҳи иттилоотиаш ҷойгир кард.

📑Тибқи ин санад, шаҳрвандони Тоҷикистон, ки аз 18 то 39 сол доранд, ҷиноятҳои вазнин ва махсусан вазнин содир накардаанд, аз Корея ронда нашудаанд ва баромаданашон аз Тоҷикистон манъ нест, метавонанд ба Коррея раванд.

❗️Танҳо “Агентии бокортаъминкунӣ дар хориҷа”-и Вазорати меҳнат ҳақ дорад шаҳрвандонро барои кор ба Корея фиристад.

💵Пули чипта барои сафарро худи корҷӯ пардохт мекунад. Ҳамчунин, ӯ дар Тоҷикистон ва Корея аз муоинаи тиббӣ мегузарад.

Коргар чӣ гуна интихоб мешавад, барои сафар кадом ҳуҷҷатҳо лозим аст ва дар кадом ҳолат метавонанд коргарро ихроҷ кунанд, муфассал дар телеграм канали мо мутолиа кунед.

➡️ Тарзи интихоб, синну сол ва пули чипта. Ҳамаи шартҳои сафар ба Корея маълум шуд

———————
Таблиғ:
Кӯдак таб дораду тамоми шаб нахобидаст ? Пас ба кӯмаки шумо Пардифен Бэби мешитобад.
Пардифен Бэби аз ширкати Вегафарм, аз дорухонаҳо пурсон шавед!

❗️“Рақаму рамзи кортро надиҳед”. Ҳушдори Амонатбонк ба муштариён аз фаъолшавии қаллобон

⚡️ Freedom Finance Global: Дар Тоҷикистон эътимоди истеъмолкунандагон паст мешавад

⚡️“Рақс бикун ҷоно...” Фестивали байналмилалии рақс чӣ гуна гузашт?

Шоми 12-уми ноябр дар Театри опера ва балети ба номи Садриддин Айнӣ фестивали байналмилалӣ таҳти унвони “Рақс моро муттаҳид мекунад” намояндагони санъати рақси панҷ кишвар – Тоҷикистон, Ӯзбекистон, Қазоқистон, Русия ва Молдаваро ба ҳам овард.

Дар фестивал ансамблҳои рақсии ин давлатҳо ва намояндагони расмии мақомоти дахлдор ширкат доштанд.

Фестивал бо иҷрои “Нақорабазм” аз ҷониби ансамбли рақсии “Зебо” оғоз гардид.

Баъди анҷоми қисмати расмӣ, дастаҳои рақсии “Гулрез”, “Ҷаҳоноро”, “Навои Бадахшон”, “Базморо” , “Парасту”, “Чаман”, “Лола” ва дастаҳои рақсии Суғду Хатлон аз Тоҷикистон навъҳои гуногуни рақси миллӣ, аз ҷумла “Зарафшонӣ”, “Рақси табақ”, “Рапо”, “Рақс бо қошуқ”-ро иҷро карданд.

Инчунин, дастаҳои рақсии “Баҳор”-и Ӯзбекистон, “Салтанат” аз Қазоқистон, “Берёзка” аз Русия, “Флуйераш” аз Молдава рақсҳои миллии худро намоиш доданд.

Миролим Саидов, Сардори раёсати санъати Вазорати фарҳанг гуфт, ин бори дувум аст, ки дар Тоҷикистон фестивали рақс доир мегардад.

“Баргузории фестивали байналмилалии “Рақс моро муттаҳид мекунад” барои табодули таҷрибаи гурӯҳҳо, ҳамкорӣ байни гурӯҳҳои ҳунарии рақсии кишварҳо муҳим буда, барои муаррифии рақси миллии тоҷикӣ мусоидат мекунад” – гуфт ӯ.
Фестивал бо иҷрои рақс аз ҷониби ансамбли “Зебо” зери оҳанги “Эй санам” ҷамъбаст гардид.

Рӯзи 13 ноябр дар Театри опера ва балети ба номи Садриддин Айнӣ маросими ҷамъбастии фестивал доир мегардад.

✅Бо ❤️ бошед: Telegram ✅