Владислав Арӡынба ихьӡ зху Аҟәатәи аҳаиртә баҕәаза ахархәарахь ирыҭахоит иаарласны. Уи апассаџьырцәа рымаҵ аулоит иааиуа акурорттә сезон азы. Абри атәы иҳәеит Урыстәыла иҟоу Аҧсны ахаҭарнак Алхас Кәыҵниа. Аҳаиртә баҕәаза амакет цәырган Москва имҩаҧысуа «Атранспорт амчыбжь» ҳәа захьӡыз афорум аҿы. Аҳаиртә баҕәаза аиҭашьақәыргыларазы Аҧсны анапхгареи аилахәыра «Инфраструктурное развитие» аиқәышаҳаҭра рыбжьарҵеит 2023 шықәсазы. Аргыларақәа хыркәшахеит 2024 шықәсазы. АВИДЕО: