سه کو خدا چی کرده وی آسمو
زده و گیسِ اورِ تیمو کمو
جوم طلا زده و تیفِ بارو
درمونیه سی دل غصه دارو
بکو و در بئین ای سوز سیلن
ای دخترِ لو سور و زلفِ هیلن
گوش کو و ای گرمهورِ آسمو
گت بی و یک لنگ زمین و زمو
ملیچه و شاخه زنه مَتلک
سه کو و نقاشی چرخ فلک
سر واله ای سرازیری و گِمی
سه کو و پالتو سی زغالی زمی
تپاره آسمو پوقس د کلش
توکه توکه ساچمه ریزه بن دلش
کموترن دینی و سر لونه لیز
تشِ دلش کور بیه وی ساچمه ریز
#آرش_آقایی