Смотреть в Telegram
لولادة الزهراء عليها السلام
اليوم الزمان بمولدج ازهر يا اية التطهير والكوثر
ياصافيه بلون الصبح محلاها ساعات الفرح
وهذا المكان باسمج تعطّر
يا اية التطهير والكوثر
****
بياسوره ماكو انتي ياكل السور
حقه النبي من باهل وبيج افتخر
نور النبي فوك الارض والمستقر
يالمسة الباري على الدنيا واثر
قدسية نورانية يامنهل يانهر منج ياخذ الجدول
ياشافعه وياعالمه
يافاطمه يافاطمه
كل علم انتي كتابه والمصدر
يا اية التطهير والكوثر
**
يطول الامر ياكلمة توفي بالمدح
وياجلمه عنج فاطمه تغني الشرح
يانصر من الباري انتي والفتح
يامطر ينزل فوك كل دمعه فرح
ياام ابيها ونوره وعمره يابسمته وياهيبته وعطره
ياسر عظيم ومعرفه
يعجز لسان ايوصفه
من يوصل المعناج من يكدر يا اية التطهير والكوثر
*****
يوم القيامه فاطمه تصبح درع
تصبّر كلوب الي سكن بيها الجزع
توكف الشيعتها وتنادي بالجمع
انا الشفيعه الشيعتي يوم الفزع
يوم القيامه فاطمه همها
تفطم الشيعه من جهنمها
ثابت طبعها بهلشكل
ام العطايا والفضل
جود وشفاعه بساعة المحشر يا اية التطهير والكوثر
**
هي قطب الرحمه وام خير الحجج
البيها كلب المصطفى شكد ابتهج
صاغت بلاغة حيدر اقوال ونهج
وصفت للقائم مضامين وفرج
هيه الحقيقة وغاية المقصد
وهي عوالم معرفه ابلاحد
باسمج دربنه ينرسم
هيهات من درب الهظم
نورج الخير الي فضح كل شر يااية التطهير والكوثر
*
هيه بانفاس الزمن خير ونعم
منها اخذنه الراي والحق والقيم
وكل سبيل المعرفة بجفها الكرم
نور السمة للارض هليوم ابتسم
الكون ضاحك يزهي ابالوانه
نجدد فرحنه اليوم مسعانه
بيوم الولاده الطاهره
بردت جحيم الاخره
بذنج نبينه المصطفى كبّر ياايه التطهير والكوثر
الشاعر حسن لعيبي الحريشاوي
Love Center - Dating, Friends & Matches, NY, LA, Dubai, Global
Бот для знакомств